Mak 11:32 - Namiae

³² Rega no kuak daro iji fu emab mainvano kuakva e guri bu izegrekfuon iji no vierafega fuka jufduom. Ijefuon maiji e fok bu ma vierafega e Jon fun ma e Godon vuak vierafene kuaimon be.

Mak 11:32 Iomraidhean Croise

Metiu 11:9

Regavo ja vainva iji ja irerag iji gakuai vain? Ja e Godon vuak vierafene kuaimon iji gakuai vainki ja eraiji gakuai usem vain? Ni kuardie na fai. Regavo na vierafega e iji ja gakuai vainva iji fun ma e Godon vuak vierafene kuaimon be. E iji fuka ma e ikin fur e Godon vuak vierafene kuaivo iji fu asidiain.

Metiu 14:5

Regavo Erod fuiji fu vierafe fuka kia bu Jon kanaga fu guakro fu ijeg vierafene fu una e Jius iji juin. Ijefuon maiji e Jius iji bu ma vierafega e Jon fu ma e Godon vuak vierafene kuaimon be ijefuon fu iji vierafen.

Metiu 21:46

Ijefuon bu uri Jesu kunaime tokuai vierafen. Gavo e fok ijia ruainva iji bu vierafega Jesu fuka ma e iji Godon vuak vierafene kuaimon ijin. Ijefuon e mamkanuk iji buka jume ire kafo buba fuon ren.

Mak 11:31

Fu ijeg kuardiamga bu uri dab bui kuaime siguknum kuai, Note una izeg roib kuardak. No uri kuak fu Godri mainmano kuakva fu una kuok revo ja irerafuon ba Jon ma vierafenvano kuok.

Mak 11:33

Ijefuon bu una Jesu kua, Noba vierafenvano kuain. Areme fu uri kia, Ijekido na daro igi na izia abe ire igin reoijo iji naba kuardiakno kiain.

Mak 12:12

Jesu fu vuak ijin kuardiamga bu ijefuon uri Jesu kunaime tokuai vierafen. Ijefuon maiji bu vierafega vuak iji fu bijame kuaimon iji fu buisina kuaim. Regavo buka e uruvana ijia ruainva iji juinva ijefuon buba ire be fuon ren gavo bu ijia areme vain.

Ruk 20:19

Ijefuon e vuak akai nijaidiavo iji abevo e Godon isuf baroijo ijiebuon e mamkanuk iji bu vierafe buka migegare Jesu kunaim tokuai vierafen. Ijefuon maiji bu vierafega vuak iji fu bijame kuainma iji fu buisina kuain. Regavo bu una e ijia ruainva iji juin.

Ruk 22:2

Tavan iji fun samairega e mamkanuk Godon isuf baroijo iji abevo e vuak akai nijaidiavo iji bu uri unam izeg bu Jesu kanakfuon iji nisain. Regavo vuak iji buba abe kuaime samafren ijefuon maiji bu e uruvana ijia ruainva iji juin.

Jon 10:41

Fu ijia vako e uruvana bu biom fuon ruaknum kua, E Jon fu ire sumakin kafo fuba rena no gain revo vuak irerag fok fu e garefuon fu kuarduinma iji fuka mano kuain. Areme e ka uruvana bu ijia una fu ma vierafene kuai, E iji fu ma e iji God fu kuai fu ruakno kuainma ijino kuain.

Eks 5:26

Fu ijeg kiamga e juokarijo iji samuagdiamo iji fu efuon juokarinva ijiena va e afasor iji bu Godon ar bomana ijia aru irem e nijaidiavo iji isuar aru aferdia usem ruain. Bu ijegrenva ijefuon maiji bu vierafega bu kuriaikuriaikin kuardiakva e iji karinva ijieb uri mun tuame bu kaniak. Ijefuon bum isuar aferdiame ebuon mamkanuk ijiebuon vain. Bu aferdia gamia usevga e bomana Godon isuf baroino iji fu uri kia, No vuak gigikin ja kuardiame kia, Jab Jesuon if ijia e roin nijaidiavno kiain.