Fu ijeg kuamga Jesu fu una kua, Usuibe Godon vuak bu buk akaij ijia isoinva iji fu ijeg kuai, Barubara buba tavan bog duok ijesugin iogavo buka Godon vuak iji vierafene reok.
No E Bomana nuvuon Jesu Kuraison if ijia e iji eraneb bu unam ijeg kegoijo iji darokma ejafiame kuardiav. Ijefuon nika unam izeg bu ma karikfuon ijia kegoknum vo koikbuon giriesame ik rene una agbara buon samuagdiaf.
Ijefuon no duok ijo kafo ga sinuom savo kafo naoikva iji fun siban aresren. Regavo noba sinuom uruvana karekuai vierafek. Regavo e iji bu sinuom uruvana karkuai vierafejo iji bu migegare arikaniaga bu ise rek vo buon bu ma vierafejo iji bu buzereme ga ise ijar bu aferdia arafiriakfuon.
