Revareson 20:10 - Namiae

¹⁰ Rene Setan e iji fu bu biesiainma iji bu kunaim dab mian kavuaime naino bu kua sarfano kuavo ijia akozen. Bu kunaime ar iji maf kuriaij ijiga e iji bu e biesiame vuak nijaidiaoijo bu koreva ijia korek. Regavo e iji bu nakikmazak ijia vajai fian abene vak.

Revareson 20:10 Iomraidhean Croise

Metiu 25:41

Areme na una e ise iji ij azinak ijia irenva iji kiak, Jaiji na isediemo gareg vaf. Jaiji jan koikjo tavan bog unam ise iji oifian abeokfuon ja ijia kegoinva ijefuon ni mian iji naine vako iji God fu Setan ga anera fuon ijiebuon fu kanafuinma ijia vaf.

Metiu 25:46

Jaba ijeg e roin ifejdiainva ijefuon ni ar iji ja tavan bog ijia oifian abe vakfuon ijia vafno kiak. Regavo e iji maturainva iji bu ar iji e bu tavan bog ijia ma karivako ijia vafno kiakno kiain.

Metiu 7:15

Jesu fu ijeg kuardiame kia, Ja okva ni e i kufuikin iji bu vuak nun abe kuaimoijo iji mukor giaknum of. Bu ja karinva ijia roko iji buka e ma ga mukoi kego igekin. Regavo oibuon ijia izeg bu vierafeoijo iji buka siroij kuriai igekin. Bu jon ja ma vierafejo iji kam arafiriakuai reoij.

Revareson 16:13

Areme na una ga kaven ise nokbek (3) ire saban igekin ijieb dregon ijefuon ir ijia usen. Regavo saban roin bu maf kuriaij ijiga e iji vuak kufuimene kuaivo ijiebuon ir ijia usev.

Revareson 19:20

Regavo ire maf kuriaij ijiga e iji vuak kufuimene nifak fuon ijia e nijaidiaoknum ire sumakin kafokafo reoinva iji bu kam dibur uniain. (Fu ire sumakin iji reoinma ijia fu e iji bu maf kuriaij ijefuon anf kenva ijiga maf kuriaij ijefuon kaven iji imut amarenva bu sirimamejo ijin biesiain). Maf kuriaij ijiga e iji vuak kufuimene e nijaidiaoinva iji fu nivek aferdiame kam mian iji kavuaime naino bu kua sarfano kuavo ijia korek.

Revareson 20:8

Fu kekome moik fok ar iror igia oknum e iji Gog ga Megog bu ateseme oinva iji biesiak. Setan fu e iji biesiame aferdia ijia afuime bu e uruvana ire jier saof irif ijia naoivo ijegrega fu aferdia bijaikfuon.

Revareson 9:17

Regavo iji na nimamainva ijia na maf-os ijiga e iji ijia ajie karinva iji nan giain. Regavo ire darer buon bu guge nufiavo iji fu kavuan mian igeg nain. Regavo fuka ire inak vajat mun safaia kuavo inak vajat ga madu ka garam ire sarfa kuavo igekin. Regavo maf-os ijiebuon nigen iji buka fanuf raionbuon nigen ijekin. Regavo ir buon ijia fuka mian igeg naikoga uk ka garam sarfano kuavo ijekin ijar ijia utuame usev. Ire nokbek (3) ka ise maf-os ijefuon ir ijia usenva ijieb moikigia e moik ukakbe (1 1/3) oinva iji bur kania barek.