Metiu 18:20 - Namiae

²⁰ Ijefuon maiji e nokarok (2) vo nokbek (3) bu besum karine vuak kuaime nun sirimamekva na ijia buna fiknum buon bu sirimamejo iji faikno kiain.

Metiu 18:20 Iomraidhean Croise

Metiu 18:21

Areme Fita fu uri Jesu kua, E Bomana uviainun be fu nosik Jesu ma vierafeno fu ire ise be nun rekma na game arek. Regavo fu vek magiaga tavan bog nun ise rekma nabe tavan seven (7) ijeg game arekno kuain?

Jon 20:19

Areme Sade tavan besum ijefuon nakifuon ijia e Jesuon vuak faivo fok bun ar buon vien fok bijume bun isuarigia guf ijia karin. Ijefuon maiji bu e Jiusbuon e mamkanuk iji juinva ijefuon bu ijeg ren. Bu isuar karinva ijia Jesu fu migegare iji bu karinva uf ijia manine uri kia, Na vierafe afuime karijo iji fu janano kiain.

Jon 20:26

Areme vuik besum (1) barko e Jesuon vuak faivo fok bun una madu gire ijia besum afuim karin. Regavo tavan ijia Tomas fu buna besum ijia fin. Bu vien fok buka bijume karinva ijia Jesu fu migegare iji bu karinva uf ijia manine uri kia, Na vierafe afuime karijo iji fu janano kiain.

Jon 8:58

Bu ijeg kuardavga fu kia, Vuak igi na ma kuardiav Eburam bu rad nafen gavo naiji nan ur ijia firuainvano kiain. Fu ijeg kuardiamga e Jius iji bu vuak iji vierafega buba aresren. Ijefuon bu uri mun tuame Jesu kanakrejga fu Godon ar bomana iji areme fun keko vain.

1 Tesaroniens 1:1

For nar Sairas ko Timotina fas igi isoime e iji ja ai Tesaronaika ijia afuime Jesu ma vierafejo iji nijiav. E iji ja God Asoij ijiga E Bomana Jesu Kuraison efijaf. Regavo no vierafe God fu tavan bog ma rediame mukorigia samuagdiaga ja afuime kariokfuon.

Revareson 2:1

Areme E Bomana iji fu kie, Vuak igi isoime kaven ma iji sos Efisis samuamo ijefuon duadok ijia enun ijia karinva iji nijiamne kien. Fu kie, Vuak igi isoime kia vuak igi e iji fu ire mujur seven (7) iji imut maink ijia kuniaimo ijiga ire rait kuivo bu irenva iji uf ijia oinon ijefuon vuakno kia.

Revareson 21:3

Rene na faik vuak be uruvana igia fata ijia kume, Godon ar iji fu fino iji iviakma fun areme una ema ijiena fioke bu efuon rek. Regavo God fu koikfuon fuka buna fioknum ga fur ka God buon rek.