Revareson 12:4 - Namiae

⁴ Areme dregon iji fun vien fuon ijia dab varur fateroin ijia ire mujur fok irenva iji numume abe moikigia abesen. Fu ijegrene fun bara ijefuon nifak ijia mani arega bara iji fu am nafega fu jaki dab ikafa fu ijia manin.

Revareson 12:4 Iomraidhean Croise

Jon 8:44

Ja asoijon Setan e kaven ise ijin ijefuon ja uri asoijon ijefuon fuon fu vierafeno ijia reokuai vierafen. Ik anej ijia fuiji fuka e kaniaga bu aoivo gavo fuba una vuak ma iji jame unam ma ijesugin reoin. Ijefuon maiji fu oifuon ijia fu vuak ma iji vierafene ijia reoino bakin. Fu vuak kufui kuaimon ijefuon maiji fu e ir kufuikin ga madu fuiji fu e kufuimeoijo ijiebuon asoij.

1 Fita 5:8

Regavo jab nitubaikgavo uri ni narame koikjo samuanamime nisaiknum karif. Ijefuon maiji fanuf raion ka ma kuriai e jakia bua ino iji fu vasiaguaga fu kurimoino ijegvo e ani jon Setan fu ijeg jon izeg ja Jesu ma vierafejo iji kam iserekafa oin.

Revareson 12:7

Anera uguaikin Maiker fu anera fuon ijiena bu ire dregon ijiga anera fuon ijiena ka bomana varur ijia bijain.

Revareson 12:9

Bu ire dregon bomana iji bu dab kozva fu ari ruain. Regavo ire dregon iji fu usuibe fi ruainma iji if fuon be bu kua Setan kuavo. Regavo e iji fu e fok moikigia oijo iji biesiamo ijin. Bu fu dab akozevga fu anera fuon ijiena ari moikigia ruain.

Revareson 13:2

Ire maf kuriaij iji saof ijia ajie kekoma na gainva iji fuka ire busi bomana bu kua refodno kuavo igekin. Regavo dia tat fuon iji fu ire fanuf bu kua beano kuavo igekin ga ir fuon iji fu ire raion igekin. Regavo ire dregon ijar daro fuon fu e bomana rene fata fuon ijia fine ai fok fu samuagdiamo iji atame maf kuriaij iji vajain.

Revareson 13:4

Regavo e fok bu ire dregon iji ma vierafene fu javo ijefuon maiji fur daro fuon iji atame maf kuriaij iji main. Regavo madu bu maf kuriaij iji igame jaknum fuon sirimamene kuai, Erar fu maf kuriai iji aikin ga erar fu fusik bijaikno kuaiv?

Revareson 16:13

Areme na una ga kaven ise nokbek (3) ire saban igekin ijieb dregon ijefuon ir ijia usen. Regavo saban roin bu maf kuriaij ijiga e iji vuak kufuimene kuaivo ijiebuon ir ijia usev.

Revareson 17:18

Regavo bara iji a gainma iji fu mai darokin iji fu moikigia e kin moik kafokafo samuagdiavo iji samuagdiam.

Revareson 20:2

Regavo anera iji bun ire dregon iji amur bu kua tabar Setano kuavo iji kunaime sen dab tome juaivasia vuan taosen (1,000) ijeg unain.

Revareson 8:10

Regavo madu anera tiri (3) iji fu veg fuon dab foikoga varur ijia mujur bomana ijar ikuosai igeg naine ari dijen. Fu ari moik ivuankbe do iji vako ijiga do iji e bu ijo ijia arin.

Revareson 8:11

Fu ijia arimga do iji roin bun una imag aruin. Ijefuon maiji mujur ijefuon if iji bu kua Imagno kuavo. Do iji bu imag aruinva ijefuon e uruvana bu do iji ine buka aoim baren.

Revareson 8:12

Regavo anera fo (4) iji fun uri veg fuon dab foin. Fu foiga veni fateroin dab iseren revo asam ijiga mujur ijiebuon sanavo iji fateroin bun iseren. Bu iserenva ijefuon veni iji fu sanamo iji fu suok ijesugin sanam revo nakifuon fu nakim. Regavo asam fu sanamo iji fu sana vake ve ufrenma ijia fu sanamo bakin revo fu migegare una ve nakim.

Revareson 8:7

Bu samuame ireko anera amur iji fu veg fuon dab foin. Fu foiga ire ais ijiga mian ijar kavuan ijekma afurvene moikigia usen. Fu usem moikigia arime moik ivuankbe in bu ijia irenva iji roin naine ire garas fok fuka naine baren.

Revareson 8:8

Fu ijegrekoga anera tu (2) iji fu uri veg fuon dab foin. Fu foiga ire be nafar bomana mian naino igekin iji buda saof ijia akozen. Bu dab ijia akozekoga saof iji fu dab atame nokbek (3) ren. Areme saof iji ivuankbe fuka kavuan ijar okurakoga kijum guf ijia oijo fok buka aoim baren. Regavo madu sisim iji bu ijia oijo fok buka ma iseren.

Revareson 9:10

Regavo misur ijiebuon vien iji bu ire sugon ijiebuon vien igekin ga daro buon bu e jakiaga bu asam imut roin (5) abe karijo iji bu vien buon ijia naoiv.

Revareson 9:19

Maf-os ijefuon daro iji bu ir ijiga vien ijia naoiv. Vien buon buka ire tabar igekin ijefuon bu ijia e uruvana jakia matan vajiav.