1 Tesalonikɩkɔmʋ 1:8 - Nyaboa (Nyabwa)

⁸ A -gblee, -aꞌba -Kɔyi Zezii Kliisɩꞌa ꞌꞌdɩzɩgɩ-ɩ ꞌwlʋꞌa ꞌle -Lagɔ gbo, -ɩ ꞌkpaꞌa ꞌbho a ꞌꞌbhli glu, a -see ɩ ꞌplʋ -kpʋn. Aꞌba -Lagɔꞌɔ ꞌꞌgwlideɛꞌɛ ꞌꞌdɩ -waꞌa-a ꞌbhlɩkpɩ -lrɩɩꞌa -dadudu ꞌꞌkpi ti. Ɛ -se Masedʋanɩ -ke Akayibhlʋkpa ꞌꞌkpiꞌa ꞌꞌsɛ -ko. ꞌƐ dɩ a, -abʋ se ꞌtɔ ꞌbhɛɛ -a ꞌke aꞌba ꞌꞌdɩ -za -lreeka.

1 Tesalonikɩkɔmʋ 1:8 Iomraidhean Croise

Nʋnʋkpli 18:12

-Nɔɔ -ke ti ꞌbho Akayibhlʋkpa ꞌꞌkpi ꞌWlomɛɛ ꞌka ꞌbho ꞌwa nyɔklagba -lue ʋn-ʋ ꞌlaꞌa *Galiyɔɔ tide ꞌle ɔ ꞌyeꞌa ꞌbhlʋkpa ꞌmnɛ -kɔ ɔ, ꞌZuifʋ ꞌgbʋʋꞌo-o ꞌꞌlru, ʋn ꞌye wlu -dalue -po, ʋn ꞌye ꞌPɔlʋ kpʋn, ꞌle ʋn ꞌye ɔ -zigletumʋ wɔnyi kpa.

ꞌWlɔmʋkɔmʋ 1:8

A -gblee, -antanyɩ, ꞌɩn-ɩ ꞌpo-o -Lagɔ ꞌsɛɛ aꞌba dɩ ꞌwee ꞌle *Zezii *Kliisɩꞌa ꞌnynɩ ꞌmʋ, -ɛkedɩmaa, ꞌkpa a kuꞌa ꞌꞌyi ꞌbho aꞌba -Lagɔꞌɔ -jeyi, ꞌya ꞌnynɩ -waꞌa-a ꞌbhlɩkpɩ ꞌwee ꞌꞌkpi ti.

ꞌWlɔmʋkɔmʋ 15:26

A -gblee, Zeziiꞌa nyʋ-ʋ -nɩꞌa *Glɛkɩbhlʋkpa ꞌꞌkpi, ꞌɛ ꞌꞌgbi ꞌsɔn Masedʋanɩ -ke Akayiꞌa nyʋ ꞌꞌdu-o mɔni. Ʋn ꞌybha-oꞌo, Zeziiꞌa nyʋ -yʋ -nɩꞌa Zelizalɛɛmʋ, ꞌwa ꞌꞌklumʋꞌa -yʋ ꞌꞌpʋan ꞌlbhaꞌa a, ʋn ꞌke ɩ ʋ -jeyi po.

ꞌWlɔmʋkɔmʋ 16:19

A-bee -mnʋʋ, nyʋ ꞌwee yiboꞌo amʋ-ɛ -ka a-a ꞌꞌduꞌa ꞌbho Zezii. ꞌKa-a ɛ -nɩꞌe ꞌmʋꞌa dɩ a, ꞌle amʋ -bodɩ ꞌɩn-ɩ liꞌe ꞌbʋbʋa. ꞌƖn ꞌybha-oꞌo a ꞌke -naagɩ ꞌbhle ꞌle a ꞌke -zɛgɛ yibo a ꞌke ɛ nʋ, ꞌle ꞌꞌnyinyninaagɩ -kaa amʋ ꞌmʋ -nɩ.

1 Kɔlɛɛtɩkɔmʋ 14:36

ꞌLe a-bee -mnʋʋ ꞌle, a-bʋ -Lagɔꞌɔ wlu ꞌwlʋꞌo ꞌmʋ-ae? -Ale, a-beeꞌa ꞌꞌsɛ ɛ ꞌwlʋʋꞌo ꞌꞌyiꞌa?

2 Kɔlɛɛtɩkɔmʋ 2:14

ꞌKa-a ɛ -nɩꞌe ꞌmʋꞌa dɩ, -a po -Lagɔ ꞌsɛɛ! ꞌƆ ꞌbɩ -a zaꞌa ꞌle, -ɛkedɩmaa, -a -ke *Zezii *Kliisɩ ꞌꞌsisriꞌe-e ꞌꞌyi. Ɔ-bɔ -Lagɔ ꞌmnɔ ꞌlu-o tʋ ꞌle lɩ ꞌwee ꞌmʋ, ꞌle ꞌɔ dɩ -a -plɛꞌɛ ꞌɔ tʋluɛ ꞌmnɛ ꞌmʋ. ꞌƖnnɔ lbhoꞌo -amʋ daꞌꞌo da ꞌle -a ꞌke Zezii Kliisɩ ꞌmnɔꞌɔ ꞌꞌkpidɩ ꞌmʋ-za ꞌle nyʋ ꞌke ɔ yibo. ꞌCna-a poꞌa ngnɛ tenyɩ, -bho nyɔ ꞌwlɛ ɛ ti, -ka ꞌɛ ngnɛ ꞌmnɛ-ɛ waꞌa ti, ꞌɔ ꞌꞌkpidɩ -a zaꞌa ꞌmʋ, ꞌka-a ɩ -nɩꞌo.

2 Kɔlɛɛtɩkɔmʋ 3:4

Ɩ-bɩ dɩ -nɩɩ, -a ꞌbhɛɛꞌo -a ꞌke ɩ ꞌmʋ-za gbaa, -ɛkedɩmaa, -a ꞌde-e -Lagɔ ꞌꞌgwli ꞌle Zezii Kliisɩ ꞌmʋ.

Kolɔsʋkɔmʋ 3:16

Dɩ Zezii Kliisɩ -zaꞌa ꞌmʋ, a de ɩ ꞌle aꞌba -pɔlʋ ꞌzɔ ti ꞌtɩn! A popo nɩ ꞌgwlʋti ꞌꞌkɔmʋ! -Naagɩ -Lagɔ ꞌꞌnyɩꞌa amʋ, a ꞌꞌluo nɩ ꞌmʋ ꞌle a ꞌke ɩ tʋtɔ, ꞌle a ꞌke ꞌꞌdɩ ꞌmʋ ꞌꞌdudu! ꞌLʋɩ nyʋ-ʋ za nɩꞌa -Lagɔꞌɔ -wɛɛ -ke ꞌlʋɩ -lrɩɩ *ꞌɔ Lisaazuzu-u poꞌa nyʋꞌa wɔn ꞌmʋ ꞌle ʋn-ʋ bhle ꞌɩ a, a bhle ɩ -Lagɔ -bodɩ ꞌle a ꞌke ɔ ꞌsɛɛ po! ꞌLe ꞌya ꞌwee ꞌmʋ a ꞌbhɛɛ ꞌɔ ꞌnynɩ ꞌꞌyi aꞌba -pɔlʋꞌa klɛ ti! -Bho a -ka -kaa nʋ a, Zezii Kliisɩꞌa ꞌmʋzadɩ ꞌmnɩ, a popo nɩ ꞌgwlʋti ꞌꞌkɔmʋ!

2 Tesalonikɩkɔmʋ 1:4

ꞌKa-a ɛ -nɩꞌe ꞌmʋꞌa dɩ a, Zeziiꞌa -glɩgbɩwɔnyiꞌa nyʋ -Lagɔ -kɔꞌɔ, -ʋ -nɩꞌa -dalrɔɔ, -bho -a -nɩ ꞌle ꞌwa ꞌꞌklumʋ a, -a zaꞌa aꞌba ꞌꞌyrilinmɔdɩ ꞌmnɩ ꞌle ꞌbʋbʋa ꞌmʋ. -Ka nyʋ-ʋ yaꞌa amʋ ꞌkleyeɛɛ ꞌꞌkpi ꞌle ʋn-ʋ klaꞌa amʋ nyanɩ ꞌmʋ ꞌle a-a kuꞌa ꞌkpa ꞌꞌyi ꞌle aꞌba ꞌbhɔ Zeziiꞌa ꞌꞌgwlideɛꞌɛ dɩ, -a ꞌzʋ -ʋ ꞌna -bodɩ ꞌmʋ.

2 Tesalonikɩkɔmʋ 3:1

ꞌBho ꞌɛ lemʋ a, ꞌlotʋꞌa ꞌꞌnynuu-a, a po -aꞌba dɩ *-Lagɔ wɔn gbo, ꞌle -aꞌba -Kɔyi *Zeziiꞌa ꞌꞌdɩzɩgɩ ꞌke ti-wa ꞌle ɩ ꞌke nya mu ꞌle nyʋ ꞌke ɩ ꞌwɔɔn ꞌle ʋn ꞌke ɩ ꞌbho ꞌꞌdu! -Ka a-bee -see ꞌɩ ꞌplʋ -kpʋn, ꞌle ɩ ꞌke -kaa -nɩ ꞌle -da ꞌwee.

1 Timotee 2:8

ꞌBho ꞌɛ lemʋ a, ꞌɩn ꞌbɔ-ɔ ti, -da ꞌwee nyukpasi-i bʋbɔꞌɔ -Lagɔ ɔ, ʋn ꞌke -kʋtɩ yayi -tɔ ꞌle ʋn ꞌke -Lagɔ wɔn gbo po ꞌle ʋn ꞌke ɛ nʋ ꞌle -pɔlɔplu ꞌmʋ. ꞌWa nyʋtuꞌa ꞌbhle ꞌcɛ ꞌli -le, ꞌwa jɛ -le!

2 Timotee 2:9

ꞌƖnnɩɩnɩ ꞌbhleꞌe ꞌnynɩꞌa dɩ ꞌɩn-ɩ sɩaꞌo ꞌle ʋn ꞌye ꞌɩnmʋ gbloko -po ꞌle -jie ꞌmʋ. Nyɔ-ɔ nʋꞌa ꞌꞌnyinynidɩ, -ka ʋn-ʋ nʋ ꞌɔ ɔ, ꞌɔ -ka ʋn nʋꞌo ꞌɩnmʋ. Kɩn, ꞌle ꞌmna gbo a, ꞌɩnmɔ ʋn poꞌo -jie ꞌmʋ. -Lagɔꞌɔ wlu -mnɛɛ ɛ, ʋn -see ɛ -jie ꞌmʋ po. Ɛbɛ-ɛ mumu-o ꞌꞌkpiti.

3 ꞌZaan 1:12

-Ɩn ꞌye li-ɔ, ꞌꞌyrilinmɔdɩ Demetriusɩ-ɩ nʋꞌa a, nyɔꞌꞌo nyɔ-ɔ ꞌza-a ꞌya ꞌꞌdɩ. ꞌLe ꞌɔ kpli-i tɔꞌɔ nyʋ na -ziadɩ moꞌo. -Abʋ-ʋ ꞌza-a ꞌɔ ꞌꞌdɩ -lrɛɛ, ꞌle -ɩn yiboꞌo na -aꞌba ꞌmʋzadɩ-ɩ ꞌmo-o -ziadɩ.

ꞌꞌDukuyrilizadɩ 14:6

A -gblee, ꞌɩn nʋꞌa -kaa, ꞌle ꞌɩn ꞌye ꞌle popo -lrɛɛ, ꞌle ꞌɩn ꞌye -Lagɔ gboꞌa -dalbhoyi -lue liꞌye, ꞌle ɔ-ɔ zi nɩꞌe yakutrubo. ꞌBhlʋkpaꞌꞌo ꞌbhlʋkpaꞌa nyʋ, ꞌcɛꞌꞌo ꞌcɛꞌɛ nyʋ, wluꞌꞌo wluꞌa nyʋ, nyʋꞌꞌo nyʋ-ʋ -nɩꞌa ꞌnɔɔ ꞌbhlʋkpa ꞌꞌkpi, -Lagɔꞌɔ ꞌꞌdɩzɩgɩ-ɩ -seeꞌa ꞌplʋ ꞌkpa yi, ꞌɩnnʋ ɔ yi ꞌɩ -bodɩmʋzanamʋ.

ꞌꞌDukuyrilizadɩ 22:17

Ɔ ꞌlɛꞌɛ -kaa a, ꞌle *-Lagɔꞌɔ Lisaazuzu ꞌye Zeziiꞌa -glɩgbawɔnyiꞌa nyʋ ꞌꞌtuu ꞌle ʋn ꞌye ꞌꞌwɔ ꞌle ʋn na: Yi! A-bʋ nyʋ-ʋ ꞌwɔnꞌɔ wlu -nɛɛ ꞌbɔ, a-bee -mnʋʋ na -lrɛɛ: Yi! -Ka ꞌꞌnitʋ-ʋ ꞌlbhaꞌa nyɔ ꞌle ɔ-ɔ ꞌbɔꞌɔ ꞌꞌni ti ɔ ꞌke ꞌna a, nyɔ-ɔ ꞌbɔꞌɔ ti ɔ ꞌke ꞌɩnmʋ gbo yi ꞌle ꞌɩn -ke ɔ ꞌke -na, ɔ yi, ꞌle ꞌɔ ꞌgwlʋ ꞌke ꞌwɔn!