Biblia Todo Logo
Bìoball air-loidhne

- Sanasan -




1 Tesalonikɩkɔmʋ 3:5 - Nyaboa (Nyabwa)

5 ꞌKa-a ɩ -nɩꞌe ꞌmʋꞌa dɩ a, ꞌɩn se ꞌbhɛɛ a ꞌke sɩanamʋ -nɩ ꞌle ꞌɩn ꞌke amʋ ꞌꞌyrili-zaꞌa dɩ, ꞌɩn lbhoꞌo Timotee ꞌle a gbo ꞌle ꞌɩn ꞌke ꞌle ꞌmʋtiꞌwɔn; -ka a deꞌa Zezii ꞌꞌgwli -tanyɩ, -bho ɛ -see -denɩ ꞌmʋ -sɔ, Sataan -kaa amʋ tiꞌdɩn ꞌle ɔ -kaa amʋ tibhlaꞌa -sɩanyɩ ꞌlbhaꞌa ꞌɩnmʋ, ꞌle lbhʋ -a nʋꞌa ꞌle aꞌba ꞌꞌklumʋ -kaa bhubhulɛ ꞌꞌdu.

Faic an caibideil Dèan lethbhreac




1 Tesalonikɩkɔmʋ 3:5
20 Iomraidhean Croise  

ꞌle ꞌꞌnyinynidɩꞌa tiyayi ꞌye ɔ tidɩnnamʋ yi ꞌle ɛ ꞌke ɔ ꞌꞌnyinynidɩ wɔnpo ꞌbho -Lagɔꞌɔ ꞌꞌyigbeyi. ꞌLe ɛ na: -Bho -ɩn ꞌꞌdu -Lagɔꞌɔ ꞌꞌyu -ziaka a, -zɛ sɩkpɩ -nɩɩ ꞌꞌflɔɔ ꞌmʋ.


Ɩ ziꞌa -kaa a, zɔ -lue ꞌzɔ, ꞌPɔlʋ na: Banabaasɩ! Gwlɔꞌꞌo -gwlɔ -ke ꞌmʋ -a kpaꞌa -aꞌba -Kɔyi *Zeziiꞌa ꞌꞌdɩzɩgɩ, -a mu le, -a ꞌke ꞌlotʋꞌa ꞌꞌnynuu -nɩꞌa ꞌle ꞌye, -ka ʋn nɩnɩꞌa ꞌmʋti, -a ꞌke ꞌna yibo!


ꞌƖn-ɩ ꞌtmʋʋꞌo amʋ-ɛ, nyukpasu -ke ꞌɔ ꞌnynɔ -nɩ ꞌsɔn, ꞌmʋtiwʋnwɔɛɛn -nɩ ꞌle ꞌwa -budu ꞌzɔ. -Bho a ꞌke ꞌbho ꞌwɩ -za ꞌle a ꞌke *-Lagɔ wɔn gbo po a, ꞌꞌlemnɩɩ a -nɩ ꞌsɔn ꞌbhɛɛ wlu ꞌmʋ, ɛ-bɛ -nɔɔ ꞌmnɛ ti ꞌle a -kaa -dalue ti-de, a ꞌke ꞌꞌyikpʋn. -Lagɔwɔngboponɔɔ a -zaꞌa ꞌbho, ꞌle ɛ ꞌke zi a, -ka a -nɩ ꞌsɔn nɩnɩ -kaa ꞌꞌyrili, a yi -kaa le! -Bho ɛ -se -mnɛɛ ɛ, ꞌle a ꞌbhɛɛꞌo a ꞌke aꞌba ꞌꞌbhiꞌa wɔnyibhɛɛɛ ꞌꞌyiꞌꞌdɛdrɛ ꞌle a ꞌke ꞌꞌnyinynidɩꞌa tiyayi *Sataanꞌa tidɩnlɩ wɔnꞌkpa.


ꞌɩn -see tiꞌbɔ ꞌꞌnyinynidɩꞌa tiyayi *Sataan ꞌke -aꞌba -flɔna ꞌye. -Ɛkedɩmaa, -ka ɛ-ɛ popoꞌa ꞌgwlʋti ɛ ꞌke nʋ ꞌle ɛ ꞌke -amʋ tʋ wɔn ꞌmʋ lu, -a yiboꞌo-o ꞌna see.


A ꞌye li-ɔ, ꞌlotʋꞌa ꞌꞌnynuu-a, -abʋ -ke -Lagɔ-ɔ nʋꞌo ꞌtɔ-ɔ lbhʋꞌa dɩ, -a ꞌꞌduꞌo amʋ ꞌꞌdɩ ꞌmʋ na: -Lagɔ -wʋnnaꞌa-a amʋ ꞌꞌniti. ꞌKa-a ɩ -nɩꞌe ꞌmʋꞌa dɩ, ɛ-bɛ -zɛgɛ ɔ nʋꞌa amʋ ꞌꞌlruli, ꞌɛ ꞌꞌdu bhubhuyitiꞌa lɛ -le!


ꞌƖn ꞌka ꞌle mu a, -Lagɔꞌɔ ꞌꞌbhuo-o nʋꞌo ꞌɩn mu. ꞌƐ dɩ, ꞌɩn muꞌo ꞌle. -A nyniꞌa ꞌle a, ꞌɩn -ke Zeziiꞌa -glɩgbɩꞌa -jolʋgbopomʋklɩgbɩ Zaakɩ-e *ꞌPiɛlɩ -ke *ꞌZaan ꞌcɛ-ɛ kpɔ ꞌle ꞌɩn -ke ʋn ꞌye ꞌꞌlruꞌgbʋʋ, ꞌle *Zeziiꞌa ꞌꞌdɩzɩgɩ ꞌɩn-ɩ tɔꞌɔ nyʋ-ʋ -seꞌa-a *ꞌZuifʋ, ꞌɩn ꞌye ʋ ɩ -bodɩ gbɔzɩza. -Ɛ -ke dɩ ꞌɩn -zɩ ꞌɩ ꞌmʋ a, ꞌmna -see tiꞌbɔ, ꞌan lbhʋ ꞌɩn ꞌꞌduꞌa wɔn see ꞌle ꞌɩn -nɩꞌa -bhla ꞌꞌkpi ꞌke ꞌꞌnukɔ ꞌwla.


Lɩ a-a nʋꞌa dɩ, ꞌan -pɔlʋ -see bhlu ꞌbho amʋ ꞌꞌkpi. ꞌLe *Zezii *Kliisɩꞌa dɩ ꞌɩn -zaꞌa amʋ -bodɩ ꞌmʋ, -bheje, ꞌan lbhʋ ꞌmnɛ ꞌɩn nʋꞌa ꞌle aꞌba ꞌꞌklumʋ a -bodɩ, bhebhelɛ maꞌa?


ꞌLe -a ꞌke -kaa -nɩ a, ꞌꞌlemnɩɩ -a -see tiꞌꞌtoto yi ꞌꞌyreetɩꞌa ka. ꞌLe nyʋ-ʋ ꞌꞌmaaꞌa nyʋ dɩ ꞌꞌyrili, ꞌwa sɩnsɩndɩ-e ꞌꞌyrabhadɩ ꞌmnɩ ꞌmʋ ʋn se ꞌbhɛɛ ꞌwa -tɔtɔlɩ ꞌke -amʋ -tɔtɔlɩzɩgɩꞌa -jolʋ ꞌꞌyriliꞌꞌmaa. -Mnɩɩ, -ka ꞌꞌni -ke -pʋpɔɔ poꞌa gɔlʋ -gboko, -a -see -kaa -nɩ yi.


ꞌle ʋn ꞌke ꞌꞌkɔgwlɛtinɩɛ ꞌye -lrɛɛ. -Bho a nʋ -kaa a, ꞌbho Kliisɩꞌa leyinɔɔ ꞌꞌyi, ꞌɩn-ɩ ꞌye-e ꞌbɛtɛ -wa -mʋ ꞌɩn ꞌke ꞌbʋbʋa li aꞌba dɩ, ɛbɛ ꞌmnɛꞌɛ kamʋ: -ka ꞌɩn -seeꞌa bhebhelbhʋ nʋ, ꞌbho-o ꞌɛ ꞌꞌyriꞌa ꞌbɩ-ɩ ꞌye ꞌwlʋ -nɩ mʋ.


ꞌBho ꞌɛ lemʋ a, ꞌlotʋꞌa ꞌꞌnynuu-a, ꞌɩn ꞌde-e ꞌꞌgwli na ɛ -see ꞌmʋ-gwle yi ꞌle -aꞌba -Kɔyi *Zezii ꞌke ꞌwɔn ꞌle ꞌɩn ꞌke Timotee lbho ꞌle a gbo. -Bho ɔ mu, ꞌle, aꞌba ꞌꞌdɩ -ke ɔ-ɔ ꞌyeꞌa le -yi mʋ, ɩ ꞌke ꞌɩnmʋ ꞌbʋbʋa ꞌꞌyi ꞌlbhaa.


ꞌBho ꞌɛ lemʋ a, ꞌlotʋꞌa ꞌꞌnynuu-a, aꞌba ꞌꞌbhi yiboꞌo-o ɛ -se bhubhuyiti -a yi ꞌbho a ꞌꞌbhli -zɔtɩzɔ -ko.


ꞌTraamʋ ꞌtɔ -a muꞌa ꞌle -gbʋ mʋ -vɩa! Timotee ꞌwlʋꞌo ꞌle a gbo, ɔ -ke aꞌba ꞌꞌyrilinmɔdɩ ꞌye le yi. Ɔ na: A ꞌde-e Zezii ꞌꞌgwli ꞌꞌkɔmʋ ꞌle a kɩkmaꞌa dɩ -lrɛɛ. ꞌBho ꞌɛ lemʋ ɔ na aꞌba -pɔlʋ ꞌwla-a ꞌnɔɔ -a gbo ti ꞌle a ꞌbɔꞌɔ ti a ꞌke -amʋ ꞌꞌyri ꞌmʋ ꞌye, ꞌka-a ɛ -nɩꞌe ꞌle -aꞌba -pɔlʋ gbo -lrɛɛ.


Lean sinn:

Sanasan


Sanasan