Metiu 9:37 - Namiae

³⁷ Ijefuon Jesu fu una dakaroim e vuak fuon faivo iji kia, Godon juar ijia ire iji na giamga buka uruvana duin. Regavo e iji bu juar iji masime ire ijin kanafum ar ma ijia nakfuon iji buka sibank.

Metiu 9:37 Iomraidhean Croise

Metiu 20:1

Ijefuon e iji God fu oibuon iji samuagdiamo iji fu e juar koikin iji fu suok nakitu gamia kekome va e kiaga bu fuifuon ikredake fu mon vajiakma igekin.

Metiu 28:19

Ijefuon uri ar iror igia vuak nun iji abe e fok kuardiame aferdiaga bu una e vuak nun faivo iji rej. Ja aferdiakva ni kege God Asoi ga God Farif ga God Kaven ijiebuon if ijia do ruardiaf. Regavo madu jaka vuak nun fok ja rekfuon na kuardiainva ijin e nijaidiaga bu igiame ijia keof. Regavo igia faif. Naiji naba ja uniakok revo naka tavan bog jana fivake ka tavan radkma ijia kekokno kiain.

Metiu 9:38

Ijefuon uri sirimame God juar iji samuamo iji kuardaga fu una e juar ijia ikrekfuon iji kafo kega bu juar ijia ire iji masime una ar ma ijia nafno kiain.

Mak 16:15

Areme Jesu fu uri kia, Va ar iror ijia vuak nun ma iji abe e fok kuardiaof. Erar fu oi dakaroime na ma vierafene do ruaikma e iji God fu keunak. Regavo erar fuba na ma vierafekma God fu e iji abe vajai fian mak.

Ruk 10:2

Fu ijegreare uri vuak be ijeg bija kuardiame kia, Juar ijia ire uij uruvana fun duin. Regavo bu e iji uij iji kanafukfuon iji buka uruvana bakin. Ijefuon ni sirimamene una e uij koikin iji kuaga fur e ikrejo roin kega bu uij iji kanafukfuon.

Eks 16:9

Regavo For fu naki ijia nimamaime ga e Mesedoniako be fu ijia manine anaime kua, Ni ro Mesedonia ijia no ifejduomne kuain.

Eks 18:10

Naiji na osik ijefuon fu erar a isema rekma bakin ijefuon maiji e roin mai Korint ijia karinva iji bu e nuno kuain.

1 Korintiens 3:9

Ijefuon na Aforask no kafokafo bakin gavo no besum Godon ik rej. Regavo jaiji ja juar God fu samuamo ijekin. Revo kaifnun na una vuak be bijame kuardiako ni faif. E fok ai Korint ijia ma vierafejo iji jaiji ja Godon ar igekin. Fu ja kam ar fuon fu ijia fikfuon ijeg amaren.

2 Korintiens 6:1

Regavo efnun no jana besum Godna ikrej ijefuon no soisoime kiavno jab izeg God fu ja ifejdiame ma rediainma ijin abe nisek.

Korosiens 4:11

Regavo madu Josua e iji bu kua Jastasno kuavo iji fuk fu ja anadiain. E nokbek (3) iji buk bu e Jius ga bu buonkua Kurais ma vierafeknum nana ikrejo. Bu na ifejdiega no besum e nijaidiame kia bu Jesu abega fu ebuon Bomana igegrene God kuaga fu bu samuagdiakuai no iji kuardiav.

1 Timoti 5:17

Regavo ni e mamkanuk iji eraneb sos ik samuavo iji mukorigia kimene mon buon vajiaknum arordiaf. Regavo ni e mamkanuk kafo ijia bu tavan bog nui bakin Godon vuak iji mukorigia uruvana kuardiaknum nijaidiavo iji ka mukorigia kimejknum arordiaf.

Jeims 5:4

Ja ijegrejknum e iji bu jon ik rejo iji jaba mon bu ikrejo ijefuon vajiav revo vuak buon iji bu kuardiavo iji jaba mukoi faiv. Regavo e iji juar jon ijia ire jon kanafum oijo iji bu oifiaigma kume oijo iji God E Bomana iji fun faim.