Metiu 1:20 - Namiae

^20-21 Fu ijeg vierafeoga E Bomana ijefuon anera ijar ari naka kuardame kua, Josof e Devidon uifarif ige bara Meri a abekafa jumo iji fu bano abene. Regavo am iji fu fudienma iji fu Kaven Akai ijefuon daro ijia fudiedo fu am farif nafekma a abe ime Jesuno kuak. Ijefuon maiji fur efuon ijiebuon ise iji bu reoijo ijia karauniakno kuain.

Metiu 1:20 Iomraidhean Croise

Metiu 1:18

Ijegvo Jesu Kurais bu nafenva iji fu ijeg. Bara Meri Jesuon asie iji bu e Josof jakfuon kuain. Regavo fu vek naise ba baruna nainma ijia fu fuon ganamigak fu Kaven Akai ijefuon daro ijia fu e fudienma fu iji gain.

Metiu 2:12

Ijegreare bun naoinva ijia God fu naka ijia kuardiame kia, Jab una Erod fino ijia vakvano kiamga bun uri unam be ijia una ar buon ijia vain.

Metiu 2:13

E mujur davo nokbek (3) iji bun una vakga Josof fu nainmaga E Bomana ijefuon anera ijar arime naka kuardain. Fu kua, Migegare urine am gureko asiefuon ijin aferdiame ni uri ko gamia ar Ijift ijia ari va figa nar kuaga ni una rokne. Ijefuon maiji e bomana Erod moik samuamo iji fu am iji kanakafa nisaimoino kuain.

Metiu 2:19

Ijegreare e Erod fun guakoga E Bomana ijefuon anera iji fun una Ijift ijia arime Josof naka kuardame ijeg kuardain.

Metiu 2:22

Fu una Judia ijia fivako ijia fu e Akeras fu asoifuon Erodon ar iji abene e bomana rene ai Judia samuamo iji fain. Fu iji faima fuka bomana jumga E Bomana ijefuon anera iji fu una arime Josof izeg fu rekfuon fok fuka naka ijia kuardain. Ijefuon fu ar Judia fu ijia areme va Nasaret ai Gareri ijia ar fuon same ijia fin. Regavo ijeg fu renma iji fu izeg e Godon vuak vierafe kuaimon fu isoinma ijekma aresrekro fu iji ijeg ren. Regavo vuak iji bu ijeg isoime kuai, E iji God fu kuaga fu ruakfuon iji fu e ar Nasaretkono kuain.

Metiu 27:19

Regavo tavan iji Fairet fu fata iji bu ijia ajie karine kot faivo ijia fino ijia bara fuon ijar vuak abedeme kume, Ab fine e iji ka ise kafo ba renma iji abe ire kafo fuon rek. Ijefuon maiji na naki naka ise be naine fu gainvano kumen.

Metiu 28:5

Regavo anera iji fu una bara iji kia, Jab juk. Na vierafe ja Jesu e iji bu abe kuros kanainva iji nisaimoij.

Ruk 1:19

Regavo anera iji fu urine kua, Naiji na Gebrior anera iji Godon nifak ijia manino iji nar. Godri na kiega na vuak ma iji abe igia a kuardakro ruain.

Ruk 2:4

Ijefuon e mamkanuk e daoijo iji bu usem Josof kua, Aiji a e Devidon uifarif be ijefuon ni una va Betriem ar bu sat on Devid nafenva ijia if on isoimne kuain. Ijefuon Josof fun bara Meri kaifuon iji afeme Nasaret Gareri guf iji areme una Betriem Judia guf ijia vain. Regavo bara Meri e Josof fu abekno kuainva iji fun fudien.

Eks 5:19

Regavo naki igia Godon anera ijieb dibur vien iji dajame ari e afasor iji aferdia usem makaf ijia kia, Ni va Godon ar bomana ijia aru ireme unam iviamkor bu ma karivako iji abe e kuardiafno kiain.

Revareson 19:7

Ijefuon ni roga no daro fuon ka ma bomana ijefuon oimaref. Ijefuon maiji tavan iji Maf-Sif Uka iji fu bara abekfuon iji fun ruain. Regavo vuak iji fu kuainma iji fu Jesur efuon fu ma vierafejo iji fu aferdiakfuon iji kuain. Regavo bara iji fun fu abekafa kanaufume samuain.