Metiu 11:14 - Namiae

¹⁴ Regavo ja vuak buon iji jan ma vierafekuai samuainvaga e Jon ja gainva iji fu e Eraija e iji bu kuai fu ruakno kuainva ijin.

Metiu 11:14 Iomraidhean Croise

Metiu 11:13

Regavo tavan iji e Godon vuak vierafene kuaivo bu karinva ijia ga e Mosison akai bu ik abenva ijia e iji buka karine tavan iji God fu ivez efuon ijiebuon oij iji samuagdiakfuon ijin dab karine kuaimoin. Bu vuak iji dab ijeg karine kuaime roke Jon e do ruardiamo ijefuon tavan ijia usen.

Ruk 1:17

Fu usuibe Eraija e Godon vuak vierafene kuaimon fu e darokin renma ijeg fu daro abene amur E Bomana ijefuon unam iji amarme vak. Regavo fur am ijigam asoifijaf iji aferdiame una agan besum rek. Regavo madu fur e iji bu God ba igavo iji aferdiame una unam ma ijia uniak. Rega fur E Bomana ijefuon e uruvana aferdiame ke amardiaga bu una E Bomana iji samuakno kuain.

Jon 16:12

Na vuak uruvana kuardiakafie vierafen gavo fuka uruvanado ja izeg vuak nun fok faime mukoi vierafeokva bakin.

1 Korintiens 3:2

Tavan iji na ijeg kuardiainva ijia na Godon vuak ka mamkanuk roin naba nijaidiain. Regavo iviakma na vierafe na Godon vuak mamkanuk roin naba nijaidiak. Ijefuon maiji ja vek e moik igekor bu karioijo ja ijeg karij. Jaka kaifjon ijiena oi isema vierafene musikuaiknum karij. Ja ire ijegrejo iji jaka e iji eraneb bu E Bomana ijefuon e renva bakin iji bu rejo ja ijeg rej.

Revareson 20:4

Na ijia manine varur ijia ire fata kafo e ijia ajie karinva iji giain. Regavo e iji karinva iji bu Godri daro vajiaga bu e fok ijiebuon ise iji kege mazim giakfuon ijieb ijia karin. Regavo na madu e iji bu nuibakin Jesuon vuak ma iji dab e kuardiaoijga bu kaniainva ijiebuon kaven ijin ijia giain. E iji bu kaven ise maf kuriai ijiga kaven imut amarenva iji ba buon sirimameknum vo buba ire anf kafo variatar ijia ga imut ijia nain. Regavo bum una uri e mamkanuk rene juaivasia vuan taosen (1,000) bu Kuraisna moikigi samuame karin.