Metiu 11:7 - Namiae

^7-8 Jesu fu e Jonon vuak faivo iji ijeg kuardiame bun vakoga fu una dakaroim e fok bu afuinva ijin Jonsina kuardiain. Fu kia, Ja Jon fu ai moikum namo ijia oina ja faime usem gakuai vainva iji ja irerag iji gakuai vain? Jakafu e zazaikin be fu buibur asif abeno igekin ja iji gakuai vain. Ni irerag ja ijia gakuai vainva ni kuardie na fai. Regavo baga na vierafega jakafu ja e be fu ugon ni mukor same ijia oinon ja iji gakuai vierafene vain. Regavo iji fu bakigavo e ijeg ugon mukor savo iji bu e mamkanuk moik samuavo ijiebuon ar ma ijia karijo.

Metiu 11:7 Iomraidhean Croise

Metiu 12:20

Regavo e iji bu unam ma iji reokuai zazaivo iji fuba kuriaikuriaiki kuardiaknum ifejdiak. Regavo madu fu e iji bu buon ma vierafejo ijia zazaivo iji fu ifejdiaga bu una giriesame izeg God nar rad karauniakfuon iji ma vierafekfuon.

Metiu 21:25

Fu ijeg kuardiame uri kia, Ja vierafega Jon e do ruardiamo daro iji fu abe e do ruardiamo iji fu Godri main ki fu emab mainvano kiain? Fu ijeg kuardiamga bu uri dab bui kuaime siguknum kuai, Nokafu una izeg roib kuardak? No uri kuak fu Godri mainmano kuakva fu una kuok revo ja irerafuon ba Jon ma vierafenvano kuok?

Metiu 3:5

Jon fu ijegreoga e uruvana ai Jerusarem karinva abevo ai Judia karinva iji bu biom fuon ruain. Bu ijegrekoga e ar ukakna do Jodan irif ijia karinva iji bu vuak fu kuaimon iji faikuai ruain.

Ruk 8:18

Ijefuon amarigia juknum faif. Erar ire uruvana kenma iji bu madu una ire kafo uruvana vajak. Regavo erar ire kafo bakikma iji ire sibank fu nainma iji buka karevakno kiain.

Jon 1:38

Bu ja vakga Jesu fu giame una dakaroime kia, Ja irerag abekuai rokno kiain. Fu ijeg kiamga bu kua, Rabai a izia fine ruainmano kuain? (Revo vuak Rabai ijefuon anej ma iji e nijaidiamon).

Jon 5:35

E Jon vuak fu kuardiame ruainma iji fu ikuosaij abe baroina fu sanamga fu abe ruainma igekin. Fu sanainma iji abe rokga ja tavan ivuankbe ijesugin oimardain.

Efisiens 4:14

Ijefuon noba una madu am ukakna igeg vierafek. Regavo noba ire vanag iji bu saof azan ijia naoikok buibur ijar bu kam ufime unam kafokafo ijia oijo ijeg noba rek. Ijegvo noba karine e ir kufuikin ijiebuon vuak kufui iji bu nijaiduovo iji faik. Ijefuon maiji e iji kufui reoijo iji bu e biesiako bu unam ma ijesugin kegoijo bakin revo bu afikin uruvana biediav.

Jeims 1:6

Regavo ja God kuardakva nika oion ijekma ma vierafene kuardagavo jab uri fu kuardakuai nonk. Erar fu nonekma iji fu do iji fu firame munuag azan ijia siriamo ijeg rek.