Metiu 5:5 - Namiae

⁵ Regavo eraneb bu tavan bog Godon nifak ijia kabuaikabuaikin karioijo iji buka oimarkfuon. Ijefuon maiji e ijekin iji God fu rad ire ma iji fu vajiakno kiainma iji fu kege bu vajiak.

Metiu 5:5 Iomraidhean Croise

Metiu 11:29

Na vierafega naka ja samuagdiakro vierafen ijefuon ni una agan nun iji na samuagdiavo ijiena mazif. Regavo uri unam nun iji abeknum vo na igief. Ijefuon maiji naiji naka e oi soigin ga naka kabuaikabuaiki kegoijo. Ja nana mazikva kaven jon iji bu dasu karikfuon.

Metiu 21:5

Regavo vuak iji bu ijeg isoi, E Jerusaremko iji E Bomana jon fu jon rok. Fu maf-donki azan ijia ajie fine ruakfuon. Regavo fu e bijaimoijo ijiebuon e bomana bakin ijefuon fuba maf-os ijia ajie fik revo fum maf-donki uka ijia ajie fine ruak.

Romens 4:13

God fu usuibe e Eburam ga aganfuon fu kiainma iji fu ijeg kia ire fok moikigia naoivo iji na abe ja miakno kiain. Regavo e Eburam fu Godon akaij iji mukoi igiainma ijefuon God fu moikigi abe bu miainma bakin. Regavo fun e Eburamri God ma vierafega Godri fuon oimarknum keuname abe unam fuon ma ijia unain. Ijefuon God fu gaga Eburam fun maturaimga fu moikigi abe Eburam ga uifarif fuon iji miain.

Efisiens 4:2

Regavo ni nakikmazak e soigin rene kabuaikabuaikin igia oi mafaime kaifjon ijiena oijmanamiknum kariof.

Korosiens 3:12

Regavo jaiji jan Godon e iji fu oijmiamo ijin. Ijefuon fu ja kege una efuon ren. Ijefuon nika isuar igia oi mafaime e suaiki rene adumaduigin reoknum e iji bu vajai fian abeknum ire kafo karekuai vierafejo iji ifejdiaf. Regavo e kafo bu ire ise ukakna kafokafo tavan uruvana jon reunaivga nin oi mafaime buna karif.

1 Timoti 6:11

Regavo Timoti aiji a Godon e ijefuon ire ise uruvana na iviakma kuardainva iji giame agordiamne revo giriesame darokma mimataga ire igi bu oion ijia ofrek. Ire iji maturaime akai karijo ijiga ma vierafejo ijiga oijmanamivo ijiga giriesame nuibakin tavan bog ikrejo ijiga adumaduigin oijo iji bu oion ijia ofrek.

2 Timoti 2:25

Regavo e roin eraneb bu vuak fuon ba faikva fuka oi mafaime vuak kuardiakfuon. Regavo ma vierafe Godri oibuon kege karoiga bu una unam ma iji vierafekfuon.

Taitas 3:2

Regavo kuardiaga buba e kafobuon vuak ise kuaik revo buka afuime e fok vierafeknum kariok. Regavo tavan bog bu e kafobuon nifak ijia okva buka e adumaduigin reok.

Jeims 1:21

Ijefuon ni koikjon mukoi samuanamiknum ire isekma kafokafo ja vierafene reoijo iji aref. Regavo nika oijon fok Godon vuak iji fu abe oijon ijia oinma iji mukoi vierafeknum of. Ja ijegrekva vuak iji oijon ijia tavuamo ijar rad ja karauniak.

Jeims 3:13

E iji ja ma reoijo iji jab kaifjon roin kuardiame kia no ma reoijo kiak. Anim aregavo ire fok ja reoijo ijesugin adumaduigin nijaidiaoga bu ijia giame vierafero ja ma reoijoro bu ijeg vierafek.

1 Fita 3:15

Regavo jaka oijon ijia Kurais E Bomana iji agoime ire fok fu kuardiamo iji igame reof. Regavo tavan kafo eraneb bu jon ja ma vierafejo ijefuon anej ma iji faikuai kiakva jaka samuaikin ja vuak ijefuon anej ma iji kuardiak.

1 Fita 3:4

Regavo ja jon amarkarakfuon iji ja oijon iji fu tavan bog ijia navakfuon ja iji vierafene amarkarakfuon. Jab uri vuak gigikin kuai vo zienamik revo jaka isuar kariof. Regavo bara iji fu ijegrekma kaven fuon iji fu Godon nifak ijia fuka irerag igekin rek.