Metiu 24:43 - Namiae

⁴³ Regavo madu igia faif. E niesamo be fu tavan ivez e befuon ar bujakafa ruakreno iji e ar koikin iji fun vierafekma iji fuba ninaikfuon. Regavo fu uri ijia fino ijefuon e niesamo iji fu izeg ar fuon iji bujame ajiekma bado fu ijia arek.

Metiu 24:43 Iomraidhean Croise

Metiu 14:25

Areme Jesu fu ve ik afarkreno ijia fun uruor iji areme una arime do azan ijia vuim una e vuak fuon faivo bu vako ijiebuon ruain.

Metiu 20:11

Bu mon buon abe una e iji kof juar fuon menma ijiena zienamin.

Metiu 24:42

Ijefuon ni mukorigia gavknum karif. Ijefuon maiji ja tavan ivez E Bomana jon igi na una roko iji jaiji jaba vierafen.

Metiu 24:44

Ijefuon jak nika tavan bog samuaknum of. Ijefuon maiji Emabuon Farif igi na una roko iji jaba vierafenva ijia na ruakno kiain.

Metiu 25:10

Bu ijeg kiavga bun una kiresini kimekuai vako e iji bara abekreno iji fun rokga bara imut roin (5) iji mukoi vierafenva iji bun samuainvado bun funa aru vain. Bu arume ar iji bu sanamikrejo ijia duok ikuai vakoga bun vien dab bijukurain.

Metiu 25:13

Ijegreare Jesu fu vuak fuon kuaim barekafa uri kia, Ni mukorigia nisaiknum karif. Ijefuon maiji ja ivez ga tavan ivez na una ruakrejo iji jaba gainvano kiain.

Mak 13:35

Ijefuon ni jak ijeg samuame kariof. Ijefuon maiji na ivez una roko iji jaka ba vierafen. Nate nakifuon vo baga ve ufrenma ijia vo baga kukoro kumeno ijia vo baga ve irasemo na ijia ruakfuon iji jaba vierafen.

Mak 6:48

Fu ijia sirimameknum giak e vuak fuon faivo iji buka vek vanag dab do azan ijia zazaimoij. Ijefuon maiji buibur ka bomana ijar bu vako ijia ufim. Ijefuon Jesu fun ve ik afarekreno ijia do azan ijia vuim buon ruain. Fun ijia asidia ruvakga bun game vierafero kafu zuar oinoro buka juin. Regavo e fok bun fu gainva ijefuon buka bomana dejufdiamga bu uri kumen. Bu juvga Jesu fu migegare uri kia, Na narno jab jukgavo nika giriesafno kiain.

Ruk 12:38

Jesu fu ijeg kuardiame kia, Na ve ufrenma ijia ga suok nakitu gamia na roga ja vek ijeg samua karikva naka jon bomana oimarek.

Ruk 12:39

Regavo madu ni vierafef. E niesamo be fu niesak roga e ar koikin fuba ninain ga fu gazregakma iji e niekin fu izeg arume niesakma bakin. Ijegvo jak jaka ijeg samua karif. Ijefuon maiji Ema ijiebuon Farif iji na tavan iji jaba vierafenva ijia na una ruakno kiain.

Ruk 21:36

Ijefuon jab zazaigavo nika amarigia jon samuanamiknum ga tavan bog sirimamef. Ja ijegrejknum karinki Ema ijiebuon Farif igi na una roko ijia ire fok bu rekva ja giriesame uri irekno kiain.

Revareson 16:15

Regavo igia faif naiji na e niesamo igeg ruak. Regavo e iji oimarknum fikfuon iji fu e iji tavan bog ba ni naino ga fu sinuom fuon fu samo iji imut kuniaime samua fino e ijin. Fu samaij ijia kuniaime nisaiknum samua fido e fok ijiebuon nifak ijia fuba detabar juvknum ok.

Revareson 3:3

Regavo vuak irerag iji ja amur abe vierafenva ijesugin kunaime giriesaknum mukorigia igame vo unam iji ja nuigiremoijo iji areme una nun ruaf. Regavo nika uri nisaiknum samuame kariof. Regavo jaba samua karikva na e niesavo ijeg vuakva jaba giek. Regavo na tavan ivez jon vuakfuon iji jaka ba vierafen ijefuon uri samuaknum karif.