Metiu 22:45 - Namiae

⁴⁵ Regavo Devid fu e iji God kuama fu ruainma iji kuak E Bomanano kuakma iji Devid fu izeg una e iji kuak, Aiji a uifarif nuno kuakno kiain?

Metiu 22:45 Iomraidhean Croise

Metiu 22:46

Fu ijeg kuardiame barekoga rad e be fuba una Jesuon vuak iji roib kuardain vo una duna kafo fu kuardain. Regavo madu buba vierafero Jesu vuak iji fu kuardienma iji fu fuifuon kuainmaro buba ijeg vierafen.

Jon 8:58

Bu ijeg kuardavga fu kia, Vuak igi na ma kuardiav Eburam bu rad nafen gavo naiji nan ur ijia firuainvano kiain. Fu ijeg kuardiamga e Jius iji bu vuak iji vierafega buba aresren. Ijefuon bu uri mun tuame Jesu kanakrejga fu Godon ar bomana iji areme fun keko vain.

Romens 9:5

E Jius iji buka e ikin Eburam ga Aisek ga Jekafbuon agan ijia uinvene ruain. Regavo madu Jesu Kurais e iji God fu kuama fu ari ruainma iji fuk fu agan besum ijia uinvene ruain. Jesu Kurais fuk fu God ga fu ire fok samuagdiamon. Ijefuon na vierafe noka tavan bog Jesu Kurais dab aroikfuon. Mare.

1 Timoti 3:16

Regavo unam izeg e God ma vierafejo bu karijo ijeg karikfuon iji fuka unam ma ikin. Regavo unam iji fu Jesu Kurais fak nam. Kurais fu ema igeg moikigia ruain. Regavo Kaven Akai ijar nijaiduome kuo Jesu Kurais fu ma Godon Farifno kuin. Regavo anera fok bu fuon ma iji sanainma iji gain. Regavo e iji bu fu jaoinva ijieb vuak fuisina ar iror ijia kuardiain. Regavo e fok moikigia karinva bu fu ma vierafen. Fu una varur iji Asoifuon God samuamo ijia vain.

Ibru 2:14

Godon afijaf iji bum ema ijefuon Jesu fuk fum ijeg ema ren. Revo fu kuros ijia guame una urinma ijia fu Setan e iji fu aoinva iji fu darokma samuagdiamo iji dab arafirin.

Revareson 22:16

Na Jesu nar anera nun iji kiavga bu vuak iji sos ijia ja kuardiakuai vuain. Naiji na e Devidon uifarif ga na aganfuon ijia uinve ruain. Regavo naiji na ire mujur iji mukorigia sanamo iji fu tavan irasmo ijia ajiemo ijin.