Taitas 1:8 - Namiae

⁸ Regavo fuka e iji oimardiaknum ga unam ma ijesugin oijmiamo ijin. Regavo irerag vajai fuon ijar rekreno ijia mukorigia samuanamimo ga e vuak ma ijesugin kuaimoino ga ka e akai igegreoinon e ijekin ijia abene.

Taitas 1:8 Iomraidhean Croise

Ruk 2:25

Regavo ar Jerusarem ijia eof be if fuon Simion fu ijia fin. Fu e mukor ga fu Godon vuak mukor vierafeknum Godon unam ma ijia jamon. Regavo madu fuka e iji God fu kua fu e Isrerko karaunia ruakno kuainma iji samuame fino ijin. Regavo Godon Kaven Akai iji fu fusik oinon.

Eks 24:25

Regavo For fun Firiks vuak kafo kuardamo ijia fu madu vuak iji izeg no ma reokfuon ijigam izeg no nuvuon junamikfuon ijin kuardain. For fu iji kuardame uri tavan iji God fu izeg una e fok moikigia ise reoijo iji ke mazim giakfuon iji kuardain. For fu ijeg kuardamga Firiks fu vuak iji faime fuka juin. Ijefuon fu uri For kua, Nin vakevo nason rad tavan be nakma na ijia una a kumekno kuain.

1 Tesaroniens 2:10

Regavo irerag no reoinva iji jan guo ga God fuk fun guoin. Ijefuon ire iji no e iji ja Jesu ma vierafejo iji jon renva iji noka ire akai ijigam unam ma iji ren.

1 Timoti 3:2

Ijefuon erar fu ik iji rekafa vierafekma iji fuka unam arir maturame fikfuon vo fuka bara besum abekfuon. Regavo fuka koikfuon mukoi samuanamiga e fok bu fu agoik. Regavo madu fu e sumakin iji tavan bog oimarknum aferdiamo ga Godon vuak e iji mukorigia nijaidiamo.

1 Timoti 4:12

Regavo ab arega e kafob a neseme e ukakbe ijeg gak revo mimatame ma rejo ijia kege nijaidiaga bu ma vierafene a oijmame agordak. Regavo unam iji a mimatame nijaidiakfuon iji nika vuak ma ijesugin kuardia vo unam mukorigia mimatame ke nijaidia. Revo madu e fok oijmia vo tavan bog God ma vierafekfuon. Regavo on a vierafeno iji fuka maturai vo arir vierafekfuon.

1 Timoti 6:11

Regavo Timoti aiji a Godon e ijefuon ire ise uruvana na iviakma kuardainva iji giame agordiamne revo giriesame darokma mimataga ire igi bu oion ijia ofrek. Ire iji maturaime akai karijo ijiga ma vierafejo ijiga oijmanamivo ijiga giriesame nuibakin tavan bog ikrejo ijiga adumaduigin oijo iji bu oion ijia ofrek.

2 Timoti 2:22

Regavo Timoti ni unam ise iji am mumogana bu rejo ijin agordiamne. Regavo giriesame maturaivo ijigam ma vierafejo ijigam oijmanamivo ijigam afuim karijo ijieb kege oion ijia name maturaime E Bomana iji kuaga fu ifejdak.

2 Timoti 3:3

Regavo buka e roin oijmia vo buon oifian abekva bakin. Regavo e kafobuon ise iji buba giame arek revo madu buka kufuimene e kafobuon vuak kuaik. Regavo buka tavan bog nigaraiknum karik ga buka fanuf taraiko igeg ura oknum unam ma kafo bu oijmiavo bakin.

Taitas 2:7

Regavo ire fok ja reoijo ijia mukorigia reoknum vo unam ma ijesugin nijaidiainkin e roin bu iji faivknum giame uri ja jajiak. Regavo vuak irerag jon ja e roin nijaidiavo iji jab varan igeg vierafek. Regavo nika ma vierafene darokma nijaidiaf.

1 Jon 3:14

No kaifnuvuon oijmiavo ijefuon no vierafega no unam ise iji bu no aferduo zuarunam vakfuon iji non areme una unam ma karivako ijia ruain. Regavo erar fuba kaifijaf mukoi oijmiakma fuiji fu vek unam ise ijia oin.

1 Jon 5:1

E be erar fu ma vierafero Jesu fu ma Godri kuama fu moikigia e fok karauniakafa ari ruainmaro fu ijeg vierafeno e iji fu Godon e. Regavo erar fu God mukoi oijmamo e iji fu madu Farifuon Jesu mukoi oijmam.