Metiu 6:27 - Namiae

²⁷ Ijefuon erar fu vajai surif ijefuon ire iji uruvana vierafeoino iji fu juaivasia fuon iji abe biom jiamana abedeme fivakma bakin.

Metiu 6:27 Iomraidhean Croise

Metiu 5:36

Regavo madu jab nigen jon ijia kanakanaknum kuaik ijefuon maiji ja daro bado ja izeg nigen jau jon kiaga bu abaiki ga kazin tavuakfuon.

Metiu 6:25

Ijefuon na igi kuardiakrejo ni mukoi faif. Jab tavan bog uri vajai surif ijefuon duok ga do ja ik ga ugon ja sakfuon iji uruvana vierafeok. Ijefuon maiji duok ijiga sinuom iji bu ikin bakin. Regavo vajai jon ijiga jon ja karivakfuon ijar fuka ma ire bomana ijefuon ja ijar bomana vierafekfuon.

Metiu 6:28

Regavo madu jab karine ugon ja sakfuon ga kekfuon ijefuon uruvana vierafek. Regavo madu ni sinar tarar gamia irenva iji giaf. Buiji bu ikrene koikbuon ugon buon bu savo iji amariavo bakin ga bum ijia ireme ni buon ka mukor iji irav.

Metiu 6:31

Regavo jab uri duok ga do ga sinuom ijiebuon kari uruvana igia vierafero note izia ire fok karekro karine ijeg vierafek.

Metiu 6:34

Ijefuon afikin niarfuon iji jab karine uruvana vierafek. Ijefuon maiji fu God Asoijon ijar afikin niar ja abekfuon iji fur ifejdiak. Ijefuon ni isuar oij asusame afikin iji fu tavan kafokafo ijia roko iji besubesum giaknum kariofno kiain.

Ruk 10:41

Fu ijeg kuamga E Bomana Jesu fu una roin Mata kua, Aiji a irerafuon ire uruvana rekafa bomana vierafeknum ziem?

Ruk 12:11

Regavo madu igi faif. E bu ja aferdia kam ar e Jius bu afuime vuak kuaivo ijia vo ba e mamkanuk roin ijiebuon nifak ijia vo ba e akai samuavo ijiebuon nifak ijia kotrekuai vaga jab oifiadiak. Ja vuak izeg ga vuak irerag ja kuardiakva ijin jab uruvana vierafek. Ijefuon maiji Godon Kaven ijar tavan ijia vuak irerag ja kuaikfuon iji fur vierafe vajiaga ja kuardiakno kiain.

Ruk 12:22

Areme Jesu fu uri e vuak fuon faivo iji kuardiame kia, Na ijefuon na ijin kuardiame kia, Jab ire iji ja ine karivako iji vierafek gavo uri vajai surif jon igefuon sinuom iji uruvana vierafef.

1 Korintiens 12:18

Regavo ijeg iji fuka bakin. Regavo God fun ma ijefuon vierafene vajai nuvuon gurom kafo iji kege ar buon ijia bijiamuin. Ijefuon vajai gurom kafokafo iji bu uri ik irerag God fu miainma bu ijin rej.

Firifiens 4:6

Regavo jab uri afikin kafo bu jon roko iji uruvana vierafekgavo nin jon ja sirimamejo ijia God irerag ja vierafenva iji kuardaf. Regavo ja sirimamejo ijia jaka tavan bog ire ma iji fu rediamo ijefuon oimardaf.

1 Fita 5:7

Ijefuon oifian jon fok kege una God vajaf. Ijefuon maiji fuka tavan bog ja vierafeknum samuagdiamo.