Revareson 7:9 - Namiae

⁹ Na iji gia barme na una gia e ka ma uruvana e bu dakva bakin ijieb ijia afuin. Regavo e iji bu agan ga ai kafokafo ga isama ga vajai surif kafokafo ijia ruain. Bu fata ijiga Maf-Sif Uka iji fino nifak ijia iren. Regavo bu ugon abaikin jaoijmana iji sain revo imut buon ijia bu ire anam kiak iji kuniaime ijia iren.

Revareson 7:9 Iomraidhean Croise

Ruk 12:1

Ijegrene buka e uruvana ijia afuivo ijefuon buka bui ajifnamuiv. Bu ijegrejo ijia Jesu fu amur uri e vuak fuon faivo iji kia, E Ferisis ijiebuon unam ka kufui iji bu e biesiaoijo iji amarigia giame datomdiagavo jab buonak kegok.

Ruk 21:36

Ijefuon jab zazaigavo nika amarigia jon samuanamiknum ga tavan bog sirimamef. Ja ijegrejknum karinki Ema ijiebuon Farif igi na una roko ijia ire fok bu rekva ja giriesame uri irekno kiain.

Jon 12:13

Ijefuon e fok bu uri anam kiak mukiene unam gafia Jesu biekuai vain. Bu usem vaknum uruvana biumavknum kume, No Godon oimarek. Godri e Isrerko buon Kin iji fu ma E Bomana ijefuon if ijia roko iji fuon oimardakno kumen.

Romens 11:25

Efnun na vierafe ja vuak ma iji sauivkin igi na kuardiakrejo amarigia faikfuon. Na ijeg kuardiakin jab aroikarame vierafero jaiji ja e ma ga e Jius iji bu e isero jab ijeg vierafekfuon. E Isrerko uruvana buka oi karoime una ire ise kafokafo reoknum God uzaken. Bu ijeg vek ise reoke e Jius bakin iji God fu kege uniainma iji buka uruvana Godon ruakega rad God fuson ijar e Isrerko iji karauniak. Ijefuon maiji Godon buk akaij ijia bun usuibe ijeg isoime kuai, E iji e fok igiebuon ise ijia karauniakfuon iji fu Godri e fuon Isrerko ijia be kuaga fu ruak. Regavo e ijar e Jekafon uifarif fok bu unam ise ijia kegoijo iji karauniame aferdia una unam ma ijia uniak.

Efisiens 6:13

Ijefuon ni uri sinuom irerag ja vajai samuanamikva God fu vajiainma ijin kege saf. Ja sinuom ijin kege sakva tavan kafokafo ijia kaven ise Setan fu jana bijaikma jaba fu game juk. Regavo jaka uri giriesame funa bijaikin radkma ijia jar rarme Setan asime vek irek.

Ibru 11:12

Regavo Eburam fuka guakafa samairenma ijia e besum ijar e uifarif ka uruvana ire mujur vo jier saof irif iji noba davo ijeg abeden.

Ibru 12:22

Regavo Kurais fuba ja aferdiame roke uruor ijekin be moikigia ja imut jon ijia kunaime gain. Regavo ja fu aferdiame Godon samai varur ijia ruain. E saifjon iji bu uruor Zaion Jerusarem mai God e darokin fino ijia Godon guriguri rekuai ruainva ijeg ruain. Regavo ja anera fok bu karinva ijia ruain.

Revareson 11:15

Anera seven (7) iji fun veg fuon iji dab foiga varur ijia buka e uruvana irovajame kume, E darokin iji fu moik fok samuakfuon iji fu iviakma fun una God E Bomana nuvuon ga e iji fu kuamga fu ari ruainma ijefuon daro rotit ijiano kumen. Fur moik fok iji samuame fivak.

Revareson 22:3

Regavo ire iji ba maturainva iji God fu uzamo iji a mai ijia giakma bakin. Regavo God ko Maf-Sif Uka ijiebuon fata iji fu mai ijia manikega e Godon ikrejo fok bu buon sirimamek.

Revareson 3:18

Ijefuon na kiavo nin ro gord ma iji zin igeg iramo iji nun kimef. Regavo gord iji fuka ma mukor bu mian ijia abe kafut fok kanasenva ijin kimega fu jafak sinuom zaraif. Regavo madu ja detabar oijo ijefuon ugon abaikin iji nun kimene vajai jon ja samakaf ijia jumoijo iji okuriaf. Regavo muramura kimene ni jon uju fu madiaga ja nisaime giaf.

Revareson 4:4

Regavo Godon fata irif ijia fata kafo madu tuenti fo (24) ijeg ijia iren. Regavo e uguaikin tuenti fo (24) bu ugon abaikin iji same vo ire kafo gord zin igeg iramo ijia amardiavo iji nigen buon ijia same ijia karin.

Revareson 5:11

Regavo na madu ga anera ka ma uruvana ba dakva ijieb irovajava na fain. Regavo anera iji bu Godon fata ijigam ire fo (4) iji nivek irenva ijiga e uguaikin iji kege uf ijia uniame bu fata ijia ire ameoine irovajav.

Revareson 5:9

Bun dua iviamkor iji roknum kua, Aka aresredo a buk iji anum igekin iji abe irainmano kuain. A bun kanavga a guain revo on a guainma a vajat on abe isuf igeg baroin. A baroine e fok agan kafokafo ga isama kafokafo ga moik ga vajai surif kafokafo iji kime aferdiame Godon e ren.

Revareson 6:11

Regavo e besubesum bu ugon abaikin ka jaoikin iji vajiame kia, Ja oi mafaime sibank naoime samuak. Ja isuar samuake e uviaifijaf ga makifjon bu God ma vierafejo roin bu nuifuon ikreoijo iji madu bu ja kaniainva ijeg kaniaga bu e uruvana rega nason ijia vua e fok ijiebuon ise iji kege mazim giavno kiain.