Metiu 4:9 - Namiae

⁹ Fu ijeg nijaime uri kua, Kam ijia ga. A ivia igia na ato same na sirimamekma na ire fok a giainma iji una a vajakno kuain.

Metiu 4:9 Iomraidhean Croise

Metiu 26:15

Fu kekome kia, Na Jesu abe una ja miakva ja irerag iji abe na miekno kiain. Judas fu ijeg kuardiamga bu ijefuon uri mon sunin teti (30) ijeg kege vajain. Ijegreare tavan ijia fun uri unam izeg fu Jesu abe miaga bu kanakfuon iji nisaimoin.

Metiu 4:10

Regavo Jesu fu una roin kua, Setan gareg va. A vuak iji bu usuibe buk akaij ijia isoime kuai, Jaka E Bomana God jon ma ijesugin fuonkua sirimamekgavo jab una e roin igiavno kuainva iji abe vierafenmano kuain.

Jon 12:31

Regavo ivia tavan igi fu e moikigia oijo ijiebuon tavan God fu ise buon iji ke mazim giak. Regavo e moik igefuon e bomana Setanon daro iji dab datuai fu ajuarek.

Jon 13:3

Regavo Jesu fu vierafero ire fok fun asoifuon ijar kege daro fuon rotit ijia nadain ga madu fur kuamga fu moikigia ari ruaido fu madu una Asoifuon fino ijia vakro fu iji vierafen.

Jon 14:30

Naba jana uruvana fine vuak kuaik ijefuon maiji Setan e iji moikigi samuamo iji fun rok. Setan fu daro nun fu asikma bakin. Regavo e moikigia oinva ijieb ma vierafero naiji Asoinun iji oijmavo ijefuon na irerag fu kuardiemo na iji mukoi igiame reoij. Jesu fu vuak ijeg kuardiame kia, Ni uriga no ar igi no karinva iji areme vakno kiain.

Jon 16:11

Regavo madu Kaven Akai fu ruakma fu e fok moikigia ise reoijo ijiebuon ise iji ke mazim giame samakaf nijaidiaga bu vierafek. Ijefuon maiji e moikigi samuamo iji God fun amur ise fuon giain.

2 Korintiens 4:4

Ijefuon maiji fun Setan e iji moik igefuon god ijar bu kam ada bijukuriain. Ijefuon bu Godon vuak ma iji bu faiv revo buka ba ma vierafeknum ga unam fuon ma iji ka mukor ijin gav. Fu kaven ise ijar nizuriaidiainma ijefuon bu Kurais fu e izekin ijefuon anej ma iji buka ba gav. Jesu fu God aikin iji Setan fun vierafenma ijefuon fu e iji bu Jesu mukorigia game vierafekfuon iji fuka uzamo ijefuon fu vierafe buon iji fuka mukorigia bijukuriam.

1 Timoti 3:6

Regavo e iji fuka iviakma igef God ma vierafejo iji jab kuaga fu e bomana rene sos samuak. Ijefuon maiji fuka koikfuon abe aroikarame ajiega God fu abe afikin mak. Regavo God Setan fu izeg aroikarame koikfuon abe ajiemga fu abe arafirinma ijeg fu e iji abe arafirik.

Revareson 19:10

Na fu manino ijia dijeme fuon ato same sirimamekreja fu kie, Ab nun ato same sirimamegavo ni una Godon sirimamene. Ijefuon maiji na e be a aikin. No besum kaifnuvuon no Godon ikrene Jesuon vuak ma iji ma vierafene kuardiaoin. Regavo e iji Godon vuak vierafene e kuardiaoijo ijiebuon ik ma iji bu rejo iji bu Jesu Kuraison vuak iji abe e kuardiaoijo.

Revareson 19:16

Regavo ugon fuon fu sainma ijia ga masian fuon ijia if ijeg isoi, Kin bomana iji kin ukakna samuagdiamo ga E Bomana iji e sibank igeg mamkanuk samuagdiamo iji fu ijia isoin.