Metiu 19:16 - Namiae

¹⁶ Areme e be fu ro kekome Jesu kua, E nijaidiamon na irerag iji rekva na ma karivako iji abekno kuain?

Metiu 19:16 Iomraidhean Croise

Metiu 19:15

Fu ijeg kuardiame uri am ukakna ijin imut nigen namdiaknum buon sirimamene fun ar iji areme vain.

Metiu 19:26

Bu ijeg kuaivga Jesu fu kia, E kafo erar fum fuon vierafega unam fuon fu kegoino ijia fu aresrenma bakin. Regavo fun Godri aresredo fu ire fok rekfuon. Regavo fu fuonkua era fu vierafenma iji kuaga fu e iji God fu oibuon iji samuagdiamo ijia buna besum mazikno kiain.

Metiu 19:29

Regavo erar fu ar fuon ga uviaifijaf ga makifijaf ga eofijaf ga afijaf ga juar fuon iji nuifuon aremo e iji fu una madu ire ma uruvana kafo kekfuon. Regavo madu fu unam ma karivako iji abe ijia fivak.

Metiu 25:46

Jaba ijeg e roin ifejdiainva ijefuon ni ar iji ja tavan bog ijia oifian abe vakfuon ijia vafno kiak. Regavo e iji maturainva iji bu ar iji e bu tavan bog ijia ma karivako ijia vafno kiakno kiain.

Jon 10:28

Bu jajie roga na unam ma karivako iji abe miainkin buba aoigavo bu ijia ma karivak. Regavo e kafo buba maf-sif nun iji na samuagdiavo iji kafo imut nun ijia kuniai turame aferdia usem vakva bakin.

Jon 12:25

Regavo erar fu moikigia tavan bog fuon vierafenma iji oijmaknum kegokma rad fu una izeg unam ma karivako iji abekma bakin. Regavo erar fu moikigia tavan bog una e roin vierafeknum oijmiame ifejdiaokma fu rad unam ma fivako iji abek.

Jon 3:15

Ijefuon erar fu kuros kaf ijia na guavo iji gieme ma vierafekma fu unam ma karivako iji abek.

Jon 5:39

Ja vierafe ja Godon vuak bu usuibe isoinva iji amarigia dakva ja unam ma karivakfuon iji ja ijia abekuai ja ijeg vierafen. Regavo vuak fok bu kuaime isoinva iji bu nuisina isoin.

Jon 6:47

Ijefuon naka ma kuardiav eraneb ja na ma vierafekva ja unam ma karivako iji abek.

Jon 6:68

Jesu fu ijeg kuardiamga Saimon Fita fu uri kua, E Bomana iviakma no ma vierafega a onkua aka e akai Godri kuamga a ruain. Revo vuak ma iji ma karivako iji ar kuarduoga no faiv gavo no a unako vakva no una e be erafon vakno kuain.

Eks 16:30

Areme fun aferdiame ai makaf ijia kekome kia, E mamkanuk gurie na irerag abekva God fu ise nun gieme arekno kiain?

Romens 2:7

E kafo buka tavan uruvana mimatame unam ma ijia reoij. Bu tavan uruvana kaifijaf ga e kafokafo ifejdiaga God fu bu arordiaknum nidosiakro bu iji vierafen. E iji ijeg kegoijo iji God fu buon oimarmo ijefuon fu bu kege uniaga tavan rad bu ma karivak.

Romens 5:21

Ur noka ise uruvana reoko ise ijar no samuagduoknum aferduome una unam no aoikfuon ijia unuin. Regavo iviakma fun Godon ma reduomo ijar no samuagduomo ijefuon no Godon nifak ijia no maturain. Regavo madu no E Bomana nuvuon Jesu Kuraison duadok ijia no ma karivakfuon iji abek.

1 Timoti 6:12

Regavo nika e iji fu ire ma be abekafa giriesame kukumo ijeg nika Jesu Kurais ma vierafene unam fuon iji mukorigia jame reof. Regavo God fu a kumenma iji fu unam ma karivako iji makafa kuainma ijefuon aka vuak iji abe darokma kunaime vakne. Regavo on a Kurais ma vierafeno iji an e fok ijiebuon nifak ijia samakaf nijaidiain.

1 Timoti 6:19

Regavo bu ijegrejo ijefuon God fu ar ma iji varur gufia buifuon kanaufum. Ijefuon bu varur gufia vakva God fu vef ijefuon ar ma iji fu amarduinma iji miaga bu ijia ma karivakfuon.

Taitas 1:2

Regavo vuak ijefuon gireg ma iji izeg no rad Jesuna varur gufia ma karivakfuon no iji abekfuon. Regavo ur moikigi ba amarenma ijia God e iti kufui bakin ijar rad no funa ma karivakfuon iji fun kuain.

Taitas 3:7

Regavo God fu ijegrenma ijia fu ma reduome no karaunuome unam arir ijia unuin. Regavo Kaven Akai fuon muido no unam ma karivako iji no ma vierafene samua roko iji abek. Regavo vuak iji na kufui kuardiavo bakin revo naka ma kuardiav.

1 Jon 1:2

Regavo e iji vuak iji ma karivako ijefuon vuak iji fun abe e fokigiebuon nifak ijia rokga non fu gain. Ijefuon no vuak fuon abe kuaiknum ja kuardiaga ja mukoi vierafero e iji fu vuak ma karivako iji abe ruainma iji fu usuibe Asoinuvuon ijek fine iviakma fu nuvuon ruainmaro ja ijeg vierafek.

1 Jon 2:25

Regavo Jesu Kurais fu koikfuon vuak ma iji abe no muokno kuin. Ire iji fu abe no muokno kuinma iji fu unam ma karivako iji abe muok.

1 Jon 5:20

Regavo fun Jesu Godon Farif ijar ari moikigia nona oknum nijaiduinma ijefuon no God ma vierafej. Noiji no God ma ijiga Farif fuon Jesu Kuraisna karioij. God iji fu God ma ga fuiji fu unam ma karivako ijin.

Jiud 1:21

Jon ja nakikmazak kegoijo iji jaka Godon oijmiamo iji abe joi nijainamif. Ja ijegrejknum karioga Jesu Kurais fu una roko ijia fu fuon mardiamo ijia unam iji tavan bog ijia karivako ijin vajiak.