Metiu 5:25 - Namiae

²⁵ Regavo igia fai. A kaion befuon ire ise be renma fu ijefuon a aferda kot rekafa vierafekma nivek iji jaba e kot faimo iji fino ijia usenva ijia ni migegare una fusik vuak iji kuaim iraseme imut kenami. Regavo bakma fu a aferdame dab e kot faimo ijefuon vaga a nifak fuon ijia vuak on iji kuaik. A kuaiga fu vuak on iji faime fu una foris kiaga bu a dab dibur abesek.

Metiu 5:25 Iomraidhean Croise

Metiu 26:58

Bu Jesu afeme vakga Fita fu aibe gamia giaknum jajia roke e isuf baroijo ijiebuon e bomana ijefuon ai makaf ijia kekoin. Fu ijia kekome aru va e iji juo karijo ijiena fin. Fu ijia fine gia are bu Jesu abe izegre fu giakro fu ijeg ren.

Ruk 18:3

Regavo bara amun be mai besum ijia fino iji fuka tavan uruvana ro fu fino ijia kekome kua, Abe e iji bu na dab arafirievo iji ifejdieme oifian nun dasumdiekno kuam unaim.

2 Korintiens 6:2

Ijefuon maiji Godon buk akaij iji bu usuibe isoinva ijia fu ijeg kuai, Na tavan iji na ja ma rediakro vierafenva ijia ja sirimamejo na iji faiv. Regavo madu tavan iji na e karauniavo ijia na ja karauniainvano kuain. Ijefuon mukorigia faif. Iviakma tavan igi fu Godon tavan iji fu ja ma rediaknum ga karauniakfuon ijin.

Ibru 12:17

Regavo rad fu una sinuom iji kekro vierafen revo unam be fu rene una kekfuon iji fu nisaime uruvana niraikafian revo fuba kenma iji jan vierafen.

Ibru 3:13

Tavan igi uria namo ijia e besubesum tavan bog jaka jon ejafanamif. Ijefuon maiji ja ijegrekva ise iji fuba una ja biesiaga ja ise rene God nuigafak.

Ibru 3:7

Jan vierafe e Isrerko bu ise rene God ba ma vierafenva ijefuon buba ar ma iji God miaga bu karikfuon ijia vain. Regavo Kaven Akaij ijar vuak ijefuon fun buk akaij ijia ijeg kuai, Jab ada girek revo jaka Godon vuak iji igaf. Regavo jab e Isrerko bu magaga ba vuak fuon igain revo bu karoime God ma uzame una buon vierafenva ijia kegoinva ijeg rek. Jab tavan iji bu ai moikum namo ijia ire iji God ba oimaikfuon iji bu renva ijeg rek.