1 Tesalonikɩkɔmʋ 3:3 - Nyaboa (Nyabwa)

³ -Bho ɛ -nɩ -kaa ꞌmʋ a, ꞌꞌlemnɩɩ, sɩasɩaalɩ -ke ꞌli -a -nɩꞌa aꞌba ꞌꞌbhi-i ꞌyeꞌa li, a se ꞌbhɛɛ a ꞌke ꞌya dɩ ꞌꞌdu ꞌle a ꞌke Zeziiꞌa -jeyiꞌa -nabhʋ ꞌꞌyizizia. -A-bʋ ꞌma-a Zeziiꞌa nyʋ, ꞌya -kaabolɩ ꞌke -amʋ ꞌꞌkpi bhla moꞌo. Aꞌba ꞌꞌbhi ꞌwɩn -ɩ ꞌbɔ, a yibo nɩ-oꞌo see.

1 Tesalonikɩkɔmʋ 3:3 Iomraidhean Croise

Luukɩ 21:12

A ꞌye li-ɔ, -bho ɛ-bɛ -nɔɔ ꞌmnɛ ꞌke nyni a, nyʋ-ʋ ꞌye-e amʋ -kpʋn -mʋ, ʋn-ʋ ꞌye-e amʋ nyanɩ ꞌmʋ -kla -mʋ. Ʋn-ʋ ꞌye-e amʋ nyʋ -lrʋʋ -jeyi ꞌꞌnyɩ -mʋ ꞌle ʋn ꞌke amʋ -zigle -tu ꞌle *-Lagɔwluꞌa ꞌlicɩaanbidi ꞌli, ꞌle ʋn ꞌke amʋ -jie ꞌmʋ po. ꞌAn nyʋ a ꞌꞌduꞌa ꞌꞌlru ꞌꞌyi, ʋn-ʋ ꞌye amʋ ꞌbhɩɔ -ke ꞌbhlʋkpayowli ꞌꞌweꞌa wɔnyi -kpa mʋ ꞌle ʋn ꞌke amʋ -zigle -tu.

ꞌZaan 16:2

-Aꞌba *-Lagɔwluꞌa ꞌlicɩaanbidiꞌa -klɩgbɩ-ɩ ꞌye-e amʋ *ꞌꞌpiemʋ -po -mʋ. -Nɔɔ -lueꞌa ꞌꞌbhuo -nɩꞌe-e nyninamʋ: nyʋ-ʋ ꞌyeꞌa amʋ ꞌlbha mʋ, a ꞌke ꞌmɛ, ꞌbho-o ʋn-ʋ ꞌye ꞌɛ lɛtu -Lagɔꞌɔ bʋbɔɛ ꞌla -nɩ mʋ.

ꞌZaan 16:33

A -gblee, ꞌɩn-ɩ ꞌza-a amʋ dɩ ꞌwee -nɩɩ -bodɩ ꞌmʋ, ꞌle aꞌba -pɔlʋ ꞌke bhlu ꞌle -aꞌba ꞌꞌyisisrinamʋ. ꞌNɔɔ nyʋ-ʋ seꞌa -Lagɔ yiboꞌa ꞌꞌklumʋ, a-a ꞌye-e ꞌkle ꞌye -mʋ tenyɩ. A po ꞌle ꞌkpɩ ꞌle a ꞌke ti-de! ꞌƖn ꞌlu-o ʋn -ke ꞌwa -kɔyi *Sataan tʋ wɔn ꞌmʋ.

Nʋnʋkpli 14:22

Ɩ-bɩ -gwlɛ -ke ꞌmʋ ʋn -zi -nɩꞌa a, -ka -lue ʋn-ʋ nʋꞌo: Ʋn-ʋ ꞌde-e *Zeziiꞌa -namʋ -pɔlʋ ꞌli ti, ʋn-ʋ po ꞌʋ ꞌkpɩ ꞌꞌyi, ʋn-ʋ ꞌꞌdu ꞌʋ ꞌꞌdɩ ꞌmʋ ꞌle ʋn ꞌke -pɔlʋ ti-ku ʋn ꞌke Zezii ꞌꞌgwlide. Ʋn na: Nyɔ-ɔ Zezii -kɔꞌɔ, ꞌle ꞌɔ tinɩɛ ꞌmʋ, ꞌkleyeɛɛ -nɩ ꞌnɔ-ɔ ꞌꞌkpi, ꞌle ɔ ꞌke ꞌbʋbʋa li ꞌle *-lebhɔɔnɔɔ ꞌli.

Nʋnʋkpli 2:25

A -gblee, *Daviidɩ -zaꞌa ꞌɔ ꞌꞌkpidɩ ꞌmʋ-ɛ see, ɔ na: ꞌƖn yiboꞌo-o ꞌan -Kɔyi -nɩꞌe-e ꞌan ꞌꞌtroli ꞌꞌkɔmʋ ꞌle ɔ-ɔ kpaꞌa ꞌɩnmʋ ꞌɩn -kaa litɩtrɛ.

Nʋnʋkpli 21:11

Ɔ -ka yi a, ɔ -yɛꞌɛ ꞌbho -amʋ-ɛ, ꞌle ɔ ꞌye ꞌPɔlʋꞌa ꞌꞌbɛtʋ ꞌmʋꞌꞌluo, ꞌle ɔ ꞌye ɛ ꞌɔ ꞌꞌbhuoꞌa bhɩ -ke sʋɩ -san -nɩ, ɔ na: A -gblee, lɛ -Lagɔꞌɔ Lisaazuzu-u zaꞌa ꞌmʋ, ꞌɩnnɛ ꞌka-a: Nyukpasu -kɔꞌɔ ꞌꞌbɛtʋ -nɛɛ, ꞌZuifʋ-ʋ ꞌye -ɔ -kaa -san -mʋ ꞌbho Zelizalɛɛmʋ, ꞌle, ꞌlɩkpʋ -ʋ seꞌa -Lagɔ yibo, ʋn ꞌke ɔ ʋ -jeyi ꞌꞌnyɩ.

Nʋnʋkpli 21:13

Ɔ na: Lee -ke ꞌꞌvivia maꞌa? Leedɩ a-a cnaꞌa ꞌan -pɔlʋꞌa? A -gblee, -bho nyɔ san ꞌɩnmʋ ꞌle Zelizalɛɛmʋ, ɛ se dɩ ꞌbhle. -Bho ꞌɩn ꞌꞌdu -aꞌba -Kɔyi Zeziiꞌa dɩ ꞌle ꞌɩn ꞌke ꞌle ꞌmɛ -nɩ, ɛ se dɩ ꞌbhle.

Nʋnʋkpli 9:16

-Ɩn ꞌye li-ɔ, ꞌkleyelɩ ɔ ꞌka wɔnꞌkpa ꞌan dɩ, ꞌan ꞌꞌbhuo-o ꞌye -ɔ ɩ ꞌꞌyi-tɔ -mʋ.

ꞌWlɔmʋkɔmʋ 5:3

ꞌLe ɛ -se ꞌɛ ꞌꞌsɛ -ko. ꞌKle -a ꞌyeꞌa a, Zeziiꞌa dɩ -a liꞌe ꞌɛ ꞌbʋbʋa; -ɛkedɩmaa, -bho -a ꞌye ꞌkle, -a yiboꞌo-o, ꞌle ɛ ꞌmʋ, ꞌꞌgwlikuɛ-ɛ -nɩꞌe ꞌle.

1 Kɔlɛɛtɩkɔmʋ 15:58

ꞌKa-a ɩ -nɩꞌe ꞌmʋ ꞌweeꞌa dɩ a, dɩkmalotʋꞌa ꞌꞌnynuu-a, a -de ꞌle aꞌba -Lagɔꞌɔ ꞌꞌgwlideɛ ꞌli ti! ꞌƐ -sɔ -denɩ ꞌmʋ -le! A po ꞌle ꞌkpɩ tenyɩ, -aꞌba -Kɔyi Zeziiꞌa lbhʋ a-a nʋꞌa a, ꞌle a ꞌke ɛ ꞌꞌlru-mu -nɩ ꞌꞌkɔmʋ, -ɛkedɩmaa, aꞌba ꞌꞌbhi yiboꞌo-o, a -ke ɔ ꞌꞌsisriꞌe-e ꞌꞌyiꞌa dɩ, lbhʋ a-a nʋꞌa -laa, ɛ -see ꞌꞌnukɔ ꞌwla yi.

1 Kɔlɛɛtɩkɔmʋ 4:9

A -gblee, -a-bʋ ꞌma-a Zezii Kliisɩꞌa -dalbhomʋ a, ꞌle ꞌmna-aꞌa -naagɩ ꞌmʋ, -Lagɔ ꞌꞌluoꞌo -amʋ ꞌmʋ-ɛ, ꞌle, ꞌbɩ-ɩ seꞌa ꞌnynɩ ꞌbhle -ɛ -ziꞌa ꞌbɩ ꞌwee a, ɔ ꞌye -amʋ ꞌbho ꞌꞌdu. ꞌƐ dɩ -a kɔɔꞌɔ -jiekɔmʋ ʋn ꞌka nyʋ ꞌweeꞌa ꞌꞌyigbeyi ꞌlbha -nɩ. ꞌƖnnɛ ꞌmo-o, nyʋ-ʋ -deꞌa sɩasɩaaꞌa -kpɛɛ wɔn ꞌmʋ ti ꞌle -ʋ ꞌꞌduꞌa ꞌyrayralɛ ꞌbho nyunyu -ke -Lagɔ gboꞌa -dalbhomʋꞌa ꞌꞌyigbeyi, ꞌwa nyʋtu -a ꞌꞌduꞌo.

Efɛɛzɩkɔmʋ 3:13

ꞌKa-a ɩ -nɩꞌe ꞌmʋꞌa dɩ a, ꞌɩn-ɩ bhadeꞌe amʋ li, sɩasɩaa-a -nɩꞌa ꞌɩnmʋ ꞌꞌkpi aꞌba dɩ, -bho a popo nɩ ꞌgwlʋti, ꞌya ꞌkpɩꞌa -wa amʋ ꞌꞌyiti -le! ꞌYa sɩasɩaatu-u ꞌmo-o lɛ -yɛ -ke dɩ aꞌba ꞌnynɩ-ɩ ꞌyeꞌa ꞌꞌyiꞌbhɛ-ɛ mʋ ꞌle yaku ꞌli ɔ-bɔ -Lagɔꞌɔ nɛꞌɛ ka.

Filiipʋkɔmʋ 1:28

ꞌLe, aꞌba jɛkamʋ -mnʋʋ -bodɩ a, -bho koo ʋn -ka nʋ, ꞌwa -sɩanyɩꞌa ꞌlbha amʋ -le tukutuku! -Bho ʋn -ke ꞌɔ ꞌꞌdɩzɩgɩ ꞌmnɩ -ka -kaa ꞌꞌyidede a, -bho ꞌwa -sɩanyɩꞌa ꞌlbha amʋ a, ꞌɩnnɛ tɔꞌo -ka ʋn -nɩꞌa ꞌle ꞌꞌmamajolʋ ꞌꞌyi, ꞌle, a-bee -mnʋʋ -bodɩ, ɛ-ɛ tɔꞌɔ -ka a -nɩꞌa ꞌbho ꞌpʋnpʋanꞌa -jeyi. Ɛ-bɛ ꞌmʋyibolɛ ꞌmnɛ ꞌwlʋ-o -Lagɔ ꞌmʋ.

Kolɔsʋkɔmʋ 1:23

Lɩ a ꞌka nʋ ꞌle ɩ ꞌka -kaa ꞌmʋ-nɩ a, ꞌɩnnɛ ꞌmo-o, -Lagɔꞌɔ ꞌꞌdɩzɩgɩ nyʋ-ʋ tɔꞌɔ amʋ, a -de nɩ ꞌli ti ꞌꞌkɔmʋ! Aꞌba ꞌɔ ꞌꞌgwlideɛꞌɛ -sɔ -denɩ ꞌmʋ -le! A -kaaa ɩ-bɩ ꞌꞌdɩzɩgɩ ꞌmnɩ ꞌbʋ-ʋꞌwɔn, ꞌꞌkɔgwlɛtinɩɛzɛgɛ-ɛ ꞌyeꞌa amʋ ꞌmʋ ꞌꞌyi mʋ ꞌle ɛ ꞌka tiꞌpɩple ꞌle yaku ꞌli, a -deꞌa -pɔlʋ ꞌꞌyi, aꞌba -pɔlʋꞌa ꞌwlʋ ɛ ꞌꞌyi -le! Ɩ-bɩ ꞌꞌdɩzɩgɩ ꞌmnɩ -lrɛɛ, ꞌɩnmɔ ꞌPɔlʋ paꞌa ꞌya ꞌmʋzalbhʋ ꞌle nyʋ ꞌye ɩ ꞌbʋꞌwɔn ꞌle ꞌbhlɩkpɩꞌa -dadudu ꞌꞌkpi.

1 Tesalonikɩkɔmʋ 5:9

A -gblee, -Lagɔ -zaꞌa ꞌbho -amʋ-ɛ ɔ ꞌke -amʋ ꞌpʋʋn ꞌbho ꞌɔ ꞌꞌyigbeyi ꞌle -a ꞌke ꞌle ꞌpʋnpʋan ꞌmnɛ ꞌli ti-de ꞌꞌkɔmʋ. -Aꞌba -Kɔyi Zezii Kliisɩ ɔ -zi -nɩꞌe ꞌmʋ ꞌle ɔ ꞌye ɛ nʋ. Ɔ -see -amʋ ꞌbho -za ꞌle ɔ ꞌke -amʋ -zigle -kpʋn.

2 Tesalonikɩkɔmʋ 1:4

ꞌKa-a ɛ -nɩꞌe ꞌmʋꞌa dɩ a, Zeziiꞌa -glɩgbɩwɔnyiꞌa nyʋ -Lagɔ -kɔꞌɔ, -ʋ -nɩꞌa -dalrɔɔ, -bho -a -nɩ ꞌle ꞌwa ꞌꞌklumʋ a, -a zaꞌa aꞌba ꞌꞌyrilinmɔdɩ ꞌmnɩ ꞌle ꞌbʋbʋa ꞌmʋ. -Ka nyʋ-ʋ yaꞌa amʋ ꞌkleyeɛɛ ꞌꞌkpi ꞌle ʋn-ʋ klaꞌa amʋ nyanɩ ꞌmʋ ꞌle a-a kuꞌa ꞌkpa ꞌꞌyi ꞌle aꞌba ꞌbhɔ Zeziiꞌa ꞌꞌgwlideɛꞌɛ dɩ, -a ꞌzʋ -ʋ ꞌna -bodɩ ꞌmʋ.

2 Timotee 1:8

ꞌBho ꞌɛ lemʋ a, Timotee, po ꞌle ꞌkpɩ -ɩn ꞌke -aꞌba -Kɔyiꞌa ꞌꞌdɩzɩgɩ -za. Dɩnꞌa ꞌlbha -ɩnmʋ -le! ꞌƖnmɔ nyʋ poꞌa -jie ꞌmʋ ꞌɔ dɩ, ꞌmna-aꞌa dɩnꞌa ꞌlbha -ɩnmʋ -le -lrɛɛ! ꞌLe -mnɔɔɔ gbo a, ꞌwɔn ꞌɩn -ke -ɩn ꞌke sɩasɩaa -lue ꞌmʋꞌbhɛɛ -lrɛɛke ɩ-bɩ *Zeziiꞌa ꞌꞌdɩzɩgɩꞌa dɩ! Wɔnkuɛ -Lagɔ-ɔ ꞌꞌnyɩꞌa -ɩnmʋ a, ꞌle ɛ ꞌmʋ -nʋ -nɩ ꞌɛ lɛtu!

1 ꞌPiɛlɩ 2:21

A ꞌye li-ɔ, a ꞌke ꞌkle ꞌye ꞌle a ꞌke ꞌꞌgwli-ku, a ꞌke ɩ wɔn ꞌmʋ cɛ, ꞌɩnnɛ ɔ ꞌybhaꞌo a ꞌke ꞌmʋ-zi -nɩ ꞌle lɩ -lrɩɩ ꞌmʋ, -ɛkedɩmaa, *ꞌɔ ꞌBhozayi -ɔ ꞌpʋʋnꞌa nyʋ, ꞌka-a ɔ ꞌyeꞌe ꞌkle aꞌba dɩ, ꞌle ɔ ꞌye amʋ ꞌɛ yagbʋlɛ lisie ꞌle aꞌba kpli ꞌke ꞌɔ nɩ ꞌꞌsɛlɩ-za.

ꞌꞌDukuyrilizadɩ 2:10

A ꞌye li-ɔ, a-a ꞌmu-o ꞌkle ꞌye -mʋ. -Bho ɛ -nɩ -kaa ꞌmʋ a, -sɩanyɩꞌa ꞌlbha amʋ -le! A -gblee, ɛ-bɛ ꞌꞌnyinynidɩꞌa tiyayi ꞌmnɛ-ɛ ꞌye-e aꞌba -dadudu tiꞌdɩn -mʋ, ꞌle ɛ ꞌke ʋ -jie ꞌmʋ po. A-a ꞌye-e ꞌkle ꞌye -mʋ ꞌle ꞌwɩ -lrɩɩ ꞌli. -Bho nyɔꞌɔ ꞌꞌbhuo nʋ, ɔ ꞌke amʋ ꞌlbha a ꞌke ꞌmɛ ɛ, aꞌba depo ꞌɩnmʋ ꞌꞌyi -le! -Bho ɛ -nɩ -kaa ꞌmʋ a, ꞌꞌlemnɩɩ ꞌɩn-ɩ ꞌye-e amʋ ꞌꞌkɔgwlɛtinɩɛzɛgɛ ꞌꞌnyɩ -mʋ.

ꞌꞌDukuyrilizadɩ 2:13

A-bʋ ꞌma-a ꞌan nyʋ, -gwlɔ -ke ꞌmʋ a -deꞌa ti, ꞌɩn yibo nɛ-oꞌo. A -gblee, ɛ-bɛ gwlɔ ꞌmnɛ, ꞌꞌnyinynidɩꞌa tiyayi *Sataan -kɔ nɛꞌo. A ꞌye li-ɔ, ꞌan -ziadɩꞌa ꞌmʋzalbhʋnʋyi Atipasɩ, -ɔ -seeꞌa ꞌɩnmʋ ꞌꞌyidepo, Sataanꞌa nyʋ ꞌlbhɔ -ɔꞌo, ɔ ꞌye ꞌmɛ. Ɛ-bɛ -nɔɔ ꞌmnɛ ti a, a -see ꞌɩnmʋ ꞌꞌyitiꞌꞌtayi, a ꞌde-e ꞌɩnmʋ ꞌꞌgwli, ꞌle ꞌɩn -ke a ꞌye ꞌꞌyiꞌꞌsisri ꞌꞌkɔmʋ. A -gblee, -gwlɔ -ke ꞌmʋ a -ke Sataan ꞌmnɛ -nɩꞌa a, ꞌbho-o ʋn -za -nɩ ꞌnɔ ꞌle aꞌba ꞌꞌklumʋ, ʋn ꞌye ɔ ꞌlbha, ɔ ꞌye ꞌmɛ. Ɛ -nɩꞌa -kaa ꞌmʋ a, -ka ꞌɩn -kɔꞌɔ amʋ, a-a ꞌzɩ -ɩ nyʋ -bodɩ ꞌmʋ gbaa!