Revareson 4:2 - Namiae

² Fu ijeg kumekoga migegare Kaven Akai ijar na dab niroikiema na varur ijia gak Godon fata ijia e be fu ijia fin.

Revareson 4:2 Iomraidhean Croise

Metiu 22:43

Bu ijeg kuardavga Jesu fu una madu kia, Regavo irerafuon Kaven Akai iji fu Devidon oij ijia vierafe mamga fu e iji kua E Bomanano kuain? Ijefuon maiji fun Devidiri kua, God E Bomana ijar una e bomana nun iji kuak, Ni igi ij maink igia fi. A ijia fike na e ani on bu ana nigaraioijo iji nar kege kaniame ke diak rotit on ijia uniamno kuain.

Ibru 8:1

Regavo vuak fok na kuardiainva anej iji E Bomana isuf baroino nuvuon iji fun God ka ma darokin varur ijia fino ijefuon imut maink ijia fin.

Revareson 1:10

Na e Bomana ijefuon tavan ijia Godon Kaven ijar na nirokdien. Fu na nirokdiema na nuon nun ijia fai vuak be uruvana veg ijeg foin.

Revareson 12:5

Regavo bara iji fun am iji fu daro abe moik fok samuagdiakfuon iji nafen. Fu nafega ire dregon iji fu am iji ba jakin revo Godri kamazame afem fata iji fu fino ijia vain.

Revareson 17:3

Na ijia manijga Kaven Akaij iji fu na niroikiemga anera ijar na dabadieme ai moikum namo ijia vain. Na va ga bara ijar maf kuriai vajat kavuan ijia ajieme fin. Regavo maf ijefuon vajai ijia bu vuak kafo ijia isoime Godon if dab buzein. Regavo maf kuriaij ijefuon nigen iji fuka seven (7) ga ire muan fuon iji buka ten (10).

Revareson 19:4

Regavo e uguaikin tuenti fo (24) ga ire fo (4) nivek iji irenva iji bu tuame Godon fata iji fu fino nifak ijia dijme fuon sirimamen. Bu sirimamene kua, Fuka mardo no Godon oimarev.

Revareson 20:11

Areme na fata abaikin iji be gavo e iji fu ijia ajie fino iji gain. Regavo Godon nifak ijia moik ijiga varur buka bakiteme vaka fuba una giain.

Revareson 21:10

Fu ijeg kiekoga Kaven Akai ijar na niroikiemga anera ijieb na aferdieme uruor kaf ijefuon buin ijia ajie vain. No ijia ajie useme fun Jerusarem mai akaij iji varur ijia Godri kuaga fu ari rokon iji nijaidien.

Revareson 21:5

Areme e iji fata ijia fino ijar kume, Igia gaf. Iviakma na ire fok kege iviamkor rej. Regavo fu una madu na kie, Vuak iji isoimne ijefuon maiji vuak iji fuka ma ga vuak iji buka ma vierafekfuon.

Revareson 3:21

Erar fu mukorigia Setanon unam ise fu biesuamo ijia ba zazai ga fu giriesame asidiamo iji nar daro maga fu fata nun ma irif ijia fik. Regavo Asoinun fu izeg na e fok ise reoijo iji asidiavo ijefuon fu fata fuon miema na fijo ijeg na e iji fata nun maga fu irif ijia fik.

Revareson 4:10

Bu ijegreko ijia e uguaikin tuenti fo (24) iji karinva iji bu e fata ijia tavan bog fivako ijefuon nifak ijia tuame moik dijeme fuon sirimamej. Bu ire iji gord ijia amardiainva bu nigen buon ijia sainva iji kare fata iji manino moik ijia korme ijeg kuai, Aiji a E Bomana nuvuon ga God nuvuon ga ar ire fok igi naoiko no giavo iji amardiain. Regavo on vierafenma ijia kege uniaga bu nivek kari ikrej. Ijefuon fun mardo no on daro bomana ijiga on sanainma ijiebuon no arordame aroifiriknum oimardame dua rokafav.

Revareson 4:5

Regavo Godon fata ijia na ga varur ijar ijia karame sanaknum uruvana ijia tavuam. Regavo Godon fata ijefuon uinak ijia na ga ire ikuosaij igekin seven (7) ijieb buin ijia mian igeg naine sanav. Regavo ikuosaij iji naine sanamo iji Godon Kaven seven (7) ijin.

Revareson 4:9

Regavo ire fo (4) nivek iji karinva ijieb e iji fu fata ijia tavan bog fivako iji dua rokafav. Bu tavan bog Godon sanainma ijefuon dua roij. Bu ijegrejknum fu dab aroime oimardaknum dua rokafav.

Revareson 5:1

Regavo na madu e iji fata ijia fino ijefuon imut maink ijia ga fu ire buk igekin be anuinma iji kunaime fin. Regavo ire buk igekin iji fu kunaime fino iji bu roinroin isoime okurame aren revo kaf ijia bu kajek seven (7) tamukuriain.

Revareson 5:13

Areme na madu fai ire fok God fu amardiainma bu varur gufia ga moikigia nivek oijo ga moik guf ijia ga saof guf ijia karinva iji bu oimarknum dua roij. Na fai bu dua roine kume, No e iji fata ijia fino ijiga Maf-Sif Uka ijiebuon daro ga buon bu e mukoi renva ga sanainma buon iji tavan bog arordiaknum vak.

Revareson 6:16

Bu ijia sauime uruor ijiga mun mamkanuk iji kume, Migegare tuame no okuruofno kumen. Bu kume, No e iji fata ijia fino ijefuon ni iji ga fu dejufduom. Regavo madu ire Maf-Sif Uka iji fu no vajai fian vajuokafa ziemo iji fuka bomanakno migegare tuame no okuruofno kumen.