Metiu 14:6 - Namiae

⁶ Areme tavaibe e Erodon tavan bu nafenva iji rokga e bu besum afuime duok in. Bu duok ikoga bara Erodiason kabaij iji fu uri e fok ijiebuon nifak ijia dua urumgame Erod fuka oimain.

Metiu 14:6 Iomraidhean Croise

Metiu 14:3

Regavo iji fu ijeg kuardiainma ijefuon maiji fu Erodri ur kiamga bu Jon kunaim tome afem dab dibur unain. Ijefuon maiji Erod fu uviaifuon Firifon barak Erodias abega Jon fu kua, Aka isema remano kuamga fu ijefuon dab dibur unain.

Metiu 14:7

Ijefuon Erod fuka uri e fok karinva ijiebuon nifak ijia bara iji kua, A irerag be vierafene kiekman naka ke vajakno kuain.

Mak 6:14

Regavo Kin Erod fu vuak irerag fok Jesu fu reoinon iji fun fain. Ijefuon maiji irerag Jesu fu reoinon iji e fok bun faime if fuon bun abe ma vierafen. Regavo e roin bu kuai, Fu e Jon e iji e do ruardiamo iji guainma ijar una urinman ijefuon fu daro abene ire sumakin iji reoinon kuain.

Mak 6:17

Regavo iji fu ijeg kuardiainma ijefuon maiji fu Erodri amur kiamga bu Jon kunaim tom afem dab dibur unain. Ijefuon maiji fu uviaifuon Firifon barak Erodias abega Jon fu kua, Aka isenma renmano kuamga fu ijefuon dab dibur unain. Fu kuardame kua, Unam iji a una uviaion ijefuon barak iji abenma iji aka akai tuasemano kuardumo ijefuon fu iji ijeg ren.

Mak 6:19

Ijefuon Erodias fuka vuak ijar deajiemga fu una oi ise Jon vierafene Jon kanakvega Erodri unam fuon bijukurain. Erod fuka juin ijefuon maiji fu vierafega Jon fu e ma ga fuka e akai ijefuon fuba ire ise kafo fuon rekafa vierafen. Regavo tavan ijia Erod fu Jonon vuak iji faimo iji fu oimarvknum fain revo fu vuak ijefuon maiji fuba vierafen.

Mak 8:15

Ijefuon Jesu fu uri kia, Ja oijo iji ni e Ferisis ijigam e Erod ijiebuon ire ist iji amarigia akariaknum ofno kiain. (Regavo Jesu vuak iji fu ire ist ijefuon fu kuardiainma iji fu e Ferisis ijigam e Erod ijiebuon unam bu kegoijo fu ijefuon kuain).

Ruk 13:31

Areme tavan besum e Ferisis roin bu useme Jesu kua, Nika ar igi a oinon iji areme uri ai be va ijefuon maiji Erod fu a kanakafa vierafenmano kuain.

Ruk 23:11

Bu ijegrekoga Erod ga efuon azi keoijo iji bun uri Jesu dab varaimene kijdaknum buka ba fu agoime ma vierafen. Bu ijegrene Erod fum uri efuon azi keoijo ijiena uri ugon ni mukor bu azan savo iji abe abesdame afem una Fairet fino ijia ruain.

Ruk 23:7

Regavo tavan ijia e Erod fu e bomana rene moik Gareri iji samuamo gavo madu fu Jerusarem ijia fino. Ijefuon Fairet fu faik Jesu fu e Garerikoga fu kiama bu afem Erodon vain.

Ruk 3:1

Juaivasia fiftin (15) abenma ijia e Taibirias fu Gaman bomana ren. Regavo tavan besum ijia e Fontias Fairet ijar e Judiabuon Gaman rekoga Erod fu e Gareriko samuagdiakoga uviaifuon Firif fu ar Ituria ko Trakonaitis iji samuagdiain. Regavo Risanias fu e Abirinko samuagdiain.

Ruk 3:19

Ijegreare fu uri e Erodon izeg ise iji fu renma ijefuon vuak fuisina kuain. Ijefuon maiji Erod fu uviaifuon ijefuon bara Erodias aben revo madu fuka unam ise uruvana kafo ren.

Eks 12:1

Areme tavan ijia Kin Erod fu e sos vako iji roin tofdia kam arafiriakafa vierafen.

Eks 4:27

Regavo iji fuka ma kuain. Ar bomana igia e Erod moikigi samuamo ijigam e Fontias Fairet ga e Jius bakin ijiga e Isrerko fok bu besum ireme Jesu Farifon e akaij iji oifuon ikreno iji a daro mainma ijefuon unam iji bijukuai sivisanamiv.