Revareson 22:10 - Namiae

¹⁰ Areme anera iji fu madu kie, Ab vuak iji e Godon vuak vierafene kuaivo bu buk igia isoinva iji abe sauik. Ijefuon maiji tavan iji fuka samairedo ire fok buka rekfuon.

Revareson 22:10 Iomraidhean Croise

Metiu 10:27

Regavo vuak irerag na naki kuardiavo iji ni jasik maza ijia useme dab e fok kuardiaf. Regavo vuak irerag no isuar nuvuonkua kuaimoinva iji nika abe useme ar iror fok kuardiame vaf.

Romens 13:11

Regavo ja vuak fok na kuardiava jan ijegreoijo ijefuon ja ni nisuime karijo bakin. Ijefuon nika ijeg ni narame kariof ijefuon maiji tavan iji Jesu fu una ise nuvuon fok no moikigia reoijo ijia karaunuokafa roko iji fun samairen. No ik Jesu no ma vierafenva ijia no kuai tavan iji Jesu fu una ruakreno iji fun samairenmano kuain gavo iviakma ijar tavan iji fuka ma samairen.

Romens 13:12

Regavo tavan nuvuon moikigia no karine roko iji fun tavan irasekreno ijeg barek ren. Regavo tavan iji no una Jesu Kuraison sanainma iji gakrejo iji fun samairen. Ijefuon no unam ise fok e bu naki reoijo ijeg no reoijo iji noka kege gareg kozegavo una unam ma ijesugin keok. No ijeg kegokva noka e iji bu tavan iji bu bijaikuai jua magu buon kege samua karijo ijeg nok madu no samua karine ire ise fok Setan fu nuvuon rekafa roko iji rareknum karik.

2 Tesaroniens 2:3

Ijefuon e ijieb vuak kufui kafokafo kuardiakva jab ma vierafek. Regavo ni vierafe tavan sumakin iji fuba migegare ruak revo fu samuake e uruvana bun God uzaga fuson ijia ruak. Regavo madu tavan sumakin iji fu samuake e ise iji fu iviakma Godk nigarain vo ke darotuakafamo iji fu koikfuon abe samafrek. Regavo e ise iji fu Godri rad abe ai vajai fian abejo ijia arafiriaga fu vajai fian abene barek.

1 Fita 4:7

Regavo efnun tavan iji ire fok moikigia naoivo iji bu barekfuon iji fun samairen. Ijefuon ni uri ni naraknum vo koikjon mukor samuanamikin ja giriesame Godon sirimameknum karik. Regavo ire ijia ka ma bomana iji nika mukorigia jon oijmanamif. Ja ijeg oijmanamikva ja kaifjon iji bu jon isema rekva ja magiaga una bu oijmiaknum karivak.

Revareson 1:11

Na fai fu ijeg na kuardien, Irerag fok a giamo iji buk ijia isoimne kien. A isoime abe e God ma vierafejo ar mai seven (7) karinva iji nijiamne. Ar mai if buon iji Efisis ga Smairna ga Fegamam ga Taiataira ga Sadis ga Firaderfia ga Reodisia iji nijiamne.

Revareson 1:3

E iji erar fu irerag fu rad rekreno iji mukoi dame faimo iji fuka oimarkfuon. Regavo madu erar fu vuak iji bu isoinva iji faime abe oifuon ijia abedeme igamo iji fuk fuka oimarkfuon. Ijefuon maiji tavan iji fun samairedo ire fok fu rekfuon.

Revareson 10:4

Bu kumejga na migegare vuak iji isoikrejga e be fu varur ijia na kumen. Fu kume, Varur seven (7) iji bu kumene vuak iji bu kuaivo iji ab abe isoik revo nin vuak iji isuar sauime oij on ijia vierafene abedemne kumen.

Revareson 22:16

Na Jesu nar anera nun iji kiavga bu vuak iji sos ijia ja kuardiakuai vuain. Naiji na e Devidon uifarif ga na aganfuon ijia uinve ruain. Regavo naiji na ire mujur iji mukorigia sanamo iji fu tavan irasmo ijia ajiemo ijin.

Revareson 22:18

Na Jon nar ire iji fu rad rekfuon iji buk igia isoin. Na isoime e fok ja ejafiame ju kuardiame kia, E iji eraneb vuak buon kafo vuak igefuon ijia buin ifene kuaikva Godri ire iji fu e vajai fian abekfuon iji bu buk igia isoinva ijia kege e ijin vajai fian miak.

Revareson 22:20

Jesu Kurais e iji vuak fok igi kuarduomo iji fu kume, Iji fuka mano kuom. Regavo fu madu kume, Naiji na migegare una rokne kumen. Regavo naiji na una kume, Mare! Jesu E Bomana ni rokno kumen!

Revareson 22:7

Jesu fu kia, Mukorigia faif naiji na migegare una ruak. Erar fu e iji Godon vuak vierafene kuaivo ijiebuon vuak ma iji bu buk ijia isoinva iji igakva e iji buka oimarkfuon.

Revareson 22:9

Regavo anera iji fu una na kie, Ab nun sirimamegavo ni una Godon sirimamene. Ijefuon maiji naiji na e be a aikin Godon ikrejo revo e uviaifnuvuon iji Godon vuak vierafene kuaivo ijekin be. Regavo madu na e iji bu Godon ik reoknum vuak fuon ma iji buk igia isoinva iji igiavo ijekin beno kien.

Revareson 5:1

Regavo na madu e iji fata ijia fino ijefuon imut maink ijia ga fu ire buk igekin be anuinma iji kunaime fin. Regavo ire buk igekin iji fu kunaime fino iji bu roinroin isoime okurame aren revo kaf ijia bu kajek seven (7) tamukuriain.