Revareson 9:21 - Namiae

²¹ Regavo e iji buka ba oi karoime e iji bu kaniavo ijigam kaven ise kafokafo vierafejo ijigam barubara buon fudainamime ise rejo ijigam niesavo iji aren.

Revareson 9:21 Iomraidhean Croise

Metiu 15:19

E iji fu oifuon ijia ire ise vierafeno iji fu e kaniaga bu aoiknum ebuon bara turaknum ebuon sinuom niesamo ijin. Regavo madu vuak kufuimeknum una e kafobuon vuak ise buisina kuaivo ijin.

2 Korintiens 12:21

Regavo na tavan be una vua giamga ja uria unam ise iji amur ja karijo ijeg karigakva God nun iji fuka na oifian miega na nifak jon ijia jukfuon. Fu ijegregakva naka e iji bu usuibe unam ise reoinva iji buba areme una oi karoinva ijiebuon oifian abene niraik. Ijefuon maiji unam buon usuikor iji bu barabaru fudainamime unam ise rejo iji buba aren. Ijefuon naka bomana oifiadieme jufdiekfuon.

Revareson 13:13

Regavo maf kuriai be iji fu kekome ruainma iji fuka ire sumakin mamkanuk kafo ren. Fu e fok ijiebuon nifak ijia mian iji kuamga fu varur ijia ari moikigia ruain.

Revareson 13:15

Rene maf kuriaij iji rad ruainma iji fu daro aben. Fu daro abe fur una maf kuriai amur ruainma ijefuon kaven fu aikin bu amarenva iji ivuat maga fu vuak kuaikro fu iji main. Fu maga fu una vuak kuaime e iji bu fuon ba atosame sirimamejo iji kaniaga bu aoik.

Revareson 13:7

Regavo madu God fu ijia arekoga maf kuriaij iji fu dregon ijefuon daro iji abe una Godon e ijiena bijaime bu asidiain. Regavo fu daro abe e agan kafokafo iji samuaknum moik kafokafo ga isama kafokafo ga e vajai surif kafokafo iji samuagdiam.

Revareson 14:8

Rega anera be madu fu rad jame kume, Mai darokin Bebiron fuka iserme ari kanam. Ijefuon maiji fu do vuain fuon abe e moik kafokafo karijo bu ijia ruainva iji miavga buk ijin abe in. Regavo do vuain iji fu unam ise iji fu kaven ise ijiebuon sirimamejo ijiga barubara fudainamime unam isereoijo ijin. Fu unam ise ijegrenma ijefuon mai bomana iji fuka iseren.

Revareson 16:6

E ise rejo ijieb eon oifuon vuak kuaiknum ikrejo iji kaniavga bu kavuan arime aoin. Ijefuon a unam ma iji rene una do iji a aregavo a kavuan iji kege una e ise rejo iji vajiaga bu ire bu renva ijefuon ijo iji fun marenmano kumen.

Revareson 17:2

E kin moik kafokafo samuagdiavo iji bu funa unam ise iji reoij. Regavo madu e fok moikigia oijo iji bu unam fuon ka ise iji bun dab do vuain igeg ija buka nigen iserdiain.

Revareson 17:4

Regavo bara iji maf ijia ajie fino iji fu sinuom aroikaravo ugon kavuan iji sain. Regavo vajai fuon iji fu ire gord ga mun ma zin igeg iramo ijia amardiainva iji sain. Regavo imut fuon ijia fu ire kafus gord ijia amarenva iji kunain. Regavo kafus guf ijia fu ise fuon iji fu ebuon baru turainma ijiga unam ise uruvana fu renma ijar irtoijen.

Revareson 17:5

Regavo bara ijefuon variatar ijia fu if be ijia ijeg isoime kua, Ai Bebiron fuka darokino kuain. Regavo vuak ijefuon anej ma iji fu bara fok moikigia oknum baru turavo ijiga e iji bu moik igefuon unam ise iji rejo ijiebuon asiej.

Revareson 18:3

E fok moikigia oijo iji buka unam fuon ise iji fu ebuon baru turame unam ise reno ijin dab do vuain kugin igeg abe ruainamin. E kin moikigi samuavo fok bu funa fudainamime unam ise iji ren. Regavo mai Bebiron fu vierafe fuka tavan bog sinuom mukor ijesugin karme oimarknum fiokafa fu iji vierafen ijefuon fuka e kafobuon sinuom uruvana ni kafokafo ijin kimen. Fu ijegreno ijefuon e iji bu sinuom fuon kimejo iji buka mon uruvana zaraiv.

Revareson 19:2

Regavo e iji ise reoijo iji fu kege mazim giamo iji fuka mukorigia ren. God nuvuon ijar mai iji fu bara igeg tavan bog ebuon baru turame unam ise iji reno iji dab vajai fian main. Fu ijeg fine ise reko ise fuon ijar moik fok fuka dab arafirim. Regavo Godri fu dab arafirin ijefuon maiji fur e iji Godon ikrejo iji kaniain.

Revareson 21:8

Regavo e iji bu nuifuon ikrekuai juvknum uzame ba unam nun ijia jajie vako ijigam e iji ba na ma vierafejo ijigam e iji bu unam ise siroij igegrejo iji bu mian naoik. Regavo e iji e kaniavo ga e kafobuon bara turavo ijigam e zuaigin ga e iji ire kafo imut ijia amardiame buon sirimamejo ijigam e iji kufuimejo ijiebuon ar iji mian kavuaime naino ijin. Bu ijia madu una aoime barekno kien.

Revareson 22:15

Regavo mai ijefuon makaf ga aror ijia bu e iji unam ise reoijo ijigam e iji zuainavo ijieb ijia ok. Regavo madu e iji bu barubara buon fudainamime unam ise rejo ijigam e roin kaniavo ijieb ijia ok. Regavo madu e iji bu kaven kufui imut ijia amardiainva iji oijmiavo ijigam e iji bu vuak kufui kuaimoijo ijiga unam kufui iji kegoijo ijieb ijia ok. Bu e fok ire ise ijekin ijia reoijo iji buba Godon mai iviamkor ijia aruk revo bu makaf ijia ok.

Revareson 9:20

Regavo e iji ire ise ijieb ba kaniainva iji buba ire iji bu imut ijia amardiainva iji nuigafiame subim vain. Regavo bu vek kaven ise ga ire iji bu in ijigam gord ga sirva ga mun ijia amardiainva iji bu ire kafo giaknum ga kativo ga vuak faivo bakin ijiebuon sirimamej.