Revareson 3:17 - Namiae

¹⁷ Ja kuai noka sinuom zarain ga ire kafo noba vierafenvano kuain. Regavo ja una kaven ijefuon unam ijia jaka ma sinuom bakin revo jaka detabar ni zuriaime oij. Regavo ijeg ja reoijo iji jaba ganamime vierafen.

Revareson 3:17 Iomraidhean Croise

Metiu 5:3

Jesu fu vuak nijaidiame kia, Eraneb bu oibuon ijia vierafega buka God gakuai vierafeoijo iji buka oimarkfuon. Ijefuon maiji bu e ijekin ijieb e iji God fu oibuon iji samuagdiafo ijiena mazik.

Metiu 9:12

Bu ijeg kuardiavga Jesu fun faime uri vuak be ijeg bijame kia, E adam bakin iji fuba e adam giamo iji vierafek ijefuon maiji fu adam bakin. Regavo fu e adagin ijar e adam giamo iji kuaga fu ifejdaga adam fuon fu una maik.

Ruk 1:53

Fu ijegrene uri e iji bu vasia oriainva iji duok ma iji vajiaga e iji ire uruvana zarainva iji fum kiamga bu imut kiriasame vain.

Ruk 6:24

Regavo e iji ja sinuom zarainva iji jaka juf. Ijefuon maiji ire ma iji jan iviakma karev. Regavo ire iji bu barekva nabagain kafu irerag ijar jon rekfuon?

Romens 11:20

Ja ijeg vierafekva iji fun maren. Ijefuon maiji e Jius iji buba Jesu Kurais ma vierafenva ijefuon God fu bu nuigafiain. Revo e Jius bakin jaiji ja Jesu Kurais ma vierafenva ijefuon God fu ja kege una e Jius iji fu uzainva ijiebuon ar ijia uniak. Ja e Jiusbuon ar iji jar aben ijefuon jab uri koikjo aroikarak gavo nin juvknum of.

Romens 11:25

Efnun na vierafe ja vuak ma iji sauivkin igi na kuardiakrejo amarigia faikfuon. Na ijeg kuardiakin jab aroikarame vierafero jaiji ja e ma ga e Jius iji bu e isero jab ijeg vierafekfuon. E Isrerko uruvana buka oi karoime una ire ise kafokafo reoknum God uzaken. Bu ijeg vek ise reoke e Jius bakin iji God fu kege uniainma iji buka uruvana Godon ruakega rad God fuson ijar e Isrerko iji karauniak. Ijefuon maiji Godon buk akaij ijia bun usuibe ijeg isoime kuai, E iji e fok igiebuon ise ijia karauniakfuon iji fu Godri e fuon Isrerko ijia be kuaga fu ruak. Regavo e ijar e Jekafon uifarif fok bu unam ise ijia kegoijo iji karauniame aferdia una unam ma ijia uniak.

Romens 12:3

Regavo God fu fuon ma iji fu abe na mien ijefuon na e besubesum ja kia, Jab aroikarame koikjo if jon kam ajiek rega nin isuar oi mafaime vierafeknum keof. Regavo fun Godri e besubesum oijon iji ja ma vierafekfuon iji kege vajiain ijefuon ni koikjo jon ja ma vierafejo iji giaknum keof.

Romens 7:24

Ijefuon iviakma naka oifian bomana abej. Na fuka ise ijar giriesame ivie dab una unam ise na guakfuon ijia vak. Ijefuon erar na turamdieme una aferdie unam ma ijia vak? Fu Jesu Kurais E Bomana nuvuon ijar na keunieme aferdie una unam ma ijia vak. Ijefuon na unam nun na izeg kegoinva na iji kuaiv. Na koiknu vierafe naka oinun fokma na Godon akaij iji mukoi igame unam ma ijia kegokro vierafen. Regavo vajai surif nun fu una akai ise be iji igame una unam ise ijia kegokro vierafen.

2 Fita 1:9

Regavo e be erar ba unam iji kegoino iji fu e iji ni fuon fuka nakin vo zuriainma ijekin. Ijefuon fu izeg Kurais fu guame ise fuon somdainma iji game vierafekma bakin.

Revareson 16:15

Regavo igia faif naiji na e niesamo igeg ruak. Regavo e iji oimarknum fikfuon iji fu e iji tavan bog ba ni naino ga fu sinuom fuon fu samo iji imut kuniaime samua fino e ijin. Fu samaij ijia kuniaime nisaiknum samua fido e fok ijiebuon nifak ijia fuba detabar juvknum ok.

Revareson 2:9

Regavo na afikin jon iji nan vierafen revo na vierafega ja moik igefuon sinuom iji ja bakin revo jaka vek kaven ijefuon sinuom ijia ja uruvana zarain. Regavo e iji bu kuai bu e Jiusno kuaivo ijieb vuak ise kafo joisina kuaivo iji nan faime vierafen. Bu e ijieb Jesu uzame una Setanon e ren.

Revareson 3:16

Ja ire nokarok (2) iji rene naba uruvana oijmie ga ziegafievo ijefuon na ja na juvit igeg iti nun ijia foi korek.