1 Tesalonikɩkɔmʋ 2:4 - Nyaboa (Nyabwa)

⁴ A ꞌye li-ɔ, -Lagɔꞌɔ ꞌꞌbhuo ꞌcrɛ-ɛ -amʋ ꞌmʋti, ꞌle ɔ ꞌye -amʋ ꞌꞌkpi-gwɛ ꞌɔ lbhʋ -nɛɛꞌɛ damʋ, ꞌle ɔ ꞌye -amʋ ꞌɔ ꞌꞌyuꞌa ꞌꞌdɩzɩgɩꞌa nyʋbodɩmʋzalbhʋ ꞌꞌnyɩ ꞌle -a nʋ ɛꞌo. Ɛ -se nyunyuꞌa ꞌtʋnʋdɩ -a za ꞌmʋ -ko. -Lagɔꞌɔ -nɛ -abʋ-ʋ zaꞌa ꞌmʋ. Ɔbɔ, lɛ-ɛ -nɩꞌa ꞌle nyɔꞌɔ -pɔlʋ ꞌꞌkpi, ꞌɩnnɔ ꞌye ꞌɛ li.

1 Tesalonikɩkɔmʋ 2:4 Iomraidhean Croise

Luukɩ 12:42

ꞌLe ɔ na: Yɔɔ ꞌmo-o ꞌꞌyisrɛɛlbhʋnʋyi -ɔ ꞌbhleꞌe -naagɩꞌa? ꞌƆ nyɔtu ꞌmo-o nyɔ -yɔ -ke -kɔyi -kaa ꞌlɩkpada-a mu, ɔ-ɔ sieꞌa ꞌɔ -bolbhʋnʋmʋ li ꞌle ɔ-ɔ ꞌꞌdu ꞌʋ ꞌꞌyrili, ꞌle ɔ-ɔ ꞌꞌnyɩ ꞌʋ lilia.

Luukɩ 16:11

ꞌƐ dɩ ꞌkmʋ ꞌmʋꞌa ꞌꞌwlilɩ nyɔꞌɔ deꞌa ꞌꞌgwli, -bho a se ꞌya lilia ꞌꞌyiꞌsrɛɛ ꞌle, -Lagɔ-ɔ ꞌye amʋ -zɛgɛ ꞌꞌlruli-nʋ mʋ ꞌnɩ?

ꞌZaan 21:17

ꞌƆ tidedeɛꞌɛ kpɛ tannɛ ꞌꞌyi ꞌle ɔ na: ꞌZaanꞌa ꞌꞌyu, Simɔɔ, -ɩn -kma ꞌan dɩ ꞌnɩ? Ɔ dede ꞌnɔ-ɔ ti kpɛ tanꞌa dɩ, ɔ nʋꞌa -kaa, ɔ ꞌꞌsuꞌo ꞌꞌyigba ꞌle ɔ na: ꞌAn -Kɔyi, -aꞌa ꞌꞌbhuo yiboꞌo-o lɩ ꞌwee. -Ka ꞌɩn -kmaꞌa -aꞌa dɩ, -ɩn yiboꞌo-o ꞌna. ꞌLe ɔ na: ꞌꞌDu ꞌan nyʋ ꞌꞌyrili!

ꞌWlɔmʋkɔmʋ 8:27

ꞌLe, -Lagɔ ꞌyeꞌa nyunyuꞌa -pɔlʋ gbo ti a, lɛ ꞌɔ Lisaazuzu ꞌybhaꞌa a, -bho ɔ -zɩ ɩ ꞌmʋ, ꞌɩnnɔ ꞌwɩn ꞌɩ ꞌmʋti. Nyʋ -yʋ ꞌma-a -Lagɔꞌɔ nyʋ, ꞌwa dɩ ꞌɔ Lisaazuzu-u bhade ꞌnɔ li. -Ka -Lagɔ ꞌybhaꞌa, ꞌle ɩ -nɩꞌe -kaa.

1 Kɔlɛɛtɩkɔmʋ 7:25

A ꞌye li-ɔ, nyukpasi -seeꞌa -bhla ꞌnynɔ kpa ke -ke ꞌnynʋkpakpɩ-ɩ -seeꞌa -bhla nyna ꞌꞌti ke, ꞌbho ꞌwa ꞌꞌkpi a, -aꞌba -Kɔyi *Zeziiꞌa wlu ꞌɩn ꞌka amʋ -bodɩ ꞌmʋ-za, ꞌɩn -see ɛ ꞌye, ꞌle ꞌmna-a ꞌꞌduꞌo ꞌbho ꞌan wlu. ꞌAn wlu ꞌmnɛ, a po ɩ -lokui, -ɛkedɩmaa, ꞌɔ ꞌsana ꞌmʋ ꞌɩn ꞌꞌduꞌo ꞌꞌyisrɛɛyi!

1 Kɔlɛɛtɩkɔmʋ 9:17

ꞌLe, -bho lbhʋ ꞌmnɛ ꞌꞌdu ꞌkɩ ꞌan ꞌꞌbhuoka ꞌybha ꞌɩn ꞌke ɛ nʋ a, ꞌꞌlemnɩɩ ꞌɩn ꞌbhɛɛꞌo ꞌɩn ꞌke lɛꞌɛ ꞌyeyedɩ zi. ꞌLe ɛ se ꞌtɔ -kaa ꞌmʋ-nɩ. -Lagɔ -tbha ꞌnɛ-ɛ ꞌɩnmʋꞌa dɩ, ꞌɩn-ɩ nʋ ɛꞌo.

2 Kɔlɛɛtɩkɔmʋ 2:17

-Abʋ ꞌbhɛɛ ꞌnɛ-ɛ wɔnyi, -ɛkedɩmaa, -Lagɔ lbhoꞌo -amʋ ꞌle -a ꞌke ꞌɔ lbhʋ nʋ. A -gblee, nyʋꞌa -dadudu ꞌke mɔni ꞌyeꞌa dɩ, ʋn-ʋ zaꞌa ꞌɔ wlu ꞌꞌyida ꞌmʋ. -Abʋ-aꞌa nʋ ꞌwa ka. -Ka ꞌɔ wlu ꞌlɛꞌɛ ꞌtɩn, ꞌka-a -a zɩ ꞌɩ nyʋ -bodɩ ꞌmʋ, ꞌle ɔ-ɔ ꞌyeꞌe -amʋ li. -Ɛkedɩmaa, -a -ke Zezii Kliisɩ ꞌꞌsisriꞌe-e ꞌꞌyi.

2 Kɔlɛɛtɩkɔmʋ 4:2

ꞌƐ dɩ, lɩ-ɩ ꞌbhleꞌa dɩn ꞌmʋ, -aꞌba sri ꞌɩ sʋ ꞌmʋ. Lɛꞌꞌo lɛ -a nʋꞌa a, -aꞌba ꞌꞌzize nɛ ꞌꞌyi. -Aꞌba ꞌlbha nyɔ ꞌꞌyrabha ꞌmʋ. -Aꞌba -za -Lagɔwlu ꞌꞌyida ꞌmʋ. -A ꞌzɛ -ɛ ꞌmʋ gbaa, ꞌle, -ka ɛ ꞌꞌduꞌa -ziadɩ, nyʋ ꞌke ɩ yibo.

2 Kɔlɛɛtɩkɔmʋ 5:11

A -gblee, ꞌlotʋꞌa ꞌꞌnynuu-a, -aꞌba -Kɔyi *Zezii ꞌmnɔ, -ka ɔ ꞌka -amʋ -zigle -tu, -a yibo nɩ-ɩꞌa dɩ, -a ꞌꞌdu ꞌɔ ꞌbho ꞌꞌkɔmʋ. ꞌƖnnɛ ꞌbhleꞌe ꞌnynɩ -lrɛɛꞌɛ dɩ -a ꞌbɔꞌɔ ti, dɩ -a zaꞌa ꞌmʋ, -ka ɩ ꞌꞌduꞌa -ziadɩ, nyʋ ꞌke ɩ yibo ꞌle ʋn ꞌke ɩ ꞌwɔɔn. -Lagɔ -mnɔɔ, -ka -aꞌba tinɩɛ -nɩꞌa a, ɔ yiboꞌo-o -kaa, ꞌle ꞌɩn deꞌe ꞌꞌgwli -lrɛɛke na, ꞌle aꞌba -pɔlʋꞌa gugluti, a yiboꞌo nyɔ -yɔ ꞌɩn ꞌꞌduꞌa, ꞌkla -ko?

2 Kɔlɛɛtɩkɔmʋ 5:16

ꞌKa-a ɛ -nɩꞌe ꞌmʋꞌa dɩ, -bho -a ꞌke ꞌtraamʋ nyɔ ya-gbʋ, -aꞌba -gbʋꞌo ꞌɔ kpliꞌa ꞌꞌsɛ ya. Kɩn, -ziadɩ moꞌo. -Bɛnyɩ a, ꞌka-a -a nʋꞌo ꞌbho Zezii Kliisɩꞌa damʋ. ꞌTraamʋ ꞌtɔ ɔ, -aꞌba nʋ -kaa.

Galasiikɔmʋ 1:10

-Bho ꞌɩn -zɩ ɩ ꞌmʋ ꞌtraamʋ, nyunyuꞌa ꞌmʋybhɛɛ ꞌɩn-ɩ ꞌbɔꞌɔ tiꞌa? -Gba! -Lagɔꞌɔ -nɛ ꞌɩn-ɩ ꞌbɔꞌɔ ti. Nyunyuꞌa ꞌtʋnʋdɩ ꞌɩn-ɩ ꞌbɔꞌɔ tiꞌa? -Gba! -Lagɔꞌɔ ꞌtʋnʋdɩ ꞌmna-a ꞌbɔꞌɔ ti; ꞌle, -bho ꞌɩn -ka ꞌkɩ nyunyuꞌa ꞌtʋnʋdɩ tiꞌbɔ -bhla a, ꞌɩn se ꞌkɩ ꞌbhɛɛ ꞌɩn ꞌke Zezii Kliisɩꞌa lbhʋnʋyizɛgɛ ꞌꞌdu.

Galasiikɔmʋ 2:7

A ꞌye li-ɔ, ʋ-bʋ nyakɔmʋ ꞌmnʋꞌa ꞌꞌbhi -gwɛꞌɛ-ɛ ꞌɩnmʋ ꞌꞌkpi ꞌle ʋn yiboꞌo -ka -Lagɔ -tbhaꞌa ꞌɩnmʋ ꞌɔ lbhʋ ꞌle ɔ na ꞌɩn ꞌke Zeziiꞌa ꞌꞌdɩzɩgɩ ꞌbhlɩkpɩ -lrɩɩ ꞌꞌkpi kpa ꞌle nyʋ -lrʋʋ-ʋ -seꞌa-a ꞌZuifʋ gbo. ꞌKla ꞌmnɔ, ꞌka-a -Lagɔ lbhoꞌo ꞌPiɛlɩ -antanyɩ ɔ ꞌke ɛ ꞌle ꞌZuifʋ gbo kpa.

Efɛɛzɩkɔmʋ 3:8

A ꞌye li-ɔ, ꞌle Zezii Kliisɩꞌa nyʋ ꞌweeꞌa ꞌꞌklumʋ ꞌɩnmɔ -see-e lɛ. Ɩ -nɩꞌa -kaa ꞌmʋ-ɔ, -Lagɔ nʋꞌo ꞌɩnmʋ -zɩgɩ ꞌꞌlruli, ꞌle, ꞌꞌyrilinmɔdɩ ꞌꞌwe Kliisɩ-ɩ nʋꞌa nyʋ ꞌꞌlruli, nyʋ-ʋ -seꞌa-a ꞌZuifʋ, ꞌmna ꞌke ʋ ꞌya ꞌꞌkpidɩ -bodɩ ꞌmʋ-za. ꞌƆ ꞌꞌyrilinmɔdɩ ꞌmnɩ ꞌbhɛ-ɛ ꞌꞌyi tenyɩ, ɩ ꞌye nyunyuꞌa -naagɩ wɔn ꞌmʋti-zi.

Efɛɛzɩkɔmʋ 6:6

ꞌƖn-ɩ ꞌtmʋʋꞌo amʋ-ɛ, -bho ʋn -nɩ ꞌbho aꞌba ꞌꞌtroli, ʋn ꞌke aꞌba ꞌꞌdɩ -zaꞌa dɩ, aꞌba ꞌꞌdu -nɩ nʋ ꞌbhoꞌa ꞌꞌsɛ -le! -Bho ʋn ꞌꞌnyɩ amʋ lbhʋ, a nʋ ɩ aꞌba -pɔlʋꞌa klɛ ti, ꞌɩnnɛ nʋꞌo -Lagɔ ꞌtʋ! A po ꞌle ꞌkpɩ a ꞌke aꞌba -pɔlʋ tiꞌwla ꞌle a ꞌke ꞌɔ ꞌgwlʋdɩ nʋ ꞌꞌkɔmʋ, -ɛkedɩmaa, Zezii Kliisɩꞌa lbhʋnʋmʋ a ꞌꞌduꞌo!

Kolɔsʋkɔmʋ 3:22

A-bʋ ꞌma-a nyʋꞌa lbhʋnʋmʋ, ꞌɩn-ɩ ꞌꞌdu-o amʋ ꞌꞌdɩ ꞌmʋ -lrɛɛ. Aꞌba -klɩgbɩ -ke lbhʋ a-a nʋꞌa a, a ꞌꞌdu ʋ ꞌbho ꞌle lɛꞌꞌo lɛ ꞌmʋ! -Bho ʋn -nɩ ꞌbho aꞌba ꞌꞌtroli, ʋn ꞌke aꞌba ꞌꞌdɩ -zaꞌa dɩ, aꞌba ꞌꞌdu -nɩ nʋ ꞌbhoꞌa ꞌꞌsɛ -le! -Bho ʋn ꞌꞌnyɩ amʋ lbhʋ, a nʋ ɛ aꞌba -pɔlʋꞌa klɛ ti! -Ɛkedɩmaa, a-a ꞌꞌduꞌo ꞌbho-o -aꞌba -Kɔyi.

1 Timotee 6:20

Timotee, Zezii Kliisɩꞌa ꞌꞌdɩzɩgɩ-ɩ ꞌma-a -ziadɩ, -ɩn ꞌka nyʋ -tɔ ɔ, -Lagɔ -tbhaꞌa -ɩnmʋ, ꞌꞌdu ꞌɛ dɩ gba ꞌmʋ! -Gblee, -tɔtɔlɩ seꞌa ꞌkpʋ ꞌbhle, -ɩ -seeꞌa -Lagɔ ꞌmʋ ꞌwlʋ, ꞌya ꞌꞌkpidɩ ʋn-ʋ depo nɩꞌa ꞌꞌyi a, -aꞌa po ɩ wɔn ꞌꞌkpi -le! ꞌLe, dɩ nyʋ-ʋ ꞌlaꞌa lɛyriyibolɩ, ꞌle -ɩ seꞌa -kaa -nɩ a, ꞌya ꞌꞌkpidɩ ʋn-ʋ depo nɩꞌa ꞌꞌyi a, -aꞌa po ɩ wɔn ꞌꞌkpi -le -lrɛɛ! Bhebhelɩ moꞌo.

2 Timotee 1:14

ꞌBho ꞌɛ ꞌꞌkpi a, Zeziiꞌa ꞌꞌdɩzɩgɩ -Lagɔ -tbhaꞌa -ɩnmʋ, ꞌꞌdu ꞌya dɩ gba ꞌmʋ, ꞌle, *-Lagɔꞌɔ Lisaazuzu -nɩꞌa -amʋ ꞌmʋ, ꞌle ꞌɔ ꞌkpɩ ꞌmʋ, nyɔ -kɩɩ ɩ ꞌꞌyida ꞌmʋ -za.

2 Timotee 2:2

-Gblee, Zezii Kliisɩꞌa ꞌꞌdɩzɩgɩ-ɩ ꞌma-a -ziadɩ ꞌɩn-ɩ tɔꞌɔ nyʋꞌa -dadudu ꞌle ʋn ꞌye ꞌɩ ꞌwɔɔn, ʋn ꞌye ꞌɩ ꞌmʋ-za -lrɛɛ, -ɩn ꞌwɔn-ɔ ꞌya ꞌwee ꞌbɔ ꞌꞌbhalrɛɛkeꞌa dɩ, ɩbɩ ꞌmnɩ, nyʋzɩgɩ -ʋ ꞌbhɛɛꞌɛ -ʋ ꞌke ꞌɩ ʋn -bonyunyu -tɔ ɔ, mu ꞌle -ɩn ꞌke ɩ ꞌwa nyunyutu -tɔ, ꞌle -ɩn ꞌke ʋ ꞌya -tɔtɔlɩ ꞌmnɩ -tbha!

Tiitɩ 1:3

ꞌTraamʋ ꞌtɔ ɔ, ꞌꞌyrilinmɔnɔɔ ꞌmnɛ nyni-oꞌo. -Aꞌba ꞌPʋʋnyi -Lagɔ ꞌbɔ-ɔ ti ɔ ꞌke ꞌꞌdɩ ꞌmnɩ ꞌꞌpiemʋ po ꞌle nyunyu ꞌke ɩ yibo. ꞌƐ dɩ ɔ ꞌꞌduꞌo ꞌɩnmʋ wlu ꞌꞌyi ꞌle ꞌɩn ꞌke nyunyu wlu -ya.

Eblee 4:13

Lɛ -lue ꞌtɩn-ɩ ꞌka ꞌꞌyiꞌꞌzize ꞌbho ꞌɔ ꞌꞌyigbeyi, ɛ se -nɩ. Lɛꞌꞌo lɛ ɔ -yaꞌa ti, ɔ yibo nɛ-oꞌo gbaa! Dɩ ꞌwee -a nʋꞌa, ꞌbho ꞌɔ ꞌꞌyigbeyi -a ꞌye ꞌya kuna -po -nɩ mʋ.

1 ꞌPiɛlɩ 4:11

A -gblee, nyɔ -Lagɔ ꞌꞌnyɩꞌa ꞌɔ wluꞌa ꞌmʋzalbhʋ, dɩ-ɩ ꞌma-a ꞌɔ ꞌmʋzawlu, ɔ ꞌtmʋʋ nɩ nyʋ! Nyɔ -yɔ ɔ ꞌꞌnyɩꞌa nyʋꞌa kwagbɔlitideɛꞌɛ lbhʋ, ꞌmʋtikukuɛ ɔ-ɔ ꞌꞌnyɩ ꞌɔ, ɔ -kpa nʋ ꞌle ɛ ꞌmʋ! A nʋ ꞌya lɩtu ꞌle lɛꞌꞌo lɛ ꞌmʋ, ꞌle, -bho nyʋ -lrʋʋ ꞌye ɩ li, ʋn ꞌke -Lagɔꞌɔ ꞌnynɩ ꞌꞌyiꞌbhɛɛ *Zezii *Kliisɩꞌa dɩ! Ɔbɔ ꞌmnɔ ɔ, ꞌɩnnɔ ꞌbhleꞌe ꞌnynɩꞌa ꞌꞌyibhɛɛɛ -ke wɔnkuɛ ꞌꞌkɔgwlɛka. Ɩ-bɩ dɩ -nɩɩ ꞌwee, *ɩ -nɩ -kaa ꞌmʋ!

ꞌꞌDukuyrilizadɩ 2:23

ꞌBho ꞌɛ lemʋ, nyʋ-ʋ ꞌwɔɔnꞌɔ ꞌwa -tɔtɔlɩ, ꞌɩn-ɩ ꞌye -ʋ ti-za -mʋ, ꞌle ꞌan -glɩgbawɔnyiꞌa nyʋ ꞌke ꞌꞌgwlide -ka ꞌɩn yiboꞌa nyɔꞌꞌo nyɔꞌɔ -pɔlʋ. A -gblee, -bho ꞌɩn ꞌke amʋ lɛ ꞌꞌlrulinʋ, aꞌba lbhʋ a nʋꞌa -lue -lue, ꞌɩnnɛ ꞌɩn-ɩ ꞌye ya-gbʋ mʋ!