Mak 14:49 - Namiae

⁴⁹ Na tavan bog naka e Jiusbuon ar bu sirimamejo ijia aru fine vuak nijaidiaoij revo jaba ijia arume na tofdien. Regavo na vierafe ire fok igi iviakma reno iji fu Godon buk akaij ijia vuak irerag bu nuifuon isoime kuainva iji fuka aresrekno kiain.

Mak 14:49 Iomraidhean Croise

Metiu 1:22

Ijegvo ire uruvana bu renva iji fun izeg E Bomana fu usuibe Aisaia e vuak fuon vierafe kuaimon ijefuon oij ijia vierafe mamga fu kuainma fun ijekma aresrekro fu iji ijeg ren.

Metiu 26:54

Regavo na ijegrekva na vierafe Godon vuak iji bu buk akai ijia isoime nuisina kuainva iji fuba aresrekfuon. Ijefuon ni areke irerag fu kuainma iji fu reno kiain.

Metiu 26:55

Jesu fu ijeg kuardiame una e fok ruainva iji kia, Ja vierafero na e kuriai e kaniavo ijefuon jaka kakigam jua magu iji kege na okurieme tofdiekuai ruain. Na tavan bog naka e Jiusbuon ar bu sirimamejo ijia aru fine vuak nijaidiain gavo jaba ijia arume na tofdien.

Metiu 26:56

Regavo na vierafe ire fok iviakma reno iji fuka vuak irerag fok e Godon vuak vierafene kuaivo bu buk akaij ijia isoinva iji fu ijekma aresrekno kiain. Jesu fu ijeg kuardiako ijia e vuak fuon faivo fok bu ijia uname bun uri subinai vain.

Mak 10:1

Areme Jesu fun ar iji areme una Judia guf ijia do Jodan ruvainma irif gara ijia vain. Fu ijia vakga e uruvana bu una fuon rokga fu amur fu renma ijeg fu una madu vuak nijaidiain.

Mak 11:27

Jesu fu ijeg kuardia barme bun una uri vake Jerusarem usen. Areme Jesu fun una madu va Jerusarem ijia Godon ar bu sirimamejo ijia arume oin. Fu ijia aru oinon ijia e mamkanuk Godon isuf baroijo ijigam e vuak akai nijaidiavo ijigam e mamkanuk kafo bu uri kua, Ire iji a reno iji daro iji a izia abe ren? Regavo erar daro iji a mainmano kuain?

Mak 12:35

Jesu fu vek Godon ar ijia vuak nijaidiamon ijia fu uri e ijia karinva iji duna be kuardiain. Fu kia, E iji vuak akai nijaidiavo iji bu izeg game vierafenva ijefuon bu kuaiv e iji God fu kuaga fu ruakma iji fum e Devidon uifarif ijiano kuaiv?

Mak 14:48

Rega Jesu fu uri kia, A na e niekiga ja ijefuon jua magu abe na tomdiekuai ruain?

Mak 14:50

Areme e vuak fuon faivo iji bu ijia magame subinai vain.

Ruk 19:47

Fu ijeg kuriairega bu usem vako fu tavan uruvana Godon ar ijia vuak nijaidiam. Regavo e Godon isuf baroijo ijiebuon e mamkanuk ijiga e vuak akai nijaidiavo ijiga e aiko ijiebuon e mamkanuk iji bu ka Jesu kanakuai vierafen.

Ruk 22:37

Ijefuon maiji usuibe vuak iji bu buk akaij ijia isoime kuai, E iji bu abe e niesavo ijiena kamakno kuainva iji buka na abe ijegrega fu ijekma aresrekno kiain. Ijefuon maiji vuak irerag bu nuisina isoinva iji na vierafega bu rekno kiain.

Jon 10:23

Bu ijegrejo ijia Jesu fu Godon ar bomana ijefuon makaf be bu kua Soromonon banadno kuavo ijia arume oin.

Jon 18:20

Fu ijeg kuardamga Jesu fu una roin kua, Na tavan uruvana naka e fok ijiebuon nifak ijia vuak nun na ijia kuardiaoin. Na ar ukakna jon iji ja ijia aru afuim vuak kuaivo ijigam madu Godon ar bomana iji e Jius abevo e Jius bakin iji bu tavan bog ijia afuim sirimamejo na ijia arume vuak nijaidiaknum kuardiaoin. Regavo na vuak kafo naba isuar sauim kuardiaoin.

Jon 7:37

Tavan bomana be bu iro ine barekrejo ijia Jesu fu uri uruvana igia aramajiame kume, E be erar do kafakma ni nun roga na do jiamavno kumen. Ijefuon maiji usuibe Godon buk akaij ijia bu isoinva iji bu ijeg isoi, Eraneb bu na ma vierafekva do iji fu bu ifejdiaga bu ma karivako iji fu oibuon ijia abesek.

Jon 8:12

Ijegreare Jesu fu una madu e Ferisis iji kuardiame kia, Naiji na e moikigia oijo ijiebuon sanainma ijin. Eraneb bu na kegoijo ijeg bu rad nun ijia mimatame kegokva buba nakinma ijia ok. Regavo madu buka sanainma nun iji fu tavan bog ijia navako iji abekno kiain.

Jon 8:2

Fu ijia vainma suok ijia fun una Godon ar bu sirimamejo makaf ijia ruain. Fu ijia rokga e uruvana bu biom fu dab kirakuravga fu ijia arifine e iji vuak nijaidiain.