Metiu 11:3 - Namiae

³ Bun vake fu fino ijia useme kua, Aiji a e iji God fu kua fu ruakno kuainma ijin vo a baga no una e be samuakno kuain?

Metiu 11:3 Iomraidhean Croise

Metiu 11:10

Ijefuon maiji God fu usuibe buk akaij iji bu isoinva ijia fu e Jonon fu ijeg kuai, Na e vuak nun abe oinon be kuaga fu amur vuak. Fur amur unam jon iji amarme vakno kuain.

Metiu 11:4

Bu ijeg Jesu kuardavga fu kia, Nin una va Jon irerag fok ja faivknum giainva ijin kuardaf.

Metiu 21:5

Regavo vuak iji bu ijeg isoi, E Jerusaremko iji E Bomana jon fu jon rok. Fu maf-donki azan ijia ajie fine ruakfuon. Regavo fu e bijaimoijo ijiebuon e bomana bakin ijefuon fuba maf-os ijia ajie fik revo fum maf-donki uka ijia ajie fine ruak.

Metiu 21:9

Ijegrene e fok bun roinroin ireme ruako Jesu fu uf ijia ruain. Fu ijia ruakoga e fok bu biumaknum kume, No e Devidon Farif igi dab aroiv. No vierafe Godri E Bomana ijefuon if ijia fu daro mak. Regavo noka Godon bomana oimarvno kumen.

Mak 11:9

E roin bu amur vako roin bu rad ja vaknum kume, No Godon if iji abe aroiken. Godri e igi fu E Bomana ijefuon if ijia roko iji daro maken. Fu amur Devid fu saifnuvuon fu samuagdiainma ijeg e igi fu no samuagduokro roko iji daro mak. No God E Bomana kaf ijia fino ijefuon if iji abe ajiekno kumen.

Ruk 19:38

Bu oimarknum kume, No vierafe Godri Kin igi fu E Bomana ijefuon if ijia rokon igi daro mak. Regavo no vierafega ire fok varur gufia naoivo bu afuime ijia naoim vak. Regavo madu noka Godon if iji dab aroikno kumen.

Jon 11:27

Jesu fu ijeg kuardamga Mata fu kua, E Bomana na vierafega aiji a Godon Farif. E iji bu kuai fu moikigia ruakno kuainva ijino kuain.

Jon 12:13

Ijefuon e fok bu uri anam kiak mukiene unam gafia Jesu biekuai vain. Bu usem vaknum uruvana biumavknum kume, No Godon oimarek. Godri e Isrerko buon Kin iji fu ma E Bomana ijefuon if ijia roko iji fuon oimardakno kumen.

Jon 16:14

Kaven Akai iji fu vuak nun fok nar kuardavo fu iji abe ja kuardiaga e fok bu nun sanainma iji abe aroiknum oimareok. Ire fok Asoinun fu samuagdiaknum fu reoinon iji bu nun ijefuon Kaven Akai fu ruakma fu vuak nun fok kafo madu kuardiakno kiain.

Jon 4:21

Fu ijeg kuamga Jesu fu una kua, Ni vuak igi na kuardavo igi ma vierafe tavan abekma noba una uruor igia ga ai Jerusarem ijia karine Godon sirimameknum fu aroik.

Jon 6:14

Jesu fu tavan ijia ire sumakin iji rena e uruvana bu game kuai, E iji fun ma e iji fu Godon vuak vierafene kuaimon iji fu ruakno kuainma ijarno kuain.

Jon 7:31

Bu ijeg ren gavo e iji afuinva ijia buka e uruvana una fu ma vierafene isuar bui kuai, E iji bu usuibe kuai fu ruakno kuainva iji fu ruakma fute ire sumakin ka uruvana kafo e gari fuba renma iji asime rekno kuain.

Ibru 10:37

Ijefuon jaka ire ijin reokfuon ijefuon maiji God usuibe fu e iji fu kuamga fu ruainma ijefuon fu ijeg kuai, Fu tavan ivuankbe ijia fu una ruak revo fuba saroik.