Metiu 5:1 - Namiae

^1-2 Areme tavan be Jesu fu giak e uruvana bu fuon rokga fu giame uri uruor ijia ajie vain. Fu uruor makaf ijia ajie vakoga e vuak fuon faivo bu ijia usem kari ameoine arekoga fu uri anerene vuak nijaidiain.

Metiu 5:1 Iomraidhean Croise

Metiu 13:2

Fu fine vuak nijaidiaknum giak buka e uruvana usem dab kirakuravga fu uri vanag be ijia namo ijia ajien. Jesu fu vanag ijia ajieme abe sibank biom do ijia abedeme fikoga e iji vainva bu irif ijia iren.

Metiu 15:29

Areme Jesu fun ar iji areme uri e vuak fuon faivo ijiena uri do Gareri nafuinma irif ijia amedakiem vain. Jesu fu ijia ame vako ijia fu uruor be ajieme vake makaf ijia kekoin.

Metiu 4:25

Fu ijegreoga e ka uruvana bu uri fu jame dab arafiri vain. E ar Gareriko iji abevo e mai ten (10) guf ijia karinva ijieb uri fu ja vain. Regavo madu e mai Jerusarem ijia karinva iji abevo e moik Judia karinva abevo e do Jodan gara karinva uruvana ijieb uri fu dab arafiri vain.

Mak 3:13

Ijegreare Jesu fun uruor ijia ajie va kekome uri e fu vierafenma iji kumega bu fuon ruain. Bu ijia fuon rokga Jesu fu e tuer (12) imut bijiame kia, Jaiji ja e afasor nun rek. Na ijeg ifdiaga ja nana oijknum vua nun abe e kuardiak. Regavo madu na daro miaga ja e iji kaven ise rosdiainva iji kiaga bu e iji areme usem vakno kiain.

Mak 3:20

Ijegreare Jesu fun una ai be ijia ajie vakga e fok bu madu usem ijia afuin. Ijefuon Jesu ga e vuak fuon faivo iji bu duok ikrega fuka tavan bakin.

Mak 4:1

Areme Jesu fu una madu do Gareri daturaiko nafuinma irif ijia anerene vuak nijaidiain. Fu ijia vuak nijaidiakoga e ka ma uruvana bu una ijia fu dab kirakurain. Ijefuon fu uri vanag ijia ajie biom do azan ijia fikoga e fok ruainva iji bu do irif ijia iren.

Ruk 6:12

Areme tavan ijia Jesu fu una uruor ijia ajieme sirimamekafa vain. Fun va uruor ijia kekome naki fu God sirimameko vake tavan irasen.

Ruk 6:17

Areme Jesu fun e afasor iji fu kenma ijiena una arime roke uruor anej gumia usen. Rega e ma uruvana mai Jerusarem ga Judia guf ijia ruainva iji abevo e uruvana mai Taia ga Saidon saof irif ijia karijo iji bu ijia afuin.

Ruk 6:20

Fu ijegrejknum uri e vuak fuon faivo iji giaknum kia, E sinuom bakin iji jaka Godon oimaref. Ijefuon maiji Godri ja kedo fur una ja samuagdiak.

Ruk 9:28

Jesu fu vuak ijeg kuardiame vuik besum (1) barko ijia fu uri Fita ga Jon ga Jeims iji aferdiame uruor be makaf ijia sirimamekafa vain.

Jon 6:15

Regavo Jesu fun giamga e iji bu fu dab Kin buon rekuai ejafavga fu uri fuonkua uruor ijia ajie vain.