Biblia Todo Logo
Bìoball air-loidhne

- Sanasan -




1 Tesalonikɩkɔmʋ 1:7 - Nyaboa (Nyabwa)

7 ꞌKa-a aꞌba kpli -nɩꞌa dɩ a, ꞌbho aꞌba ꞌꞌkpi a, Masedʋanɩbhlʋkpa -ke ꞌꞌkpi a -nɩꞌa-e, Akayibhlʋkpa ꞌꞌkpiꞌa Zeziiꞌa ꞌꞌgwlidemʋ ꞌwee ꞌbhɛɛꞌo ʋn ꞌke amʋ ꞌꞌyikpi -za ꞌle ʋn ꞌke aꞌba ka nʋ.

Faic an caibideil Dèan lethbhreac




1 Tesalonikɩkɔmʋ 1:7
14 Iomraidhean Croise  

Ʋn nyniꞌa Zelizalɛɛmʋ a, yayibuduꞌa ꞌꞌdie -lue -ke ꞌli ʋn-ʋ ꞌgbʋʋꞌa ꞌꞌlru ꞌꞌcɩcɩ, ꞌle ꞌɛ ꞌlimʋ ʋn paꞌo. Nyʋ-ʋ -nɩꞌa ꞌbho, ꞌwa ꞌnynɩ ꞌka-a: *ꞌPiɛlɩ, *ꞌZaan, Zaakɩ -ke Andree, Filiipʋ -ke Tomaa, Batelemii -ke Matiee, Alɩfeeꞌa ꞌꞌyu Zaakɩ -ke ꞌbhlʋkpaꞌa ꞌꞌkpiticɛyi Simɔɔ -ke Zaakɩꞌa ꞌꞌyu Ziidɩ.


-A ꞌꞌsiꞌa ti a, ꞌle, Masedʋanɩbhlʋkpa ꞌꞌkpiꞌa ꞌꞌyigluwlʋgwlɛꞌɛ -lue ʋn-ʋ ꞌlaꞌa Filiipʋ, -a ꞌye ꞌbho mu. Ɛ-bɛ gwlɔ ꞌmnɛꞌɛ nyʋ, ʋn-ʋ zrɛ ꞌnʋ-ʋ ꞌWlomɛɛ ꞌꞌyi. -A ꞌnʋ-o ꞌbho ꞌwɩyɔ -gbɩ.


Ɩ ziꞌa -kaa a, ꞌPɔlʋ -sɔꞌɔ-ɔ Atɛɛnɩ, ꞌle, Akayibhlʋkpa ꞌꞌkpiꞌa -gwlɔklagba ʋn-ʋ ꞌlaꞌa Kɔlɛɛtɩ, ɔ ꞌye ꞌle mu.


-Nɔɔ -ke ti ꞌbho Akayibhlʋkpa ꞌꞌkpi ꞌWlomɛɛ ꞌka ꞌbho ꞌwa nyɔklagba -lue ʋn-ʋ ꞌlaꞌa *Galiyɔɔ tide ꞌle ɔ ꞌyeꞌa ꞌbhlʋkpa ꞌmnɛ -kɔ ɔ, ꞌZuifʋ ꞌgbʋʋꞌo-o ꞌꞌlru, ʋn ꞌye wlu -dalue -po, ʋn ꞌye ꞌPɔlʋ kpʋn, ꞌle ʋn ꞌye ɔ -zigletumʋ wɔnyi kpa.


Ɩ ziꞌa -kaa a, ꞌPɔlʋ bhagaꞌa-a dɩ ꞌꞌyi ꞌle ꞌɔ -pɔlʋ gbo ɔ ꞌke Masedʋanɩ -ke Akayi -cɛ -nɩ ɔ ꞌke Zelizalɛɛmʋ nyni. -Kagbɛ ꞌka-a ɔ-ɔ popoꞌo ꞌgwlʋti -lrɛɛ: -Bho ꞌɩn -sɔ Zelizalɛɛmʋ, -Lagɔ ꞌwɔɔnꞌɔ dɩ ꞌɩn-ɩ ꞌye ꞌbho *ꞌWlɔmʋ -nyni mʋ ꞌɩn ꞌke ꞌbho ꞌye.


A -gblee, Zeziiꞌa nyʋ-ʋ -nɩꞌa *Glɛkɩbhlʋkpa ꞌꞌkpi, ꞌɛ ꞌꞌgbi ꞌsɔn Masedʋanɩ -ke Akayiꞌa nyʋ ꞌꞌdu-o mɔni. Ʋn ꞌybha-oꞌo, Zeziiꞌa nyʋ -yʋ -nɩꞌa Zelizalɛɛmʋ, ꞌwa ꞌꞌklumʋꞌa -yʋ ꞌꞌpʋan ꞌlbhaꞌa a, ʋn ꞌke ɩ ʋ -jeyi po.


ꞌƖnmɔ ꞌPɔlʋ -Lagɔ -zaꞌa ꞌle nyʋꞌa ꞌꞌklumʋ ꞌɩn ꞌke *Zezii *Kliisɩꞌa -dalbhoyi ꞌꞌdu, a-bʋ ꞌɔ -glɩgbawɔnyiꞌa nyʋ -Lagɔ -kɔꞌɔ, -ʋ -nɩꞌa ꞌle Kɔlɛɛtɩgwlɔ ꞌmʋ -ke a-bʋ ꞌɔ nyʋ -lrʋʋ-ʋ -nɩꞌa Akayibhlʋkpa ꞌꞌkpi, ꞌɩnmɔ poꞌo amʋ ꞌꞌbɔgʋ -nɛɛ -jeyi. ꞌƖn -ke -aꞌba ꞌlotʋꞌa ꞌꞌyu Timotee -nɩ ꞌsɔn, -a-bʋ ꞌyeꞌe amʋ!


-Ɛkedɩmaa, -ka a ꞌybhaꞌa a ꞌke ʋ -kpa, ꞌɩn yibo nɩ-oꞌo see. ꞌNɔɔ Masedʋanɩkɔmʋꞌa ꞌꞌyigbeyi, ꞌɩn ꞌꞌplin-oꞌo ꞌle ꞌɩn ꞌye amʋ ꞌmʋ po, na: -Zʋn ziꞌa -laa, -a -Bozeziiꞌa nyʋ-ʋ -nɩꞌa Akayibhlʋkpa ꞌꞌkpi, ʋn ꞌbɔ-ɔ ti, -aꞌba -lrʋʋ-ʋ -nɩꞌa Zideebhlʋkpa ꞌꞌkpi, ʋn ꞌke ʋ -kpa, ꞌle ʋn -nɩꞌe ꞌɛ mɔni ꞌꞌdunamʋ. Aꞌba ꞌꞌkpidɩ ꞌɩn -zʋ ꞌʋ -kaa -bodɩ ꞌmʋ a, ꞌɩnnɩ ꞌꞌtuu nʋꞌo ꞌle ʋn ꞌye tiꞌbɔ ʋn ꞌke ʋ -kpa -lrɛɛ ꞌle ʋn ꞌye ꞌɛ mɔni ꞌꞌdu.


A -gblee, -aꞌba -Kɔyi Zezii Kliisɩꞌa ꞌꞌdɩzɩgɩ-ɩ ꞌwlʋꞌa ꞌle -Lagɔ gbo, -ɩ ꞌkpaꞌa ꞌbho a ꞌꞌbhli glu, a -see ɩ ꞌplʋ -kpʋn. Aꞌba -Lagɔꞌɔ ꞌꞌgwlideɛꞌɛ ꞌꞌdɩ -waꞌa-a ꞌbhlɩkpɩ -lrɩɩꞌa -dadudu ꞌꞌkpi ti. Ɛ -se Masedʋanɩ -ke Akayibhlʋkpa ꞌꞌkpiꞌa ꞌꞌsɛ -ko. ꞌƐ dɩ a, -abʋ se ꞌtɔ ꞌbhɛɛ -a ꞌke aꞌba ꞌꞌdɩ -za -lreeka.


Zeziiꞌa nyʋ -ke a -plɛꞌɛ ꞌbho Masedʋanɩbhlʋkpa ꞌꞌkpi, a -kmaꞌa-a ꞌwa dɩ ꞌꞌfɩa ꞌwee -ziaka. ꞌBho ꞌɛ lemʋ a, -a ꞌpo-o amʋ ꞌkpa ꞌꞌyi: A kuku ꞌmʋti aꞌba dɩkɩkmɛɛ ꞌke ꞌꞌkpiꞌkpa.


ꞌꞌDu -aꞌa ꞌꞌbhuoꞌa dɩ gba ꞌmʋ ꞌle nyʋ -kaa -ɩnmʋ ꞌꞌyri-bhla -nɩ, ꞌꞌdana -ɩn ꞌꞌduꞌo. Lɛ -ɩn ꞌka nʋ, ꞌɩnnɛ ꞌmo-o, yibo -wluka, ꞌle -ɩn ꞌke kplizɩgɩ nʋ, ꞌle -ɩn ꞌke nyʋꞌa dɩ -kma, -ɩn ꞌke -aꞌa -Lagɔꞌɔ ꞌꞌgwlideɛ ꞌꞌlru-mu, ꞌle -ɩn ꞌke ɔ ꞌꞌyi-kpʋn, ꞌle -ɩn ꞌke -kaa Zeziiꞌa nyʋ -tɔ ꞌle -ɩn ꞌke ʋ -jolʋ gbo po!


-Mnaaaꞌa ꞌꞌbhuoka -lrɛɛ, ꞌɩn-ɩ ꞌtmʋʋꞌo -ɩnmʋ-ɛ, ꞌɩn na, ꞌle lɩ ꞌwee ꞌmʋ, nʋ lɩzɩgɩ ꞌle -ɩn -boyreetɩ ꞌke -ɩnmʋ liꞌye, ꞌle ʋn ꞌke -ɩnmʋ ꞌꞌkpi ꞌcɩaan -nɩ ꞌle ʋn ꞌke -ɩnmʋ ꞌꞌyi ꞌꞌkpi -za! -Bho -ɩn -kʋ ʋ lɛ-ɛ tɔ ɔ, ꞌwla -pɔlʋ ti! Lɩ-ɩ ꞌbhleꞌa ꞌkpʋ, -tɔ nɩ ꞌle nyʋ ꞌke ꞌbho -ɩnmʋ ꞌꞌdu!


Aꞌba ꞌbɔ ti a ꞌke ʋ ꞌꞌlru ꞌmʋ -kɔ -le! A ꞌꞌdu -tɔmʋzɩgɩ-ɩ -ke kpli-i -nmɔꞌɔ ꞌꞌyrili ʋ -bodɩ!


Lean sinn:

Sanasan


Sanasan