Metiu 13:11 - Namiae

¹¹ Bu ijeg kuardavga Jesu fu una kia, Na unam sauivkin izeg God fu efuon ijiebuon oij iji samuagdiamo iji nan e iji ja na jajievo iji kuardiame nijaidiain. Regavo una e roin iji naba samakaf nijaidiagavo nam ijeg bijame kuardiak.

Metiu 13:11 Iomraidhean Croise

Metiu 13:10

Areme e Jesuon vuak faivo bu uri ro Jesu kua, Vuak on fok a bijiame e guri kuardiainma iji a irerafuon ijeg kuardiainma ni kuarduo no faivno kuain.

Metiu 16:17

Fu ijeg kuardamga Jesu fu una kua, E Saimon e Jonan farif gare na vierafega fun Godri a mardain. Ijefuon maiji bu e kafob nijaidainva bakigavo fun Asoinun varur gufia fino ijar oion ijia vuak iji vierafe maga ijefuon a ijeg vierafen.

Metiu 19:11

Bu ijeg kuardavga Jesu fu uri kia, Ke iji fun maren gavo na vierafe e fok bu vuak iji ja kuainva bu ijeg vierafeokva bakin. Regavo bun e iji eraneb Godri kiaga bu ijeg amunamun oijo ijieb ijeg reok.

Metiu 20:23

Bu iji kuardavga Jesu fu uri kia, Ire iji e bu nun rega na vajai fian abekrejo iji jak madu fu jon rega ja ijeg vajai fian abek. Regavo e iji bu ar ij nun maink ga azinainak ijia karikfuon iji na nar kekva bakin. Regavo ar iji fu e iji Asoinun fu karmo ijiebuon arno kiain.

Mak 10:40

Regavo e iji bu ij nun maink ga aizinan ijia karikfuon iji na nar aferdiakva bakin. Regavo ar iji fun e iji Asoinun ijar kenma ijiebuon arno kiain.

Mak 4:11

Bu ijeg kuardavga Jesu fu una kia, Na unam sauivkin God fu izeg efuon ijiebuon oij iji samuagdiamo iji nan e iji ja na jajievo iji kuardiame nijaidiain. Regavo e iji buba na jajievo iji vuak iji na ke bijame kuardiak.

Jon 6:65

Fu ijeg kuardiame kia, Na ijefuon ja kia fu e be erar fum koikfuon una na ma vierafekma bakin. Rega fun Asoinun ijar koikfuon e ijefuon oij iji abe dakaroiga fu ijia una na ma vierafekno kiain.

Jon 7:17

E be erar fu Godon vierafenma ijia kegoino e ijar vuak igi na abe kuardiavo iji fur giek. Fu giega na vuak nun nar vierafenva iji abe kuardia vo na Godon vuak abe kuardiavga iji fur gieme vierafek.

Eks 16:14

No buna vuak kuaivga bara be ijia fine vuak iji faimo if fuon Ridia fu ar Taiatairako gavo bara iji fu ugon ni mukor iji sigumon. Bara iji fu naikafare fu Godon sirimameno ijefuon E Bomana ijar nigen fuon samafredamga fu isuarigia fine For vuak iji fu kuaimon iji mukoi faim.

Romens 11:25

Efnun na vierafe ja vuak ma iji sauivkin igi na kuardiakrejo amarigia faikfuon. Na ijeg kuardiakin jab aroikarame vierafero jaiji ja e ma ga e Jius iji bu e isero jab ijeg vierafekfuon. E Isrerko uruvana buka oi karoime una ire ise kafokafo reoknum God uzaken. Bu ijeg vek ise reoke e Jius bakin iji God fu kege uniainma iji buka uruvana Godon ruakega rad God fuson ijar e Isrerko iji karauniak. Ijefuon maiji Godon buk akaij ijia bun usuibe ijeg isoime kuai, E iji e fok igiebuon ise ijia karauniakfuon iji fu Godri e fuon Isrerko ijia be kuaga fu ruak. Regavo e ijar e Jekafon uifarif fok bu unam ise ijia kegoijo iji karauniame aferdia una unam ma ijia uniak.

Romens 16:25

No Godon oimarkfuon ijefuon maiji fu aresredo fur ifejdiaga ja jon ma vierafejo ijia jaka giriesame ok. Regavo vuak iji Jesu Kuraison vuak ma iji na abe e nijaidiaoijo ijar ijeg kuain. Regavo usuibe Godon vuak ma iji fuka ma sauime na ruain. Regavo iviakma vuak iji fun e Godon vuak vierafene kuaivo ijieb abe kuaime samafreja non gain. Regavo vuak iji e karauniakfuon iji fu Godri kuainma ijefuon noka vuak iji abe ar iror ijia kuaime samafrega e fok bu God ma vierafekfuon.

1 Korintiens 13:2

Regavo na vierafe naka Godon vuak iji faime abe e roin kuardiaknum ga ire fok vierafeknum ga madu Godon ire sauivkin fok giame vierafe barekafie vierafek. Regavo naba una e roin mukorigia oijmiakva na vierafe ire fok na rekafie vierafenva iji fuka buzer ijesugin. Regavo madu na vierafe na God ma vierafejo iji fuka ma bomana rebatie na uri Godon sirimamene kuaga fu uri uruor mamkanuk iji kiaga bu biom una ai kafo ijia va irek. Regavo naba kaifnun roin oijmiakva iji naka e fokbuon nifak ijia na e ma bakin. Ijefuon ire fok nar vierafene rejo iji fuka ma buzer ijesugin.

1 Korintiens 15:51

Regavo vuak sauivkin igi na kuardiakrejo iji God fuba ur e kafo kuardiain. Ijefuon ni mukorigia vuak sauivkin igi faif. E roin eraneb no Kurais ma vierafejo iji noba aoik. Regavo no vek nivek karinva ijia Kurais fu una roga nom migegare karoime una vajai surif nuvuon iviamkor iji kekfuon.

1 Korintiens 2:14

Regavo erar fu Godon Kaven Akai ba abenma iji fu ire ma iji Kaven fu e kuardiamo iji fuka faikafa uzam. Ijefuon maiji fu vierafero vuak iji buka isero fu ijeg vierafen. Regavo madu Kaven Akai fuba ifejdakma fu izeg mukoi faime vierafekma bakin.

1 Korintiens 2:7

Regavo vuak igi na abe ja kuardiavo iji ja ijia una God fu izeg ire fok mukorigia vierafeno ja iji vierafek. Regavo vierafe iji fu Godri ka vek iji ire fok fuba amardiainma ijia vierafenma ijin. Godon vierafe ka mukor iji no fu aikin rekro fu vierafenma iji usuibe fuka mukorigia abe sauin. Regavo iviakma fun abe una afasor igi no samafreduoma non gain.

1 Korintiens 4:1

Ijefuonvo e igi no Kuraison ikreoijo iji nom fu ifejdame ik fuon ma iji fu vajuinma no ijin reoij. No ik fuon iji rene Godon vierafe ma iji fu amur kege sauinma no iji e ijin kuardiaoij.

1 Korintiens 4:7

Iji ja ijeg karine rejo iji ja vierafega e iji erar ja ke e ma amardiaknum e ise amardiain? Ire fok igi jam jar koikjo daro jon ijia rejo bakin gavo fun Godri vajiam. Ijefuon ja irerafuon jon aroikarav?

Efisiens 1:18

Regavo na madu joifuon sirimamega Kaven Akai ijar nigen jon kege samafrediaga ja ire ma iji God fu joifuon rediamo ja iji mukorigia giame vierafek. Regavo madu Kaven Akai ijar nigen jon kege samafrediaga ja izeg Godon ma rediamon iji fu efkin vajiamon iji mukorigia giame vierafek.

Efisiens 1:9

Ijefuon fun usuibe vierafe fuon ijia jame ire fok kanaufu baren. Regavo fuba migegare kege samafren gavo fu kege sauim rein. Regavo iviakma fu Jesu Kuraison duadok ijia unam iji fu abe sauinma iji abe samafren.

Efisiens 5:32

Regavo vuak iji bu buk kafar ijia isoinva ijefuon anej ma iji fu vek ija sauim nam. Regavo vuak iji nan game vierafen revo vuak ijefuon maiji fu Kurais ga e iji bu fu ma vierafejo ijiebuon kuaim.

Efisiens 6:19

Regavo jon ja sirimamejo ijia ni nuifuon sirimamega God fu vuak ma ijesugin vierafe vajiekin. Fu vuak ma ijesugin vierafe vajiekin tavan iji na anerene vua kuaivo ijia naba juk gavo naka Godon vuak ma ijefuon anej ma iji abe visume kuaiga e uruvana bu faikfuon.

Korosiens 2:2

Na ik gigikin iji na ijegrenki ja kaven jon ijia daro abe oijmanamime kariknum vo Godon vuak sauivkin iji mukoi vierafek. Revo vuak sauivkin iji fu Kurais Farifuon ijin. Regavo igia faif Godon vierafe ma iji fu mukorigia vierafene reno iji no Kuraison duadok ijia giakfuon.

1 Timoti 3:16

Regavo unam izeg e God ma vierafejo bu karijo ijeg karikfuon iji fuka unam ma ikin. Regavo unam iji fu Jesu Kurais fak nam. Kurais fu ema igeg moikigia ruain. Regavo Kaven Akai ijar nijaiduome kuo Jesu Kurais fu ma Godon Farifno kuin. Regavo anera fok bu fuon ma iji sanainma iji gain. Regavo e iji bu fu jaoinva ijieb vuak fuisina ar iror ijia kuardiain. Regavo e fok moikigia karinva bu fu ma vierafen. Fu una varur iji Asoifuon God samuamo ijia vain.

1 Timoti 3:9

Regavo bum Godon vuak ma iji bu abe nijaidiainva iji abe oibuon ijia abedeme giriesame ma vierafekfuon. Regavo buon bu karijo iji buka vierafe buon iji jame karik.

Jeims 1:5

Eraneb bu vajai fian abeknum uri nonamimoijo iji nika Godon sirimamene fu ifejdaga ja ma vierafene keok. Ijefuon maiji God fu e ziegafiamo bakin revo fu e fok oijmiaknum ifejdiamo.

1 Jon 2:20

Regavo jaiji fun Jesur Godon Kaven iji kege uniafdiain ijefuon ja vuak ma ijesugin vierafej.

1 Jon 2:27

Regavo jaiji fun Kuraisri Kaven fuon iji kege oijon ijia uniafdiain. Regavo tavan iji Kaven fu oijon iji samuagdiamo ijia e kafo buba ja nijaidiakfuon. Ijefuon maiji Kaven Akaij ijar ire fok nijaidiam vo irerag fu nijaidiamon iji fu kufui iji nijaidiamo bakin revo fuka vuak ma iji nijaidiam. Ijefuon vuak iji Kaven fu nijaidiamon iji igame Kuraisna besum kariof.