Metiu 14:8 - Namiae

⁸ Erod fu ijeg kuardamga bara iji fun izeg asiefuon Erodias fu ur kuardainma ijeg kuardain. Fu kua, Na vierafega aka iviakma igia e kia bu va Jon e do ruardiamo iji kaname nigen fuon iji kanafume abe ter ijia abedeme igia miega na vierafero fu ma guainmaro na ijeg vierafekno kuain.

Metiu 14:8 Iomraidhean Croise

Metiu 14:11

Ijefuon e bijaivo iji bun vake dibur ijia useme Jon kaname nigen fuon iji kanaufuin. Bu kanaufume abe ter ijia abedeme abe usem aru bara iji mavga fun abe una asiefuon iji main.

Metiu 14:7

Ijefuon Erod fuka uri e fok karinva ijiebuon nifak ijia bara iji kua, A irerag be vierafene kiekman naka ke vajakno kuain.

Metiu 14:9

Fu ijeg kuardamga Erod fuka bomana oifiaimga fu arekafa vierafen. Regavo fuka e fok duok ijo nifak ijia kua, A irerag kafo kiekma na ke vajakno kuainma ijefuon fum ijia ren. Ijefuon Erod fun e bijaivo fuon iji kia, Ni va dibur ijia aru Jon kaname nigen fuon iji kanafume abe una igia ruafno kiain.

Mak 6:24

Ijefuon bara iji fun kek va asiefuon kua, A vierafe fu kiekma na izeg kuakno kuain? Fu ijeg kuardamga asiefuon fu kua, A vaga fu kuakma kua na Jon e do ruardiamo ijefuon nigen iji vierafenvano kuamne kuain.

Mak 6:25

Fu ijeg kuardamga bara iji fu migegare kukum una gumia kek Erod kua, Na vierafe aka iviakma igia e kia bu va Jon e do ruardiamo iji kanak. Bu kaname nigen fuon iji kanafu ter ijia anume abe igia miega na vierafero fu ma guainmaro na ijeg vierafekno kuain.

Mak 6:28

Ijegreare bun abe ter ijia abedeme abe bara iji mavga fu abe una asiefuon main.