Metiu 26:53 - Namiae

⁵³ Regavo igia faif. Na Asoinun iji kua fu anera fuon ka ma uruvana kiaga bu iviakmaigia migegare na ifejdiebatie na vierafega na ijeg rekfuon.

Metiu 26:53 Iomraidhean Croise

Metiu 25:31

Areme Jesu fu madu uri kia, Tavan iji Emabuon Farif igi na una Kin igeg varur gufefuon sanainma ijiga Godon anera ijiena una roko ijia na fata ma ijia ajie fike e agan besubesum moikigia karioinva iji bu nifak nun ijia afuik. Bu nifak nun ijia karikega na e iji maf-sif samuagdiamo fu maf-sif ga maf-gout iji fu kanafum kafokafo uniamo na ijeg rek. Na uri e ma reoijo iji ke ata be uniaga e ise reoijo iji na ke be uniak.

Metiu 4:11

Regavo Setan fun ijia areme vakoga anera ijieb arime Jesu ifejdaknum samuain.

Mak 5:15

Bu useme e iji kaven ise ijieb fu dab niroimoijo iji gain. Bu ga fu ire iji fu reoinon iji fun dasume dab akozga una e ma rene ugon fuon same fina bu gava buka dejufdiain.

Mak 5:9

Fu ijeg kuamga Jesu fu kua, Regavo if on iji erano kuain? Jesu fu ijeg kuamga e iji fu una roin kua, Na if nuvuon bu kuo Uruvanano kuovo ijefuon maiji noka kaven uruvana oifuon guf ijia karinvano kuain.

Ruk 8:30

Ijefuon Jesu fu kua, A ifon iji erano kuama fu kua, Na ifnun Uruvanano kuain. Fu ijeg kuainma ijefuon maiji buka kaven ise uruvana fu dab ninaruoijo.

Jon 10:18

Naiji fu erar na dab kaniekma bakin. Regavo naka koiknu vajai nun igi abe ijia nijaidiaga bu kanie na guak. Na e darokin ijefuon bu kaniega na guame rad na daro nun ijia una urik. Regavo iji fun Asoi nun iji fu kiema na ruainva ijar na ijegrekfuon fu iji kuardienmano kiain.

Jon 18:36

Fu ijeg kuardamga Jesu fu uri kua, Na e mamkanuk moik igeko bu e fok moikigia oijo iji bu samuagdiavo ijeg na bakin. Regavo na moik igefuon e bomanabatie ivia e vuak nun faivo iji bu na mafardieme una e igi ja na aferdie abe e Jius miakrejo ijiena bijaikfuon. Regavo ar nun fu moikigia bano kuain.

2 Tesaroniens 1:7

Regavo iviakma igi ja vajai fian abejo iji God fu rad ja abevo no abe besum karaunuoga no vajai fian bakin karik. Regavo ijeg fu rekfuon iji fu tavan iji E Bomana Jesu Kurais fu anera fuon darokin ijiena besum varur gufia ari roko ijia fu ijeg rek.

Jiud 1:14

Regavo vuak ijiebuon iji fun e iji uinre ruainva ijia Adamon sat be e Inok kuavo ijar amur buisina kuain. Regavo Inok fu ijeg kuai, Ni gaf! E Bomana iji fu anera fuon akai ka ma uruvana iji aferdia buna rokno kuain.