Metiu 6:31 - Namiae

³¹ Regavo jab uri duok ga do ga sinuom ijiebuon kari uruvana igia vierafero note izia ire fok karekro karine ijeg vierafek.

Metiu 6:31 Iomraidhean Croise

Metiu 15:33

Jesu fu ijeg kuardiamga e vuak fuon faivo iji bu una kua, Noka ai moikum namo duok bakin igia karij. Ijefuon no izia duok kege e fok guri gormiakno kuain.

Metiu 4:4

Fu ijeg kuamga Jesu fu una kua, Usuibe Godon vuak bu buk akaij ijia isoinva iji fu ijeg kuai, Barubara buba tavan bog duok ijesugin iogavo buka Godon vuak iji vierafene reok.

Metiu 6:25

Ijefuon na igi kuardiakrejo ni mukoi faif. Jab tavan bog uri vajai surif ijefuon duok ga do ja ik ga ugon ja sakfuon iji uruvana vierafeok. Ijefuon maiji duok ijiga sinuom iji bu ikin bakin. Regavo vajai jon ijiga jon ja karivakfuon ijar fuka ma ire bomana ijefuon ja ijar bomana vierafekfuon.

Metiu 6:27

Ijefuon erar fu vajai surif ijefuon ire iji uruvana vierafeoino iji fu juaivasia fuon iji abe biom jiamana abedeme fivakma bakin.

Ruk 10:41

Fu ijeg kuamga E Bomana Jesu fu una roin Mata kua, Aiji a irerafuon ire uruvana rekafa bomana vierafeknum ziem?

Ruk 12:11

Regavo madu igi faif. E bu ja aferdia kam ar e Jius bu afuime vuak kuaivo ijia vo ba e mamkanuk roin ijiebuon nifak ijia vo ba e akai samuavo ijiebuon nifak ijia kotrekuai vaga jab oifiadiak. Ja vuak izeg ga vuak irerag ja kuardiakva ijin jab uruvana vierafek. Ijefuon maiji Godon Kaven ijar tavan ijia vuak irerag ja kuaikfuon iji fur vierafe vajiaga ja kuardiakno kiain.

Ruk 12:22

Areme Jesu fu uri e vuak fuon faivo iji kuardiame kia, Na ijefuon na ijin kuardiame kia, Jab ire iji ja ine karivako iji vierafek gavo uri vajai surif jon igefuon sinuom iji uruvana vierafef.

Ruk 12:29

Ijefuon jab oifian abeknum ga jab tavan bog do ga duok ja ikfuon ijefuon karine vierafek. Regavo unam ijegrejo iji bu e iji God ma vierafejo bakin ijieb ijeg rej. Regavo iji ja ire kafokafo vierafejo iji Asoijon varur gufia fino iji fun giame vierafen.

Firifiens 4:6

Regavo jab uri afikin kafo bu jon roko iji uruvana vierafekgavo nin jon ja sirimamejo ijia God irerag ja vierafenva iji kuardaf. Regavo ja sirimamejo ijia jaka tavan bog ire ma iji fu rediamo ijefuon oimardaf.

1 Fita 5:7

Ijefuon oifian jon fok kege una God vajaf. Ijefuon maiji fuka tavan bog ja vierafeknum samuagdiamo.