Mak 8:11 - Namiae

¹¹ Bun va ar Damanuta ijia usevga e Ferisis roin bu Jesu biesuakuai ruain. Bu usem Jesu kua, Ni ire sumakin be rega no game vierafero an ma Godon daro ijia reoinro no ijeg vierafekno kuain.

Mak 8:11 Iomraidhean Croise

Metiu 12:38

Jesu fu ijeg kuardiamga e vuak akai nijaidiamo roin ga e Ferisis roin bu uri una kua, E nijaidiamon no vierafe aka ire sumakin be rega no ijia game a ma vierafekfuon. No ijia ma vierafero an ma Godri kuamga a ruainmaro no ijeg vierafekno kuain.

Metiu 19:3

Fu ijegreoino ijia e Ferisis roin bu ro usem Jesu bisuame kua, A vierafega akai nuvuon fu kuainma ijeg e be fu bara fuon fu ire kafokafo ba fu oimaikfuon ijia kegokma fube datura unaga fu vakno kuain?

Metiu 21:23

Areme Jesu fun e vuak fuon faivo ijiena una Godon ar bu sirimamejo makaf ijia vain. Fu ijia vuak nijaidiamo ijia e Godon isuf baroijo ijiebuon e mamkanuk ijigam e Jiusbuon e mamkanuk ijieb useme Jesu kua, Ire iji a reno iji daro iji a izia abe ren? Regavo a daro iji erar mainmano kuain?

Metiu 22:15

Areme rad e Ferisis roin bun useme va unam izeg bu Jesu biesuame duna kuakfuon iji kuaima maren.

Metiu 22:18

Bu ijeg kuardain gavo Jesu fu vuak buon ka kufui iji fun giain ijefuon fu uri kia, E guri ka ir kufuikin gurie ja era biesuakuai vierafene vuak kufui iji ke ruainvano kiain?

Metiu 22:23

Areme tavan besum ijia e Sejusis roin bu Jesu fino ijia ruain. (Regavo e iji ruainva iji bu e iji aoime una urijo iji buba ma vierafej). Ijefuon bu useme Jesu duna ijeg kua, E nijaidiamon Mosis fu kuo, E be erar fu bara abe fu am kafo ba tuanaga fu guakma uviaifuon iji fuka bara amun iji fusik abe fuifuon am tuanakno kuin.

Mak 2:16

Bu duok iko ijia e Ferisis roin vuak akai nijaidiavo iji bu ijia buna karine duok ij. Ijefuon bu uri e iji Jesuon vuak faivo iji kia, E jon bomana iji fu irerafuon e guri ise reoijo ijiga e takes abeoijo ijiena duok ino kiain?

Mak 9:16

Areme fu uri e vuak fuon faivo iji kia, Ja vuak igi irerag iji buna kuaime dab siguvno kiain.

Ruk 10:25

Tavan be e vuak akai nijaidiamon ijar Jesu biesuame kua, E Nijaidiamo na izegrekva na unam ma fivako iji abekno kuain?

Ruk 11:16

Regavo e roin bu Jesu biesuakuai uri kua, Ni ire sumakin be rega no ijia Godon daro iji game ma vierafejno kuain.

Jon 4:48

Fu vake gafia keko kuamga Jesu fu una kua, Ja e fok ja vierafe naka ire sumakin mukor kafo uruvana rega ja ijia giame ijar una na ma vierafekuai ja ijeg vierafenvano kiain.

Jon 6:30

Fu ijeg kuardiamga bu una kua, Regavo a ire sumakin be a irerag iji rega no ijia game una a ma vierafek? Regavo Godon buk akai bu usuibe isoinva ijia bu kuai, Mosis fu ai moikum namo ijia bred mena fum kaf gufia ari rokga fu kege e saifnuvuon iji vajiama bu invano kuain. Izeg bu ai moikum namo ijia vasiaordiamga bu bred mena fum kaf gufia arimga bu kege in. Ijefuon vo abe ire sumakin be ijekin iji rega no ijia game una a ma vierafek?

Jon 7:48

Ja vierafega e Ferisis ijiga e mamkanuk igi roin buba una fu ma vierafev?

Jon 8:6

Regavo vuak iji bum ijeg kuardaga are Jesu fu uri ijia vuak isema kuardiaga bu rad fu tokuai ijefuon bu ijeg kuardain. Regavo Jesu irerag bu rejo iji fun vierafen ijefuon fu daime imut fuon ijia sakin ijia isoin.

Eks 5:9

Rega Fita fu bara iji kua, Ja no barukin ja izeg vierafene ijegrenvano kuain? Regavo iji ja renva iji ja Godon Kaven biesuain ijefuon vien garaijia e nivek iji bu baru on abe usem mako rukuai vainva ijeg ak bu abe giem usem vakno kuain.

1 Korintiens 10:9

Regavo madu E Bomana fu fine guomon ijefuon noba uri ise uruvana rene fu dab deajin maga fu no kam vajai fian vajuok. Usuibe saifnuvuon roin buka ijegrene ka ise uruvana ren. Ijefuon God fu tabar uruvana kege uniama bu e ka uruvana jakiava bu aoim baren.