Revareson 20:8 - Namiae

⁸ Fu kekome moik fok ar iror igia oknum e iji Gog ga Megog bu ateseme oinva iji biesiak. Setan fu e iji biesiame aferdia ijia afuime bu e uruvana ire jier saof irif ijia naoivo ijegrega fu aferdia bijaikfuon.

Revareson 20:8 Iomraidhean Croise

Ibru 11:12

Regavo Eburam fuka guakafa samairenma ijia e besum ijar e uifarif ka uruvana ire mujur vo jier saof irif iji noba davo ijeg abeden.

Revareson 12:9

Bu ire dregon bomana iji bu dab kozva fu ari ruain. Regavo ire dregon iji fu usuibe fi ruainma iji if fuon be bu kua Setan kuavo. Regavo e iji fu e fok moikigia oijo iji biesiamo ijin. Bu fu dab akozevga fu anera fuon ijiena ari moikigia ruain.

Revareson 16:14

Regavo kaven iji buka kaven ise ga bu daro buon ijia ire sumakin kafo reoij. Bur useme va e kin moik kafokafo samuavo iji aferdiame besum afuikin bu God e darokin ijefuon tavan ijia bu bijaikfuon.

Revareson 20:10

Rene Setan e iji fu bu biesiainma iji bu kunaim dab mian kavuaime naino bu kua sarfano kuavo ijia akozen. Bu kunaime ar iji maf kuriaij ijiga e iji bu e biesiame vuak nijaidiaoijo bu koreva ijia korek. Regavo e iji bu nakikmazak ijia vajai fian abene vak.

Revareson 20:3

Areme bun kunaim dab mako iji dibur ba gavo ijia abesme vien bijukurain. Fu una kekome e moikigia oijo iji arafiriakro bu ijefuon dab bijukurain. Ijefuon fu juaivasia vuan taosen (1,000) ijeg fu ijia fikfuon. Fu ijia fine juaivasia iji barga bu sen irasga fu tavan ivuankbe ijesugin ok.

Revareson 7:1

Na ire iji gia barme na una ga anera nokarok ga nokarok (4) iji bu moik igefuon kusok roinroin ijia iren. Regavo anera be fu kusok iji tavan ajiemonak ijia manin. Regavo be fu kusok iji tavan koin nak ijia manin. Regavo nokarok (2) bu kakare ijefuon kusok roinroin ijia iren. Bu ireme buibur iji bu ufime ire fok moik guf ijia naoivo ijiga saof ijia kativo iji bijukuriame iren.