Mak 11:20 - Namiae

²⁰ Bun va naoiva suok una unam ijia ruaknum in iji Jesu fu amur kuainma iji gak fun sairen. Fu a fuon iji ga kiak fuon fok fuka saire vake gireg gamia kekoin.

Mak 11:20 Iomraidhean Croise

Metiu 15:13

Bu ijeg kuardavga Jesu fu una vuak be ijeg bijame e iji kuardiain. Fu kia, E Ferisis iji bu uij iji Asoinun varur gufia fino ijar oinma bakin ijekin. Ijefuon rad bu uij ijin gireg gamekma jafek.

Metiu 21:18

Bu va ijia naoinva nakitu Jesu fun una e vuak fuon faivo ijiena una Jerusarem ruakuai roko ijia fuka vasiaguain.

Mak 11:12

Areme bun va ijia naoiva suok una roko ijia Jesu fu unam ijia vasiaguain.

Mak 11:14

Ijefuon Jesu fu uri in iji kua, Aiji a una sunin kiraga e bu ijia tura ikva bano kuain. Fu ijeg kuamga e vuak fuon faivo bu vuak iji fain.

Jon 15:6

Regavo eraneb buba nana besum kariokva e iji fu in kiak bu kaniafu kozega bu sairvo ijeg bu kaniafu kozega bu sairek. Regavo madu in kiak buba sunin kiravo iji bu kaniafume mian naino ijia kozega bu naoime barek. Ijegvo erar fuba nosik fiokma Asoinun juar iji samuamo fu e ijekin iji kege mian naino ijia kozega bu naoime barek.

Ibru 6:8

Regavo e iji God ba ma vierafejo iji buba ire kafo God oimaikfuon iji rejo iji bu moik iji fu ire ufien gurogin namo ijekin. Moik ijekin iji fui ma bakin ijefuon ufien fok bu aseme ke javo igekin. Ijegvo e iji ire kafo God ba oimaikfuon rejo iji bu ijeg aseme mian iji tavan bog ijia naivako ijia jak.

Jiud 1:12

Regavo ja Godon ar ijia besum afuime oijmanamime duok ijo ijia bu jana duok ijo iji buka unam ise kafokafo iji rejo ijefuon jaka jufdiav. Regavo bu duok uruvana iknum buonkua buon vierafej. Buka ire vana iji buibur ijar abe vak revo tavan iji fu damo bakin ijekin. Regavo madu buka in iji fu a kaname ba tavan fuon ma ijia una kiramo gavo fum sairmo igekin.