Revareson 1:3 - Namiae

³ E iji erar fu irerag fu rad rekreno iji mukoi dame faimo iji fuka oimarkfuon. Regavo madu erar fu vuak iji bu isoinva iji faime abe oifuon ijia abedeme igamo iji fuk fuka oimarkfuon. Ijefuon maiji tavan iji fun samairedo ire fok fu rekfuon.

Revareson 1:3 Iomraidhean Croise

Metiu 24:15

Jesu fu ijeg kuardiame kia, Ja ar bu sirimamejo guf ijia vo fata akaij iji bu isuf baroijo ijia ire ise be fu ijia rega ja gak. Ja gakva ni Danier e Godon vuak vierafe kuaimon fu usuibe kuai, Ire ise be fu rekno kuainma iji vierafef. Ja ire iji gakva ni e fok Judia guf ijia karinva iji kiaga bu migegare subinaime uruor mamkanuk iji irevo irif ijia vaf.

Romens 13:11

Regavo ja vuak fok na kuardiava jan ijegreoijo ijefuon ja ni nisuime karijo bakin. Ijefuon nika ijeg ni narame kariof ijefuon maiji tavan iji Jesu fu una ise nuvuon fok no moikigia reoijo ijia karaunuokafa roko iji fun samairen. No ik Jesu no ma vierafenva ijia no kuai tavan iji Jesu fu una ruakreno iji fun samairenmano kuain gavo iviakma ijar tavan iji fuka ma samairen.

Romens 13:12

Regavo tavan nuvuon moikigia no karine roko iji fun tavan irasekreno ijeg barek ren. Regavo tavan iji no una Jesu Kuraison sanainma iji gakrejo iji fun samairen. Ijefuon no unam ise fok e bu naki reoijo ijeg no reoijo iji noka kege gareg kozegavo una unam ma ijesugin keok. No ijeg kegokva noka e iji bu tavan iji bu bijaikuai jua magu buon kege samua karijo ijeg nok madu no samua karine ire ise fok Setan fu nuvuon rekafa roko iji rareknum karik.

1 Fita 4:7

Regavo efnun tavan iji ire fok moikigia naoivo iji bu barekfuon iji fun samairen. Ijefuon ni uri ni naraknum vo koikjon mukor samuanamikin ja giriesame Godon sirimameknum karik. Regavo ire ijia ka ma bomana iji nika mukorigia jon oijmanamif. Ja ijeg oijmanamikva ja kaifjon iji bu jon isema rekva ja magiaga una bu oijmiaknum karivak.

2 Fita 3:8

Ijefuon kaifnun jab vierafero E Bomana iji fu saroime ire iji fu kuainma iji rekro ijeg jab vierafek. Regavo madu jab rubdiak E Bomana fu juaivasia vuan taosen (1,000) barekma fu kuainma iji fu aibe iji bakin revo fu vierafenma fuka naki besum (1) igekin. E roin bu vierafe E Bomana iji fu saroim ijefuon ire iji fu usuibe ruakafa kuainma iji fuba reno kuaiv. Regavo ni mukorigia vierafef fu isuar oi mafaime ja samuaknum ren. Ijefuon maiji fu e besum be fu arafiriakfuon iji fu uzam revo fu vierafe e fok no ise iji areme una fuon vaga fu no karaunuokfuon.

Revareson 22:10

Areme anera iji fu madu kie, Ab vuak iji e Godon vuak vierafene kuaivo bu buk igia isoinva iji abe sauik. Ijefuon maiji tavan iji fuka samairedo ire fok buka rekfuon.

Revareson 22:12

Regavo Jesu fu madu kia, Igia faif naiji na una ruakfuon. Revo na ruakva na ire kafo kege ruainki e iji bu izeg nuifuon mukorigia ik reoinva iji na una ef ire kafokafo vajiak.

Revareson 22:20

Jesu Kurais e iji vuak fok igi kuarduomo iji fu kume, Iji fuka mano kuom. Regavo fu madu kume, Naiji na migegare una rokne kumen. Regavo naiji na una kume, Mare! Jesu E Bomana ni rokno kumen!

Revareson 3:11

Naka iviakma igef roko ijefuon giriesame unam ma iji ja rejo ijia kegof revo jab zazaiga e kafob ja asidiame kaven ijefuon ire ma iji ja varur gufia kekfuon iji karek.