Revareson 10:1 - Namiae

¹ Na madu ijia mani ga anera darokin be fu varur ijia vana iji burame ari rok. Fu vana ijar okurako fu ijia ari ruako na gaga nigen fuon iji fu ire anuag ijar sa ameoine aren. Regavo uikinik fuon fuka veni igeg sanain revo masian fuon buka mian igeg nain.

Revareson 10:1 Iomraidhean Croise

Metiu 17:2

Bu ijia ajieme ire gakoga Jesuon vajat fok fu ijia una nibe ren. Uikinik fuon iji fuka veni igeg sanakoga ugon fuon iji buka abarme ire bivar iji bu abe veni ijia karavo ijeg ren.

Ruk 21:27

Areme tavan ijia Ema ijiebuon Farif igi na una vana araf ijia daro ga sanaima nun ijekma roga ja giek.

Eks 26:13

E bomana na Damaskas vako ijia tavan uk maniko ijia na ga varur gufia vebu karako na gaga e iji nana vako iji no irenva iji fuka amarigia sanain.

Revareson 1:7

Regavo e fok bu ni buon ijia fu vana ijia burame ari roga bu gakfuon. E iji bu juaf abe fu bijainva iji buk bu fu gak. Regavo e ar iror igia karioinva fok bu fu game dab niraifirik. Regavo ire iji fuba masirek revo fu tavan rad rek. Mare.

Revareson 18:1

Areme na una gak anera be fu varur ijia ari rok. Regavo anera iji fuka ma darokin ga vajai fuon iji fu zin igeg iramo ijar moik fok igi fuka sanabaren.

Revareson 18:21

Rega anera darokin ijar mun ka bomana afikin iji dab urine saof ijia akozen. Fu abe ijia akozme kume, Mai bomana Bebiron iji fu ijeg dab saof ijia kozga noba una fu gakno kumen.

Revareson 20:1

Areme na ga anera be fu varur ijia ari rok. Regavo imut fuon ijia fu mako bomana ka dibur iji ba gavo ijefuon ki ijiga ire sen afikin ijin imut fuon ijia kuniain.

Revareson 4:3

E iji fata ijia fino nifak fuon fu abaikirame ire mun ka mukor kavuan be bu jasfa kuavo ijekin ga madu mun inak vajat be bu kanerian kuavo ijekin. Regavo fata iji fu fino irif ijia ire anuag inak vajat be ijar ijia same ameoin.

Revareson 5:2

Regavo na gako anera ka ma darokin ijar uruvana biumame kume, Erar fu aresredo fu kajek tamug iji kunia turame buk iji anu abedenva iji abe irakno kumen.

Revareson 8:13

Na iji giame na mani faikoga um buruof kaf ijia oino ijar uruvana igia kumen. O ja esenia o ja esenia e moikigia oijo esenia. E anera nokbek (3) vek irenva ijieb veg buon foikva ire ka ma ise ijieb rene e fok kam ma arafiriakno kumen.