Revareson 22:6 - Namiae

⁶ Areme anera iji fu na kie, Vuak igi fuka mano abe ma vierafene kien. Regavo God E Bomana iji fu Kaven fuon fu e vuak fuon vierafene e kuardiavo iji vajiamo. E ijar anera fuon kuamga fu ari e iji Godon ikrejo iji tavan rad ire iji rekreno iji kuardiakafa ari ruain.

Revareson 22:6 Iomraidhean Croise

Metiu 13:41

Tavan ijia Emabuon Farif igi nar anera nun iji kia bu moikazan fok igia oknum e kege atak. Bu ijia oknum ufien igi bu jafene mian javo ijeg bu ga e iji bu enun iji arafiriavo fok bu kam mian ijia jaken.

Ruk 1:70

Regavo usuibe e akai Godon vuak vierafene kuaivo iji bu ijeg kuain.

Ruk 16:16

Regavo igia faif. E iji bu usuibe karine ruainva iji bu Mosison akaij ijiga e Godon vuak vierafene kuaivo ijiebuon vuak bu isoinva ijia giame jajiaknum karine roke e Jonon tavan ijia usen. Areme Jon fu tavan ijia Godon vuak ma iji izeg fu koikfuon una e fuon ijiebuon oij iji samuagdiakfuon ijin anerene kuain. Ijefuon iviakma e fok bu vuak iji faime buka una Godon e ijiena besum mazikuai buka giriesav.

Eks 12:11

Fu uname vakga Fita fu ijia izeg fu dibur iji arega keko ruainma iji vierafene fui kuai, Iviakma nan vierafe God fu anera fuon kuama fu na keuniekafa ruain. Ijefuon maiji na Kin Erodon daro rotit ijia fij gavo madu e Jius iji buk bu na abe ire ise kafo rekrejo ijefuon anera iji fu ruain.

Eks 3:18

Usuibe God e iji bu vuak fuon vierafene kuaivo ijiebuon ir ijia kuai, E be gafia Godon ruakma fu vajai fian abekno kuainma ijefuon fu areko bu ijeg ren.

Romens 1:2

Regavo Godon vuak ma iji iviakma na abe kuardiaoijo iji fun fur koikfuon usuibe e vuak fuon vierafene kuaivo ijiebuon oij ijia vierafe miama bun vuak iji abe e roin kuardiain. Regavo madu bun abe buk akaij ijia isoin.

1 Korintiens 14:32

Regavo igia fai e be fu vuak be Godri vierafe maga fub migegare uri vuak iji abe kuaikfuon gavo fuka isuar oi dasume samuakfuon. Ijefuon maiji God fu vierafe noba uri rubduinva igeg una isema reokfuon. Regavo madu God fu vierafe noka unam ma ijia ire kafokafo rekfuon. Ijefuon ja sos ijia afuime ire kafokafo rekva nika Godon e iji bu rejo ijeg reokfuon.

1 Korintiens 7:29

Ijefuon maiji efnun iviakma igia izeg no karine roko iji fu tavan jaoijaor ijeg na vakma bakin. Ijefuon jab uri ire moik igefuon iji kege uruvana igia giame oijmiak. Regavo nin unam izeg a E Bomana ijefuon ik rekfuon iji mukorigia vierafef. Regavo efarif iji a bara abekma ab uri ire kafokafo rubdiaga barak on ijesugin bomana vierafek. Regavo madu e be a oifian be abekma ab uri oifian iji abe ma bomana vierafek. Regavo madu erar a tavan kafo oimarmo iji ni mukoi vierafero tavan iji oimarvo iji fu rad bakekro ni ijeg vierafene. Regavo e be a sinuom kimene mon abeno iji a mukoi vierafekfuon. Ijefuon maiji ire iji a fine abeno iji bu tavan bog ana naoimvakva bakin. Ijefuon ab ire moik igefuon iji kege uruvana vierafek. Ijefuon maiji ire ni kafokafo fu moikigia rene vako ijefuon ni giriesame unam ma iji a izeg E Bomana ijefuon ik rekfuon iji mukoi vierafene kevakne.

2 Tesaroniens 1:7

Regavo iviakma igi ja vajai fian abejo iji God fu rad ja abevo no abe besum karaunuoga no vajai fian bakin karik. Regavo ijeg fu rekfuon iji fu tavan iji E Bomana Jesu Kurais fu anera fuon darokin ijiena besum varur gufia ari roko ijia fu ijeg rek.

Ibru 12:9

Asoifnuvuon moikigia bu no musikuome uguar kuarduovoni no mukorigia bu akardiavo. Ijegvo no God Asoinuvuon fu kaven nuvuon iji samuagdiamo fu mukorigia fu agoiknum moikigia kari vakfuon.

2 Fita 3:2

Na ja ejafiame kuardiaga ja vuak iji e akai iji Godon vuak vierafene kuaivo bu kuardiainva ijiga e afasor bu E Bomana Jesu Kurais e iji e karauniamo ijefuon vuak iji bu kuardiainva iji mukorigia vierafekfuon.

Revareson 1:1

Buk igi God fu ire iji fu iviakma igem rekfuon iji fu abe Jesu Kurais nijaimga fu abe e iji bu fu igame fuifuon ikrejo iji nijaidiainma ijin. Jesu fu anera fuon iji kuamga fu ari e fuifuon ikreno e Jon ire iji nijain.

Revareson 18:20

Mai Bebiron fun iserme barenma ijefuon e fok varur ijia karinva e Godon ikrejo ijigam Jesuon vuak abe e kuardiavo iji fok jaka oimaref. Mai iji fu ise iji fu jon renma ijefuon Godri ef una fu dab ma arafirinmano kuain.

Revareson 19:9

Areme anera iji fu na kie vuak igin isoimne kie, E iji bu Maf-Sif Uka fu bara abekreno iro ijia vakuai fu kiainma iji buka bomana oimarkfuon. Regavo anera iji fu una madu kie, Vuak igi fuka ma Godon ruainmano kien.

Revareson 21:5

Areme e iji fata ijia fino ijar kume, Igia gaf. Iviakma na ire fok kege iviamkor rej. Regavo fu una madu na kie, Vuak iji isoimne ijefuon maiji vuak iji fuka ma ga vuak iji buka ma vierafekfuon.

Revareson 21:9

Areme anera seven (7) dis iji bu kege moikigi vajai fian miakuai kuniaime irenva iji be fu na manijo ijia ruain. Fu kekome na kie, Roga na Maf-Sif Uka ijefuon bara iji fu iviakma abenma iji nijaidavno kien.

Revareson 22:1

Areme anera iji fun una do be e bu ine ijia karivako iji fu ruvako ijin nijaidien. Regavo do iji fuka mukoi abarenma ijar God ko Maf-Sif Uka ijiebuon fata rotit ijia kaname keko ruain. Revo do iji fu kaname mai ijefuon unam iji vainma ijefuon uf ijia vain. Regavo do irif roinroin ijia bu in iji sunin iji tura ine tavan bog ijia karivako ijieb ijia name vain. Regavo in iji bu asam besubesum guf ijia kiravo ga juaivasia besum iji buka kukma kiravo. Regavo in ijefuon ak iji e moikigia oijo bu iji turame matan buon ga vajai fian buon omaniga bu madiamo.

Revareson 22:16

Na Jesu nar anera nun iji kiavga bu vuak iji sos ijia ja kuardiakuai vuain. Naiji na e Devidon uifarif ga na aganfuon ijia uinve ruain. Regavo naiji na ire mujur iji mukorigia sanamo iji fu tavan irasmo ijia ajiemo ijin.

Revareson 22:7

Jesu fu kia, Mukorigia faif naiji na migegare una ruak. Erar fu e iji Godon vuak vierafene kuaivo ijiebuon vuak ma iji bu buk ijia isoinva iji igakva e iji buka oimarkfuon.

Revareson 4:1

Areme na una madu nimamaime ga varur gufia vien be fu dajain. Regavo kua be veg igekin fu amur kuardiema na fainva ijar vek ijia kume, Ajieme igia roga na irerag fu rad rekreno iji nijaidavno kumen.