Mak 9:2 - Namiae

² Areme tavan siks (6) ijeg barekoga Jesu fun Fita ga Jeims ga Jon ijin aferdiame bun buonkua uruor kaf ijia ajieme vain. Bu va ijia usem ireme gakoga Jesuon vajat iji fun migegare una nibe ren.

Mak 9:2 Iomraidhean Croise

Metiu 14:13

Ijefuon Jesu fu vuak iji faime fun uri e vuak fuon faivo ijiena vanag abe ar iji areme bun ai e bakin ijia vain. Bun vakga e fok bun vuak iji faime uri ar buon iji areme bun roin diak ar fu vakafa vako ijia vain.

Mak 14:33

Areme fun uri e nokbek (3) Fita ga Jeims ga Jon iji aferdiame vain. Regavo fuka uruvana igia oifiain ga madu fuka oiseren.

Mak 16:12

Areme rad Jesuon uikinik fu una nibe rene e nokarok (2) bu ai be vakuai unam ijia vako fu iji biediame buna vuak kuaiknum vain. Regavo e nokarok (2) ijieb una ro usem e vuak fuon faivo roin iji Jesuon vuak iji kuardiain gavo buka ba vuak buon ma vierafen.

Mak 5:37

Areme Jesu fun uri Fita ga Jeims ga Jon e Jeimson uviai iji aferdiame funa vaga e roin fu kiamga bu ijia aren.

Ruk 6:12

Areme tavan ijia Jesu fu una uruor ijia ajieme sirimamekafa vain. Fun va uruor ijia kekome naki fu God sirimameko vake tavan irasen.

Jon 1:14

Areme Vuak iji fun ema rene tavan ivuankbe nona besum moikigia oin. Fu Asoifuon kaf gufia fino ijefuon Farif besum ijin ga fuon sanainma asoifuon fu abe mainma iji non gain. Jesu fu unam ma ijiga Godon ma ijekma oin.

Romens 12:2

Regavo jab uri e kafo moikigia God ba ma vierafenva iji giame unam ise bu rejo ijeg kegok. Regavo nika arega fu Godri oijon kege karoiga ja una unam fuon ma iji vierafeokfuon. Fur oijon ijin kege karoiga ja koikjo irerag fu vierafeno ijesugin vierafene reoknum ga unam ma iji ja kegokfuon iji vierafek. Regavo madu ja irerag God fu oimaikfuon ja iji vierafene kegokfuon.

2 Korintiens 13:1

Efnun na amur tavan nokarok (2) giame vain ga iviakma igi na una madu giakafie rok. Regavo igi na una roko ijia e God ma vierafeno be fu ro kaifuon be God ma vierafeno ijefuon vuak be na kuardiekma iji na Godon vuak iji bu izeg buk ijia isoime kuainva na ijeg rek. Regavo vuak iji fu ijeg, Bu e nokarok (2) vo e nokbek (3) ijeg bu e befuon vuak iji izeg fu isema renma ijin ro na kuardiekva na e iji abe vajai fian mak.

Firifiens 3:21

Fu vajai surif nuvuon igi zazaikin ijin iviakma karinva iji kege una ka ma nibe amarduoga noka vajai izeg Jesu fu iviakma abe varur ijia fino iji abek. Regavo iji fu rekfuon iji fu daro fuon ka ma bomana fu ire fok samuagdiamo ijia abe rek.

Revareson 20:11

Areme na fata abaikin iji be gavo e iji fu ijia ajie fino iji gain. Regavo Godon nifak ijia moik ijiga varur buka bakiteme vaka fuba una giain.