Mak 7:18 - Namiae

^18-19 Bu ijeg kuavga fu kia, E fok buka non giaga ja e vuak nun faivo iji jak jaka non giain. E be fu ire be abe ikma fu ire ijar fu dab ise rekma bakin. Regavo ire iji fu ino iji fu oifuon guf ijia arivakma bakin. Regavo fum defok ijia arime una vajai fuon ijia keko vak. (Regavo Jesu vuak ijeg fu kuainma iji duok fok no ijo iji fu iseno kuainma bakin revo buka ma ijesugin).

Mak 7:18 Iomraidhean Croise

Metiu 15:11

E iji fu oine duok ino iji fu duok ijar fu abe Godon nifak ijia ise reno bakin. Regavo fu vuak irerag fu oifuon ijia vierafene kuaimoino iji fu vuak isekma ijar e iji fuka Godon nifak ijia fuba maturainmano kiain.

Metiu 16:11

Ja unam iji jan giain gavo ja irerafuon jaka ba ma vierafen? Regavo bred iji bu ire ist ijekma amarenva iji na kuardiainva iji na ma ijefuon kuardiainva bakin. Gavo na e Ferisis ijiga e Sejusis buon unam ka ise bu kegoijo na ijefuon abe ijeg ire ist ijia bijame kuardiain. Ijefuon iji vierafene mukorigia giaknum ogavo jab una unam buon ka ise bu vierafene kegoijo ijia jajiavno kiain.

Mak 4:13

Jesu fu ijeg kuardiame kia, Ja vuak igi na bijame kuardiavo iji jaba amarigia faikva ja izeg una vuak kafo bu ijeg bijame kuainva iji mukor faime vierafek.

Mak 7:17

Areme Jesu fun e iji afuim karinva iji areme ar guf ijia aru vakga e vuak fuon faivo iji bu uri kua, Ni vuak iji a bijame kuarduinma ijefuon ma iji kuarduomne kuain.

Ruk 24:25

Bu vuak ijeg Jesu kuardame barevga Jesu fusik uri kia, E guri ka nigen iserenva gurie. Ja irerafuon e Godon vuak vierafene kuaivo ijiebuon vuak bu usuibe isoinva iji jaba migegare faime ma vierafen.

Jon 3:10

Fu ijeg kuardamga Jesu fu kua, Aiji aka e Isrerkobuon e vuak nijaidiamon e bomana be revo a vuak igi na kuardavo iji aba mukoi faim.

1 Korintiens 3:2

Tavan iji na ijeg kuardiainva ijia na Godon vuak ka mamkanuk roin naba nijaidiain. Regavo iviakma na vierafe na Godon vuak mamkanuk roin naba nijaidiak. Ijefuon maiji ja vek e moik igekor bu karioijo ja ijeg karij. Jaka kaifjon ijiena oi isema vierafene musikuaiknum karij. Ja ire ijegrejo iji jaka e iji eraneb bu E Bomana ijefuon e renva bakin iji bu rejo ja ijeg rej.

Ibru 5:11

Jesu ko Mekisidekbuon vuak iji no kuardiavo iji fuka ma bomana. Regavo na nijaidiakva fuka ma gigikin ja vierafekva bakin ijefuon maiji vuak ja faivo iji jaka saroime vierafej.