1 Tesalonikɩkɔmʋ 1:6 - Nyaboa (Nyabwa)

⁶ A-bee -mnʋʋ a, -a nʋꞌa -kaa a, a -zaꞌa-a -abʋ -ke -aꞌba -Kɔyi Zezii Kliisɩꞌa kpli ꞌꞌsɛlɩ. A ꞌwɔɔnꞌɔ Zeziiꞌa ꞌꞌdɩzɩgɩ, ꞌle, ꞌbʋbʋa -Lagɔꞌɔ Lisaazuzu poꞌa amʋ ꞌmʋ, ꞌɛ dɩ, sɩasɩaaꞌa lɩꞌa -dadudu -ke ꞌmʋ a -zi -nɩꞌa ɩ-bɩ wlu ꞌmnɩꞌa dɩ, a ꞌbhɛɛ ꞌnɩ wɔnyi.

1 Tesalonikɩkɔmʋ 1:6 Iomraidhean Croise

Matiee 16:24

ꞌLe ɔ na ꞌɔ -namʋ -bodɩ: Nyɔ -yɔ ꞌbɔꞌɔ ti ɔ ꞌke ꞌɩnmʋ ꞌꞌsrii ꞌle ꞌɩn -ke ɔ ꞌke -na ꞌꞌkɔmʋkɔmʋ, -yɩ ꞌma-a ꞌɔ ꞌꞌbhuoꞌa ꞌgwlʋdɩ, ɔ po ɩ ti ꞌle ɔ ꞌke -Lagɔꞌɔ ꞌgwlʋdɩ nʋ. Ɔ ꞌwɔn ɔ ꞌke ꞌkle ꞌye kplokplo, ꞌle ɛ-bɛ ꞌkleyeɛɛ ꞌmʋ ɛ ꞌbhɛɛꞌo nyʋ ꞌke ɔ ꞌlbha ɔ ꞌke ꞌmɛ ꞌle ɛ ꞌke ngazemɛmɛɛꞌɛ ꞌꞌbhuoka ꞌꞌdu.

ꞌZaan 8:12

Ʋ-bʋ ꞌnynaakpʋ ꞌmnʋ muꞌa ꞌwa ꞌꞌbhli a, ꞌle *Zezii ꞌye wlu ꞌmʋꞌꞌluo -lrɛɛ ꞌle ɔ na nyʋ-ʋ -nɩꞌa ꞌbho -bodɩ: -Ka -bho zɔ zɩꞌa a, ꞌle nyɔ-ɔ ꞌyeꞌa ti wesaa, ꞌka-a ꞌɩn -nɩꞌo. Nyɔ-ɔ deꞌa ꞌɩnmʋ ꞌꞌgwli, -ɔ ꞌꞌduꞌa ꞌbho ꞌan wlu a, ꞌɩn -nɩ ꞌnɔ-ɔ ꞌmʋ, ꞌle, tinɩɛzɛgɛ-ɛ seꞌa ꞌꞌtiinamʋ ꞌbhle, ꞌɩn-ɩ ꞌꞌnyɩ ɛ ɔꞌo, ꞌle ꞌɩn-ɩ po ꞌɔ -jolʋ gbo.

Nʋnʋkpli 5:41

Ʋ-bʋ Zeziiꞌa -dalbhomʋ ꞌmnʋ, ʋn muꞌa a, ꞌbʋbʋa ꞌlbhʋ -ʋꞌo tenyɩ! Ʋn yiboꞌo-o -ka nyʋ -zʋ ꞌʋ ꞌnynɩ ꞌꞌkpi ꞌle ʋn-ʋ klʋ ꞌʋ nyanɩ ꞌmʋ Zeziiꞌa dɩ: -Lagɔ -mnɔɔ -bodɩ, ʋn -nmɔ ꞌnɔ-ɔ ꞌꞌyri ꞌꞌkpi ti.

Nʋnʋkpli 9:31

Ɔ -yiꞌa ꞌtɔ Zeziiꞌa -nayi ꞌmʋ a, Zeziiꞌa -glɩgbawɔnyiꞌa nyʋ-ʋ -nɩꞌa ꞌle Zidee-e, Galilee -ke *Samaliibhlʋkpa ꞌꞌkpi ꞌye-e ꞌꞌyiflɔɛ, ꞌle ʋn-ʋ popoꞌo ꞌkpa ꞌꞌyi, ʋn-ʋ ꞌꞌduꞌo -aꞌba -Kɔyi -Lagɔꞌɔ wlu ꞌbho ꞌle *ꞌɔ Lisaazuzu-u kpa nʋꞌo ꞌle -glɩgbɩ ꞌmnɩ-ɩ ꞌbhɛꞌɛ ꞌꞌyigbeyi ti.

ꞌWlɔmʋkɔmʋ 15:13

ꞌLotʋꞌa ꞌꞌnynuu-a, -Lagɔ -tɔꞌɔ ꞌɔ ꞌꞌbhuo nyʋ ꞌle ʋn ꞌke ɔ -pɔlʋ ꞌꞌyi -de a, ɔ ꞌꞌyi amʋ ꞌbʋbʋa -ke -pɔlʋꞌa bhlubhlua ꞌmʋ ꞌle aꞌba ꞌɔ ꞌꞌgwlideɛ ꞌmʋ! -Bho ɛ -nɩ -kaa a, ꞌle *-Lagɔꞌɔ Lisaazuzuꞌa wɔnkuɛ ꞌmʋ, -ka a deꞌa -Lagɔ -pɔlʋ ꞌꞌyi ɔ ꞌke -amʋ ꞌꞌniti-wʋnna ꞌle ɛ ꞌke -amʋ ꞌmʋ ꞌꞌyi, ɛ ꞌke tiꞌpɩple ꞌle yaku ꞌli, a ꞌke ꞌna tikpʋn -ka -zɛgɛka ꞌle a ꞌke -kaa aꞌba tinɩɛ -tɔ.

1 Kɔlɛɛtɩkɔmʋ 11:1

-Ka ꞌmna-a zaꞌa Zezii Kliisɩꞌa nʋnʋdɩ ꞌꞌsɛlɩ, a nʋ ꞌan ka ꞌle a ꞌke ꞌle ꞌan ꞌbɩ -za!

1 Kɔlɛɛtɩkɔmʋ 11:2

A -gblee, ꞌan ꞌlotʋꞌa ꞌꞌnynuu-a, ꞌle ꞌɩn -bodɩ, kpli a -nɩꞌa ti, ɩ-ɩ ꞌnʋ-o ꞌɩnmʋ ꞌtʋ. A-a ꞌzi-e ꞌan dɩ ꞌle lɩ ꞌwee ꞌmʋ, ꞌle, lɩ nyʋ -tɔꞌɔ ꞌɩnmʋ ꞌle ꞌɩn ꞌye ꞌɩ amʋ -tɔ ɔ, a-a ꞌꞌdu ꞌɩ ꞌbho -ziaka.

1 Kɔlɛɛtɩkɔmʋ 4:16

Aꞌba -tɩta ꞌɩn ꞌꞌduꞌa dɩ a, ꞌɩn-ɩ bhadeꞌe amʋ li, a -za ꞌan kpli ꞌꞌsɛlɩ.

2 Kɔlɛɛtɩkɔmʋ 6:10

Lɛ ʋn ꞌka -amʋ ꞌꞌlrulinʋ ꞌle ꞌgwlʋ ꞌke -amʋ li-nyni, ꞌɩnnɛ ʋn-ʋ nʋꞌo. Ɛ -nɩꞌa -kaa ꞌmʋ a, -aꞌba ꞌbhɔ ꞌbʋbʋaꞌa lilidɩ. -Bho nyʋ -de ti, ʋn-ʋ popo-o ꞌgwlʋti na, ꞌꞌpʋanlbhamʋ -a ꞌꞌduꞌo. -Bho nyɔ ꞌꞌbhlu ɩ ꞌmʋti, lɩ-ɩ ꞌbhleꞌa ꞌnynɩ ꞌbho -Lagɔꞌɔ ꞌꞌyigbeyi, -a-bʋ ꞌmo-o ꞌya -kɔmʋ. -Bho nyʋ -gbʋ -amʋ ya, ʋn na, -a se lɛ ꞌbhle. -Bho nyɔ ꞌꞌbhlu ɩ ꞌmʋti, -a-bʋ -kɔꞌɔ lɛꞌꞌo lɛ.

2 Kɔlɛɛtɩkɔmʋ 8:5

-Ziadɩ moꞌo. -Ka -a popoꞌa ꞌbho ꞌwa ꞌꞌkpi ꞌgwlʋti, -yɩ ʋn nʋꞌa a, ɩ -zi ꞌnɩ-ɩ wɔn ꞌmʋti. A -gblee, dɩ -a -zʋ ꞌʋ -bodɩ ꞌmʋ ʋn ꞌkɩ ɩ nʋ, ʋn ꞌwɔɔn nɩ-oꞌo. Ʋn ꞌkɩ ɩ nʋ a, ʋn ꞌꞌnyɩ-e -antanyɩ ꞌwa ꞌꞌbhi -aꞌba -Kɔyi Zezii -jeyi. -Lagɔꞌɔ ꞌꞌbhuoꞌa ꞌgwlʋdɩ moꞌo.

Galasiikɔmʋ 5:22

ꞌBho ꞌɛ lemʋ, ꞌꞌyrilinmɔlɩzɩgɩ -Lagɔꞌɔ Lisaazuzu-u poꞌa ꞌle nyunyɔꞌɔ -pɔlʋ gbo, ɩ-ɩ ꞌꞌtuu nɔ-oꞌo ꞌle ꞌɔ kplizɩgɩ-ɩ ꞌkpaꞌa ꞌꞌpiemʋ, ɩ kɔkɔɔꞌɔ-ɔ ꞌmɩɩmɩɩtuꞌa ꞌꞌbhuo. ꞌꞌYrilinmɔlɩzɩgɩ ꞌmnɩ, ꞌɩnnɩ ꞌka-a: -Lagɔꞌɔ Lisaazuzu-u ꞌya-a dɩkmɛɛ ꞌle nyunyɔꞌɔ -pɔlʋ gbo, ʋn-ʋ ꞌli-e ꞌbʋbʋa ꞌle ꞌwa -pɔlʋ-ʋ bhluꞌo. Ʋn ꞌku-o ꞌꞌgwli ꞌle ꞌwa ꞌlimʋ -nmɔꞌɔ wɔn ꞌle ʋn -nmɔꞌɔ ꞌgwlʋti ꞌle ꞌwa -cna dɩ li.

Efɛɛzɩkɔmʋ 5:1

A -gblee, a-a ꞌmo-o -Lagɔꞌɔ dɩkmayreetɩꞌa dɩ a, a -za ꞌɔ kpli ꞌꞌsɛlɩ ꞌle aꞌba -pɔlʋ ꞌke ꞌɔ nɛꞌɛ ka -nɩ.

Filiipʋkɔmʋ 3:17

Kɩn, ꞌlotʋꞌa ꞌꞌnynuu-a, kpli ꞌɩn -nɩꞌa ti ꞌbho -Lagɔꞌɔ -jeyi a yiboꞌa a, -ka a -dieꞌa ꞌmʋ ꞌwee a nʋ -kaa, ꞌle a ꞌke ꞌle ꞌan ꞌbɩ -za! Lɩ -a -tɔꞌɔ amʋ -ɩ -ke kpli -a -nɩꞌa ti, nyʋ-ʋ -nɩꞌa ꞌya kplitu ti -ʋ naꞌa -kaa, a -gbʋ nʋ ya ꞌle a ꞌke ꞌwa ka -na.

2 Tesalonikɩkɔmʋ 1:4

ꞌKa-a ɛ -nɩꞌe ꞌmʋꞌa dɩ a, Zeziiꞌa -glɩgbɩwɔnyiꞌa nyʋ -Lagɔ -kɔꞌɔ, -ʋ -nɩꞌa -dalrɔɔ, -bho -a -nɩ ꞌle ꞌwa ꞌꞌklumʋ a, -a zaꞌa aꞌba ꞌꞌyrilinmɔdɩ ꞌmnɩ ꞌle ꞌbʋbʋa ꞌmʋ. -Ka nyʋ-ʋ yaꞌa amʋ ꞌkleyeɛɛ ꞌꞌkpi ꞌle ʋn-ʋ klaꞌa amʋ nyanɩ ꞌmʋ ꞌle a-a kuꞌa ꞌkpa ꞌꞌyi ꞌle aꞌba ꞌbhɔ Zeziiꞌa ꞌꞌgwlideɛꞌɛ dɩ, -a ꞌzʋ -ʋ ꞌna -bodɩ ꞌmʋ.

2 Tesalonikɩkɔmʋ 3:7

A ꞌye li-ɔ, -a -nɩꞌa aꞌba ꞌꞌklumʋ, kpli -a -tɔꞌɔ ɔ, -ka -a -seeꞌa vlan a, a ꞌye-e ꞌna li, ꞌle aꞌba ꞌꞌbhi yiboꞌo -ka ɛ -nmɔꞌɔ ꞌꞌyrili a ꞌke -amʋ ꞌꞌsɛlɩ-za.

2 Tesalonikɩkɔmʋ 3:9

-A ꞌka -kaa nʋ a, ɛ -se ꞌꞌsɛ -ko. -A ꞌke amʋ lɛ -tɔ ꞌle a ꞌke -amʋ ꞌꞌsɛlɩ-za, ꞌɛ dɩ moꞌo. -A ꞌbhɛɛ ꞌko-oꞌo -a ꞌke amʋ lɩ ꞌybhaa.

2 Timotee 4:2

ꞌWla -pɔlʋ ti -ɩn ꞌke ꞌɔ ꞌꞌdɩzɩgɩ ꞌmʋ-za! -Bho -ɩn -kɩ ɩ ꞌmʋ-ʋza a, ꞌle zɔ ꞌke ꞌmʋ-nmɔ o, ꞌle ɛ ꞌke ꞌmʋ-nyni o, -aꞌa kpʋn ꞌɛ lbhʋtu -kebhlele -le! ꞌꞌDu nyʋ ꞌꞌdɩ ꞌmʋ! -Yʋ -nɩꞌa dɩyikpaka, kpʋ ʋ dɩ ꞌꞌyi, ꞌle, ꞌꞌnyinynidɩ -nɩꞌa ꞌle ꞌwa tinɩɛ ꞌmʋ, -tɔ nʋ ɩ ꞌle ʋn ꞌke ɩ ꞌꞌyiyibo ʋn ꞌke -Lagɔ gbo ꞌꞌbhiti, ꞌle -ɩn ꞌke nyʋ ꞌwee ꞌkpa ꞌꞌyi po! -Ku ꞌꞌgwli ꞌꞌkɔmʋ ꞌle -ɩn ꞌke ʋ-bʋ nyʋ ꞌwee -tɔ -ka -zɛgɛka!

Eblee 10:34

Nyʋ ʋn poꞌa -jie ꞌmʋ Zeziiꞌa dɩ, a ꞌye-e ꞌwa ngaze. -Da ʋn ꞌꞌluoꞌa aꞌba -kɔkɔlɩ ꞌmʋ -glaka, a ꞌꞌtayi ꞌnɩ-ɩ ꞌꞌyiti ꞌle ꞌbʋbʋa ꞌmʋ. -Ɛkedɩmaa, ꞌꞌkɔgwlɛtinɩɛzɛgɛ a ꞌyeꞌa a, ɛ ꞌbhle-e ꞌnynɩ tenyɩ ꞌle ɛ ꞌye lɛꞌꞌo lɛ -zi.

1 ꞌPiɛlɩ 1:6

Ɛbɛ ꞌmnɛ, ɛ-ɛ ꞌlbhaa-a amʋ ꞌbʋbʋa ꞌꞌyi. -Nɔɔ -gbɛ -sieꞌa ꞌbho ꞌle ꞌɛ da ꞌke nyni, -bho a -kɛ ɛ-ɛ ti sɩa nɩ tenyɩ, ꞌɛ ꞌbʋbʋa ꞌlbhaꞌa amʋ-ɛ ꞌꞌkɔmʋ.

1 ꞌPiɛlɩ 1:8

A -gblee, ɔ-bɔ Zezii ꞌmnɔ, a -see ɔ ꞌye. Ɛ -nɩꞌa -kaa ꞌmʋ a, a -kmaꞌa-a ꞌɔ dɩ. ꞌLe ꞌtraamʋ -bhla a, a -see ɔ ꞌye ke. Ɛ -nɩꞌa -kaa ꞌmʋ, a ꞌde -ɔ ꞌꞌgwli ꞌle a ꞌꞌduꞌo ꞌɛ dɩ, a-a liꞌe ꞌbʋbʋa. Ɛ-bɛ ꞌbʋbʋa ꞌmnɛ, ɛ ꞌbhɛ-ɛ ꞌꞌyi, ɛ ꞌye ꞌbʋbʋa ꞌwee -ziꞌa dɩ, wlu -yɛ nyɔ ꞌka ꞌmʋꞌꞌluo ꞌle ɔ ꞌkɛ ɛ -bha, ɛ se -nɩ. Yaku ꞌliꞌa -nɛ -ke ɛ gʋgɔꞌɔ ꞌꞌyiti.

1 ꞌPiɛlɩ 3:13

A ꞌye li-ɔ, ꞌlotʋꞌa ꞌꞌnynuu-a, -bho a ꞌbɔ ti aꞌba -pɔlʋꞌa klɛ ti, a ꞌke ꞌꞌyisrɛɛmʋ ꞌꞌdu ꞌbho ꞌɔ ꞌꞌyigbeyi, yɔɔ ꞌbhɛɛꞌo ɔ ꞌke amʋ ꞌkleyeɛɛ ꞌꞌkpi -ya ꞌle ɔ ꞌke amʋ lɛ li-zaꞌa?

3 ꞌZaan 1:11

ꞌAn dɩkmalotʋꞌa ꞌꞌyu, -bho nyɔ -ka ꞌꞌnyinynidɩ-ɩ nʋ, -aꞌa ꞌkpa ꞌɔ kpli gbo -le! Nyɔ-ɔ nʋꞌa ꞌꞌyrilinmɔkpli, -gbʋ ꞌɔ ꞌꞌsɛ ya! -Gblee, nyɔ-ɔ nʋꞌa ꞌꞌyrilinmɔdɩ, ɔ-ɔ ꞌmo-o -Lagɔꞌɔ ꞌꞌyu. Nyɔ-ɔ nʋꞌa ꞌꞌnyinynidɩ, ɔ se -Lagɔ yibo.