Taitas 3:9 - Namiae

⁹ Regavo e iji vuak ise ma bakin iji kuaime buon musikuaiknum vo saifijafbuon suar faivo iji agordiamne. Regavo nika e iji bu bui bijaivo ijigam e iji bu Mosison akaij ijefuon musikuaivo iji agordiamne. Ire iji na kuardavo iji buka ire ise ga bu ire ma kafo ijia rejo bakin.

Taitas 3:9 Iomraidhean Croise

1 Korintiens 13:2

Regavo na vierafe naka Godon vuak iji faime abe e roin kuardiaknum ga ire fok vierafeknum ga madu Godon ire sauivkin fok giame vierafe barekafie vierafek. Regavo naba una e roin mukorigia oijmiakva na vierafe ire fok na rekafie vierafenva iji fuka buzer ijesugin. Regavo madu na vierafe na God ma vierafejo iji fuka ma bomana rebatie na uri Godon sirimamene kuaga fu uri uruor mamkanuk iji kiaga bu biom una ai kafo ijia va irek. Regavo naba kaifnun roin oijmiakva iji naka e fokbuon nifak ijia na e ma bakin. Ijefuon ire fok nar vierafene rejo iji fuka ma buzer ijesugin.

1 Korintiens 8:1

Regavo efnun iviakma ja madu duna be ijeg kuardien. Ja kie fube mardo e kafo Kurais ma vierafejo iji bu fanuf iji bu kege god kufui bu ema imut amardiainva iji buon isuf baroinva iji kege ikno kien. Regavo na kuardiako ni faif. Na vierafega ire kafokafo ema imut amardiainva iji bu God ma bakin. Regavo e kafo igia nana karinva iji bu vierafega fu marenma ijefuon bu fanuf iji bu kege god kufui iji isuf baroinva iji bu karme ij. Regavo e roin bu vierafega fuba marenma ijefuon buba karme ij. Regavo na vierafe oij ijeg no kafokafo vierafene reoijo ijia noba uri aroikarame ka ada mekfuon. Regavo noka kaifnuvuon ijiebuon vierafe buon giaknum ogavo noba una vierafe buon kam arafiriak. Regavo noka oijmiame ifejdiaknum bu ejafiaga bu unam ma ijia keok.

1 Timoti 4:7

Regavo suar usuikor iji ka ma daro bakin iji ijia aref. Regavo tavan bog nika daro on ijekma Kaven Akai ijefuon unam ijia uruvana mimataoikin a daro abek.

2 Timoti 2:14

Vuak iji na amur kuardainva iji tavan bog e iji a samuagdiamo iji kuardiamne. Regavo ni una Godon if ijia kuardia kia ir ijia musikuaivo iji fu ma bakin. Ijefuon maiji e iji bu vuak iji faivo iji vuak ijar bu ifejdiamo bakin revo fu bu kam arafiriam.

2 Timoti 2:16

Regavo vuak kufuij ga vuak ise ijia buba a aferdaga a God maiji unakome aibe vakfuon. Regavo e vuak kufui nijaidiavo vuak ijeg bu kuaivo iji ni mukorigia agordiamne.

2 Timoti 2:23

Regavo vuak isekma kufuime kuaivo iji agordiamne ijefuon maiji ijieb musikuaivo iji anerek.

Taitas 1:14

Regavo buba una e Jiusbuon suar usuikor ijiga e iji bu vuak maiji uzainva ijiebuon vuak iji uruvana igia vierafek.

Jeims 4:1

E fok ja bijaiknum musikuaivo iji erar kiaga ja ijeg rej? Ja koikjo oijon ijia vajai jon iji uruv vierafeoijo ijefuon ja iji karine musikuaiknum bijaimoij.