Metiu 11:23 - Namiae

²³ Regavo una e ar Kafoniamko iji jaiji jab vierafero God fu ja fuka kege arordiame kam kaf gufia uniakro jab ijeg vierafek. Jaiji God fuka kam una ar ise mian naino ijia korekfuon. Ja unam sumakin iji na ni jon ijia kegoija ja gienva iji na ur e ar Sodom karinva ijia renvabatie e iji bun usuibe oi karoinvado God fuba amur fu kege arafiriaima ijeg fuba arafiriaken.

Metiu 11:23 Iomraidhean Croise

Metiu 10:15

Regavo vuak igi naka ma kuardiav, Tavan radkma iji God fu una moikigia e ise kegoijo iji kege mazim giakma ijia ar Sodom ko Gomora iji fum sibank kege arafiriaken. Regavo una e iji eraneb bu ja nuigafiavo iji fuka kam unam ise ijia arafiriaga bu vajai fian abek.

Metiu 16:18

Ijefuon igia fai. Aiji iviakma if on na Fita kuak, Regavo if ijefuon maiji tuar ka gigikin ijin. Ijefuon na enun bu na jajievo iji na kege a uniafdaga ar samuagdiaga buon ma vierafejo iji fuka gigikin rek. Regavo Setanon e iji buiji bu daro bado bu unam on a kegoino iji buba bijukurak. Regavo nar a daro maga a Godon unam ma iji abe e fok kuardiame nijaidiaknum samuagdiak. Regavo irerag kafo e bu moikigia reoijo iji a giamga bu isega a kuriaireme bijukuriamo iji God varur gufia fino iji fuk fu ijeg kuriaireme bijukuriak. Regavo irerag kafo bu moikigia reoijo a giamga bun ma a oimadako bu reoijo iji God varur gufia fino fuk fu ijeg oimardiakno kuain.

Metiu 17:24

Areme Jesu fun e vuak fuon faivo ijiena roke ar Kafoniam ijia usen. Bu usevga e iji Godon ar bomana ijefuon mon iji e bu abese bu abeoijo iji roin bu ijia usen. Bu useme Fita kua, A vierafega eon iji e nijaidiamo iji fube mon iji bu Godon ar bomana ijefuon abesvo fube ifejdia abesemno kuain.

Metiu 4:13

Fu va Nasaret keko gavo fuba ijia fin revo fu asime va ai Kafoniam ijia fin. Regavo ar iji fu do Gareri nafuinma samaij ijia gavo fu ar Zeburun ko Nafetari guf ijia.

Metiu 8:5

Ijegreare tavan be Jesu fun roke ar Kafoniam kekomga e Romkobuon e bomana be ijia fino ijar kekome fu bien. Fu vierafega Jesu fuka fu ifejdakro fu ijeg vierafen. Ijefuon fu keko Jesu dab soisoime kua, E Bomana enun ik reno be fu adam bomana abene fuka vajai gareme ar gafia nam. Regavo fuka vajai fian bomana abene isejavaimno kuain.

Ruk 10:15

Rega e ar Kafoniamko iji jak jaka juf. Ijefuon maiji ja vierafero jaiji jan aresredo ja Godon ar ijia vakro ja iji vierafe gavo iji fu bakin. God ja fuka kam ar ise mian naino ijia kozekno kiain.

Ruk 14:11

Ijefuon maiji e besubesum erar fu koikfuon abe e bomana rekma fu una e ukakbe reken. Rega erar fu koikfuon abe e ukakbe rekma fu una e bomana rekno kiain.

Ruk 16:23

Regavo e iji fun guame va ar ise mian naino bu kua Edis kuavo ijia fine vajai fian bomana aben. Fu abeknum una gafeg kaf gufia gak Eburam fu Rasaras afeme fusik aibe ijia fina fu giain.

Ruk 4:23

Bu ijeg kuaivga Jesu fu una kia, Na giaga ja vuak be ijeg kuaikuai vierafen. Ja kuai, A e karauniamo ijefuon ni koikon oi keunanamimne. Regavo ni izeg a ar Kafoniam ijia ire iji a reoina no fainva ijeg una ar on ma igia rega no game a ma vierafejno kiekuai vierafenvano kuain.

Eks 2:31

Fu vierafega Jesu fu una urik ijefuon fu vuak ijeg kuardiame kia, God fuba e iji fu kuama fu ari ruainma iji arega fu zuarunam vak vo vajai fuon fuba mako ijia muturek.

Jiud 1:7

Regavo ni madu mai Sodom ga Gomora ga mai ukakna kafo samaij ijia bu izegrenva iji vierafef. E iji bu anera iji bu renva ijeg bu ba God igain revo bu barubara buon fudanamiknum ka unam ma ise iji ren. Bu iji renva ijefuon mai iji bu vajai fian abene mian ijia naoin. Regavo e fok bu ijia giame vierafe bu iserekva bu ijeg arafiriame mian naoikro bu ijeg vierafek.

Revareson 1:18

Fu ijeg kieme vo fu madu kie, Naiji na e iji tavan bog ijia fivako ijin revo na ur kuros ijia guain gavo nan una uri ijia fivak. Regavo na aoivo ijiga ar iji bu aoime va karijo iji na daro nun ijia bu samuagdiavno kien.

Revareson 11:8

Bu aoiga surif buon iji bu mai bomana Jerusarem bu E Bomana abe kuros kanainva iji unam ijia naoik. (Revo mai bomana ijefuon if bu abe dakaroime una mai ise Sodom ga Ijift bu kiavo ijeg kurak).

Revareson 20:13

Amur iji bu e iji saof ijia aoinva ijieb Godon vaka fu kege mazim giain. Fu giame una e moikigia aoinva bu zuarunam karinva ijiebuon unam iji izeg bu kegoinva iji kege mazim giain. Fu unam buon izeg bu kegoinva iji bu buk ijia isoinva ijia giaknum kuardiain.

Revareson 6:8

Ijegreare na ga ire maf-os vajai garam ijar ijia manin. Regavo e iji azan ijia fino iji e iji bu kua aoivo kuavo ijar ijia fin revo ma samaij ijia jainma iji ar iji bu kua Zuarunam karijo ijar ijia jame rok. Bun daro vajiame kia, E moikigi oinva ijin atame nokarok ga nokarok (4) refno kiain. Areme ja daro namo ijefuon ar kafar be ire bijaivo ijiga unam izeg bu vasia karijo iji kege bu vajiaf. Regavo madu kafar be iji ire adam ise ijiga fanuf taraiko e jakiavo iji kiaga bu e iji ata besum karinva bu iji kege arafiriaga bu aoikno kiain.