Mak 5:14 - Namiae

¹⁴ Bu ijegrejga e iji maf samuagdiamo iji bu giame usem subinai e iji bu juar mene samuagdia karijo ijigam e iji mai guf ijia karioinva ijin vuak iji dab kuardiame vain. Bu ijeg kuardia vakoga e iji bu vuak iji faime usem Jesu ire iji fu renma iji gakuai ruain.

Mak 5:14 Iomraidhean Croise

Metiu 7:6

Regavo na kuardiainva ijeg jab Godon vuak akaij iji abe va e iji bu vuak ma iji faikuai uzavo ijin kuardiak. E iji bu ire mon igi bu kege maf iji vajiavo igekin. Maf iji bu ire mon iji kege irerag abekfuon iji bu vierafenva bado bu kam datuaik. Ijegvo jaba mukor giaknum vuak nun ma iji abe va e iji buba oimarknum faikuai vierafenva iji kuardiakva buka uzak. Buka ada bijume una vuak jon bu ke karoime una buon ijia kuardiaknum kam kania arafiriakno kiain.

Metiu 8:33

Maf iji bu ijegrejga e iji maf samuagdiavo bu ire iji renma iji game bun subinai una mai bomana ijia vain. Bu va gafia useme ire iji renma ijin e fok kuardiain. Bu maf iji bu renva iji kuardiame madu uri e nokarok (2) iji bu kaven ise ijieb bu kam ninarukiavo iji izeg bu renva iji kuardiain. Ijefuon e fok mai guf ijia karinva iji bun uri Jesu biekuai useme vain. Bu usem va Jesu bieme uri soisoime kuavga fu mai iji areme una ar be ijia vain.

Mak 5:13

Bu ijeg kuavga fu kia, Ni ijegrefno kiamga kaven ise iji bu e iji areme usem una maf ijiebuon oij ijia arin. Regavo maf buka ma uruvana tu taosen (2,000) ijeg. Ijefuon bu usem subinai uruor igegamekin ijia arime do urame aoin.

Mak 5:15

Bu useme e iji kaven ise ijieb fu dab niroimoijo iji gain. Bu ga fu ire iji fu reoinon iji fun dasume dab akozga una e ma rene ugon fuon same fina bu gava buka dejufdiain.

Ruk 8:34

Bu ijegrejga e iji maf samuagdiavo iji bu ire iji renma ijin giame bun usem kukubija mai buon ijia e mamkanuk iji abe vo e juar mejo iji kuardiame vain.