Mak 5:24 - Namiae

²⁴ Fu ijeg kuamga Jesu fun fusik vain. Regavo buka e uruvana Jesuna vako ijefuon buka buon ajiefirainamiknum vain.

Mak 5:24 Iomraidhean Croise

Mak 3:20

Ijegreare Jesu fun una ai be ijia ajie vakga e fok bu madu usem ijia afuin. Ijefuon Jesu ga e vuak fuon faivo iji bu duok ikrega fuka tavan bakin.

Mak 5:25

Regavo bara be buna vako iji fu ise fi ruako fuka juaivasia tuer (12) ijeg baren. Regavo kavuan fu arimo iji fuba baren.

Mak 5:31

Fu ijeg kiamga e vuak fuon faivo iji bu uri una roin kua, Igia gamne buka e uruvana a dab kirakurakoga a ijia kia erar ugon nun kunainmano kiam.

Ruk 11:29

Jesu fu ijeg kuardiamga e uruvana bun uri Jesu dab kirakuravga fu uri kia, E igi iviakma karinva iji bu unam ise kafokafo bu reoijo iji buka ba aren. Regavo bu vierafe naka ire sumakin kafo rega bu giakuai bu iji vierafen. Regavo ire sumakin iji na nijaidiakfuon iji nam ire iji Jona fu renma ijesugin nijaidiak. Jona e Godon vuak vierafene kuaimon e Ninevako iji anf be rene nijaidiain. Regavo iviakma Ema ijiebuon Farif igi nak na e igi iviakma karijo iji unam sumakin be rega bu gak.

Ruk 12:1

Ijegrene buka e uruvana ijia afuivo ijefuon buka bui ajifnamuiv. Bu ijegrejo ijia Jesu fu amur uri e vuak fuon faivo iji kia, E Ferisis ijiebuon unam ka kufui iji bu e biesiaoijo iji amarigia giame datomdiagavo jab buonak kegok.

Ruk 19:3

Regavo Zekias fu Jesu e izekin fu iji gakafak vierafen revo fuka e ivuankbe ijefuon fu izeg e fok ijiebuon nifak ijia Jesu gakma bakin. Ijefuon fu asidiame kukum roke in durim ijekin be unam irif ijia manino ijia ajien. Fu ijia ajie fine Jesu vuako iji gam.

Ruk 7:6

Ijefuon Jesu fun buna vake e bomana ijefuon ar iji samairenma ijia e bomana iji fun kaifijaf kiama bu Jesu kuakuai ruain. Bu ro useme Jesu kuai, No E bomana nuvuon iji fu kume naba aresredo ab ar nun igia ruak. Regavo madu na koiknun vuakva na maturainva bakin ijefuon nin vuak nijiega enun ikreno igi fu maimno kumen.

Ruk 8:42

Ijefuon maiji kabainun juaivasia tuer (12) ijeg barenma ijar adam abene guakafaren. Rega fu am kafo bakin ga fun kabaifuon besum ijesugin. Fu ijeg kuamga Jesu fu uri e iji jame vakga e uruvana buk bu uri buna vain. Regavo bu vek unam ijia vako ijia e uruvana bu vierafega buka Jesu vako uikinik fuon ijia vakuai buka bui ajifnamuiknum vain.

Ruk 8:45

Bara ijar ijegrega Jesu fu faime kia, Erar na niriakienmano kiain? Fu ijeg kiamga e uruvana bu kua, No bano kuain. Rega Fita fu uri kua, E Bomana buka e uruvana a dab kirakuravno kuain.