Metiu 7:7 - Namiae

⁷ Jesu fu ijeg kuardiame kia, Ja ire kafo vierafekva nika Asoijon varur gufia fino iji kuardaf. Ja kuardakva fu irerag ja kuavo iji fuka vajiak. Regavo ja ire be nisaikva nika giriesame magaga nisaikva God fu nijaidiaga ja gak. Regavo madu ja ire kafo vierafene ar fuon vien ijia kanakanakva fu vien dajame ifejdiak.

Metiu 7:7 Iomraidhean Croise

Metiu 18:19

Regavo madu igia faif. Ja e nokarok (2) ja moikigia oine ire kafofuon oi besum vierafene sirimamene kuakva Asoinun varur gufia fino iji fu ifejdiak.

Metiu 21:22

Regavo madu ja ma vierafekva irerag ja sirimamene Asoijon kuavo iji fu vajiakno kiain.

Metiu 6:33

Ijefuon ni izeg God fu oijon iji samuagdiakfuon iji bomana vierafe vo unam fuon ma iji fu vierafenma ijar abe amur vierafene keof. Ja ijegrejknum kariokva fur koikfuon una madu ire iji ja kege karivakfuon iji kafo ifejdiak.

Metiu 7:11

Jaiji ja e ise rejo ga amjon bu ijeg ire kafofuon kiakva jaka uri ire ma iji bu kiavo iji kam vajiakfuon. Ijegvo Asoijon iji varur gufia fino iji fu eraneb bu kuakva fu ire ma iji vajiak.

Metiu 7:8

Ijefuon maiji eraneb ja God tavan bog ire kafofuon kuavo iji ja karekfuon. Regavo eraneb ja nisaikva ja giak. Regavo madu eraneb ja vien ijia kanakanavo iji fu vien dajame ifejdiak.

Mak 11:24

Ijefuon igia fai. A ire befuon God sirimame kuakma nin oion ijia ire iji an abenma igeg vierafene sirimamekma ire a kuamo iji a abek.

Ruk 13:25

Regavo igia faif. E ar koikin fu uri vien fuon iji fu abe bijukurak. Areme a makaf ijia manine kanakanaknum kua, Eko vien dajamne kuakma fu una kua, A izia ruainma iji naba vierafenvano kuak.

Ruk 18:1

Areme Jesu fu vuak be bijame e vuak fuon faivo iji kuardiain. Fu ijeg kuardiaga bu vierafekin buka tavan uruvana sirimamekgavo buba uzakfuon.

Jon 15:16

Regavo jaiji jam jar nun ruainva bakin gavo nar ja kenvano ni va tavan bog if nun ijia unam ma ijesugin kegokfuon. Ja ijegrenki ja ire kafofuon if nun ijia Asoinun kuakva fu ifejdiak.

Jon 15:7

Regavo ja tavan bog nana karioknum ga vuak nun iji igiekva ja ire kafo vierafene kiekva God fu ifejdiak.

Jon 4:10

Ijefuon Jesu fu una kua, A irerag God fu vajamo ijiga e igi erar igia fine a dofuo kuamo iji mukoi vierafebatie a fu kuaga fur do ma iji jiame a mak. Ijefuon maiji fur do iji bu ine tavan bog ijia ma karivako iji abe una a mak.

Romens 2:7

E kafo buka tavan uruvana mimatame unam ma ijia reoij. Bu tavan uruvana kaifijaf ga e kafokafo ifejdiaga God fu bu arordiaknum nidosiakro bu iji vierafen. E iji ijeg kegoijo iji God fu buon oimarmo ijefuon fu bu kege uniaga tavan rad bu ma karivak.

Romens 3:11

E besum fuba ma vierafene Godon unam ma iji gakrok nisaimo bakin. Regavo e fok bun God nuigafame bun unam ise iji jaoij. Regavo e fok bu unam ma iji ba mimatame kegoijo ijia e besum fuka ma bakin.

Ibru 11:6

Ijefuon igia faif ebe erar fuba God ma vierafekma God fu izeg oimarkma bakin. Ijefuon erar fu Godon e rekma fuka ma vierafekfuon. Fu ma vierafero God fuka tavan bog ijia fivako ga madu fu e iji eraneb bu fu gakuai nisaivo ijin roib unam ma kafo buon rediamro bu ijeg ma vierafek.

Jeims 5:15

Regavo e iji bu sirimamejo iji bu ma vierafeknum sirimamekva e adagin iji fu migegare maik. Ijefuon maiji E Bomana fu sirim buon fainma ijefuon adam fuon iji fu barek. Regavo e adagin iji fu ise kafo rega E Bomana iji fu ise fuon game arek.

1 Jon 3:22

Regavo irerag no kuaga fu vajuomo ijefuon maiji no vuak fuon mukoi igaknum irerag no reoijo iji fuka oimarmo ijefuon fu ijeg ren.