Romens 1:9 - Namiae

^9-10 Regavo God fun na gie na tavan bog sirimamejor na ja vierafej. Regavo fun giega naiji na oinun fok na God nun ijefuon ik rej ijefuon maiji na Farifuon ijefuon vuak ma iji abe e roin kuardiav. Na nun sirimamejo ijia naka ja vierafejo iji God fun gieme vierafen. Ijefuon na God kuaga fur radkma ijia fuon fu vierafeno ijia kiega na una ja giak vuak.

Romens 1:9 Iomraidhean Croise

Mak 1:1

Vuak igefuon anej ma iji Jesu Kurais fu Godon Farif. Regavo vua fuon iji bun izeg Asaia e iji Godon vuak vierafene kuaimon fu kuainma iji bu ijeg isoi, God fu Farifuon kume, Vuak nun iji faimne kumen. Nar e vuak nun abe oinon be kuaga fu amur unam on iji amarekega a rad vak.

Ruk 18:1

Areme Jesu fu vuak be bijame e vuak fuon faivo iji kuardiain. Fu ijeg kuardiaga bu vierafekin buka tavan uruvana sirimamekgavo buba uzakfuon.

Eks 19:21

Bu ijegrene For fu vierafero fu va moik Mesedonia ko Gris guf ijia keko nakek Jerusarem vakafa vierafen. Fu ijeg vierafene kuai, Na va garia kekokva naka ar Rom gak vakno kuain.

Eks 24:14

Ijefuon vuak na a kuardakfuon iji izeg na saifnuvuon ijiebuon God iji sirimamene unam iji bu kua kufuino kuaivo na ijin jajiav. Regavo na madu Mosison akai uruvana ma vierafeknum e Godon vuak vierafene kuaivo ijiebuon vuak iji bu buk ijia isoinva na iji ma vierafej.

Eks 27:23

Ijefuon maiji God iji fu na ifejdieknum na tavan bog fuon sirimamejo ijar anera fuon kuama fu ivia naki nun ruain. Fu arime na kie, For ab juk ani e Romkobuon e bomana Sisan nifak ijia manine kot reno kien. Regavo madu fu kie, Fun Godri fuon izeg fu e mardiamon ijia fu e iji ana sisim ijia vako iji samuagdiainmano kien.

Eks 3:26

Ijefuon God fu amur Jesu e ifejdiamo iji abe ja unafdiaga fu e fok ja ifejdiaga ja unam ise iji areme una unam ma ijia kari vakno kuain.

Romens 9:1

Efnun na vuak be madu kuardiakrej. Naiji na Jesu Kuraisk besum renva ijefuon vuak irerag na kuaivo iji na kufuimejo bakin. Na Kaven Akai iji fu oinun ijia ik reno ijefuon vuak irerag na kuaivo iji na kufuimejo bakin.

2 Korintiens 1:23

Regavo vuak igi na kuardiavo iji God fun gieme vierafenma ijefuon naka ma kuardiav. Na vierafe na una ai Korint vuakva naka afikin abe miak. Ijefuon na unam iji na ijia vuakfuon amarenva iji na areme una unam be amaren.

2 Korintiens 11:31

Regavo vuak igi na ijeg kuardiakrejo iji fu God E Bomana Jesu Kuraison Asoij ijar gienma ijefuon na kufuimekfuon bakin. (Revo God nuvuon fuka e darokin ijefuon na vierafe noka tavan bog fuon oimarkfuon).

Garesiens 1:20

Regavo irerag na iviakma isoivo iji God fu vierafe na kufuimejo bakin gavo naka vuak ma ijin isoiv.

Efisiens 6:18

Regavo ire fok ja rekva iji ni arega Kaven Akai ijar nijaidaga ni ijia jame sirimamef. Ijefuon jab dazme karikfuon gavo jaka uri samuaknum karik. Regavo tavan kafokafo ijia ja sirimamejo ijia ni e iji God ma vierafejo ijiebuon sirimamef.

Firifiens 1:3

Tavan bog naka ja vierafejo ijefuon na joifuon God Asoinuvuon iji fuon oimarev.

Firifiens 1:4

Tavan bog na e fok joifuon na nun sirimamejo iji naka oimarknum sirimamej. Ijefuon maiji ja ik anej ijia Jesu Kuraison vuak ma iji na kuardiava ja faime uri na ire kafokafo nijieknum biduakienva iji ja vek rene rok.

Firifiens 2:22

Regavo e igi Timoti fu e ma ga fur ka am iji fu asoifuon ifejdamo ijeg fur ifejdiema na Godon vuak ma iji abe e roin nijaidiain.

Firifiens 3:3

E ijekin iji agordiaf ijefuon maiji God fu vierafega buiji bu anf fuon ma iji abenva bakin. Regavo nor no ma anf fuon ma iji aben ijefuon maiji no Kaven Akai iji ma vierafene God sirimameknum vo madu Jesu Kurais ire fok fu nuvuifuon renma iji ma vierafeknum oimarev. Regavo noba ire kafo vajai surif nuvuon ijia reoijo iji kege ma vierafek. Ijefuon maiji ijeg no rejo iji noba Godon nifak ijia maturain.

1 Tesaroniens 1:2

Ijefuon tavan bog no sirimamejo no ja vierafene joifuon Godon oimarev.

1 Tesaroniens 3:10

No nakikmazak no oinuvuon ijekma Godon sirimamene kuaga fur ifejduoga no una uikinik jon giakuai no iji vierafen. No vua giame unam kafo ja oijon ijia ma vierafe vo jaba giriesame kegoijo iji una nijaidiakuai no iji Godon sirimamej.

1 Timoti 2:7

Regavo iji fu renma ijar nijaidiamo iji fu vierafe fu e fok karauniak. Ijefuon fu na kumega na afasor rene e Jius bakin iji vuak fuon ma iji nijaidiaga bu Jesu Kurais ma vierafekfuon. Regavo vuak irerag na kuardiavo iji na kufuimejo bakin revo na vuak ka ma iji kuardiav.

2 Timoti 1:3

Na Godon oimarme saifnun bu renva ijeg na oinun ijekma fuifuon ikrej. Regavo na nakikmazak nun na sirimamejo na tavan uruvana a vierafe vo Godon oimarev.

Firimon 1:4

Eko Firimon uviainu na tavan bog na sirimamejo naka a vierafej. Regavo na if on kuame oifuon God nun ijefuon oimarev.